John Wesley
John Wesley (lair ing Epworth, 28 Juni 1703 – pati 2 Maret 1791 ing umur 87 taun) inggih punika salah satunggalipun teolog Inggris.[1] John punika putranipun pendeta saking gréja Anglikan.[1] Ramanipun namanipun Samuel Wesley lan ibunipun Susanna Annesley.[1] John ugi gadhah rayi ingkang miyos ing taun 1707 (Charles Wesley).[1] Panjenenganipun misuwur minangka pangadhegipun Gréja Metodis.[1]
Biografi
[besut | besut sumber]John Wesley gesang ing tengah-tengahipun masarakat Inggris ingkang taksih kapérang dados kelas-kelas sosial, inggih punika kelas bangsawan, kelas manengah, lan kelas ngandhap.[1] Nalika samanten wonten kasenjangan sosial ing antawisipun kelas ngandhap kaliyan kelas manengah manginggil.[1] Kasenjangan sosial punika dipunpengaruhi déning sistem ékonomi indhustri asil Revolusi Indhustri.[1] Wesley mirsani wonten katimpangan ing antawisipun kelas tiyang sugih lan tiyang ingkang mlarat.[1] Kelompok tiyang ingkang gadhah kakuaosan tansah nyugihaken pribadinipun piyambak, sanajan kathah kawula ngandhap ingkang kangelihen lan penyakiten.[1]
Nalika taun 1714 John mlebet sekolah Chartehouse ing London.[2] Panjenenganipun sinau ing sekolah kasebat ngantos dumugi taun 1720 lan lajeng pindhah dhateng universitas Oxford.[2] Taun 1724, panjenenganipun pikantuk gelar sarjana enèm lan pikantuk kalungguhan diaken ing taun 1725.[2] Salajengipun ing taun 1726, panjenenganipun dados asistén dhosén ing Lincoln College, Oxford kanthi nglajengaken gelar sarjananipun.[2] Nalika taun 1727, panjenenganipun pikantuk gelar sarjana, lan lajeng dipundadosaken imam pambiyantu ramanipun ing.[2] Ing taun 1735, Wesley tindak dhateng Georgia saperlu mbiwaraken Injil.[2] Nanging panjenenganipun boten kasil ngawontenaken panginjilan ing Georgia.[2]
Wekdal Wesley wangsul malih dhateng Inggris ing taun 1738, panjenenganipun dados sadhar dhateng kabetahan spiritualipun.[2] Panjenenganipun wiwit sadhar bilih sampun dipunditimbali amrih mawartosaken Injil dhateng sadaya bangsa Inggris.[2] Wonten ing misi punika, panjenenganipun kasil anggènipun narik kawigatén tiyang kathah, mliginipun tiyang buruh, kanggé pitados dhateng Injil,[2]
Cathetan suku
[besut | besut sumber]Pranala njawi
[besut | besut sumber]- John Wesley (1703 -- 1791) Archived 2010-04-27 at the Wayback Machine.
| Artikel biografi iki minangka artikel rintisan. Kowé bisa ngéwangi Wikipédia ngembangaké. |