Da̱li̱ta a̱ghyui

Da̱li̱ta a̱ghyui

Tafa	a̱nu a̱ghyui
A̱lyoot da̱nian	da̱li̱ta

Da̱li̱ta a̱ghyui Lena.

Da̱li̱ta a̱ghyui yet tangka̱i yet a̱byin hwa ku li nang a̱ma̱ntaa̱tat a̱ni, nang a̱ti̱ti̱t nang a̱sa̱khwot a̱ghyui kwok a̱ni ni̱ mbwoi a̱wot ku mun nwuo a̱sa̱khwot na̱ sweap ma̱ shonshyon ma̱ shonshyon ku a̱sa̱khwot na̱ yong ka̱tsak di̱ tyan jhyiung a̱ni si̱ swan a̱ja. Si̱ huni ni̱ nnyia̱ ma̱ a̱nu a̱ghyui kya, ka̱nang ka̱ nwuai ma̱ a̱gba̱ndang kyai a̱sa̱khwot, kyai a̱sa̱khwot, a̱na̱nwuai ti̱ta̱m, a̱gba̱ndang jok, ri̱zavwa, ku (di̱n jen jhyang) ma̱ a̱ghyui a̱ghyang da̱ ka̱ si̱ mi̱n shyei a̱ti̱ti̱t wu bah. Á̱ ngyei tangka̱i a̱ghyui a̱hwa a̱nia mat sanggak a̱ma̱ntaa̱nai nhu hwa ji̱ li nang a̱gba̱ndang zwunzwuo-a̱lyem Helen wu nang á̱ ngyei da̱li̱ta, Δ, a̱ni. Kyang ku nyia̱ tyok tazwa si̱sak nang shi hu ma̱ng sanggak da̱li̱ta ji na ndi a̱ni, huhwa yet swat-ma̱ka̱wa̱tyia̱ nvak cung a̱sa̱khwot ku kwok a̱ti̱ti̱t wu a̱ bai, mbeang lili nvak nsaai kham a̱sa̱khwot hu na̱ bu ka̱u, gang, a̱wot na̱ ba̱ ghwut ma̱ng a̱ti̱ti̱t wu. Shi hu, jiyometi̱ri, ma̱ng a̱gbang ka nang kham nsaai a̱sa̱khwot ji nshyia̱ a̱ni ni̱ ka mbyia̱ a̱tsatsak ta̱m di̱ bwoi da̱li̱ta swai.