Oden

Oden

Oden (おでん utawa 御田, Oden^?) ya iku sakabehing bahan kang digodhog ing duduh (dashi) kang digawé saka katsuobushi, kombu, lan kecap asin. Bahan pangan kang dilebokake bisa manéka warna lan ora winates mung lobak, konnyaku, endhog godhog, lan chikuwa.

Oden minangka panganan kang dipangan ing mangsa adhem, dianggo gadhon nalika isih panas-panas. Panganan iki minangka jajanan utawa kanca ngombé sake. Sapérangan irisan oden disundhuk nganggo sujen supaya gampang anggoné mangan. Oden padatan dipangan nganggo mustard, nanging ana uga wong-wong ing sapérangan wewengkon ing Jepang mangan oden nganggo saos legi saka miso.

Bahan kanggo nggawé duduh (dashi) lan isi oden manéka warna miturut saka tlatah lan kasenengane wong kang nggawé. Isiné oden padatan produk panganan dai kang wis mateng lan akèh didol ing toko. Oden ing Kansai digodhog nganggo duduh kang padatan luwih kenthel lan luwih asin tinimbang oden ing Kanto kang ora patiya asin. Ing Kansai, oden kang duduhe kenthel diarani Kanto-ni (godhogan cara Kanto). Ing Taiwan, panganan iki diarani Oren (黑輪), déné ing Shanghai diarani Aódiǎn (熬点).