Mikroblog

Artikel iki macak aksara Jawa. Menawa pangluru sampéyan durung njurung karakter iku, sampéyan mokal ndeleng sawenèh tulisan sing nganggo aksara Jawa ing kaca iki.
Kanggo ndandani, wacana Pitulung:Aksara Jawa.

Mikroblog iku sawijining wangun blog kang para naragunané bisa nulis tèks cekak kang racaké kurang saka 200 karakter lan mublikasi, supaya dideleng kabèh wong utawa golongan winates kang dipilih déning naraguna mau. Pesen-pesen iki bisa dikirim liwat manéka cara ya iku liwat SMS (Short Message Service), pesen instan, surat elektronik, digital audio utawa wèb. Sing mbédakaké mikroblog karo blog liyané ya iku mikroblog duwé ukuran kang luwih cilik tinimbang ukuran blog sabeneré. Nanging tujuané tetep padha ya iku naraguna nulis topik tinamtu. Naraguna mikroblog uga bisa mènèhi komentar marang tèks kang digawé déning naraguna liya lan semono uga suwaliké. Layanan iki bisa diundhuh kanthi gratis. Ora ana kriteria-kriteria mirunggan kanggo migunakaké layanan iki, kabèh wong ing saindhenging donya bisa ngayahi aktivitas nulis tèks singkat k nganggo fasilitas kang disadiyakaké déninbg mikroblog. Mikroblog wis ngalami perkembangan lan nyadiakaké akèh fasilitas kang bisa digunakaké.

Pranala njaba

Microblogging Archived 2010-05-04 at the Wayback Machine.

Rujukan

Sawyer, Stacey C. & Williams, Brian K. (2001). Using Information Technology, New York: McGraw-Hill Company.
Lin, Carolyn A. & Atkin, David A. (2002). Communication Technology and Society, Cresskill, NJ: Hampton Press, Inc.