იხილეთ წყარო გვერდისთვის რუსეთის ისტორია

{{რუსეთის ისტორია}}
'''[[რუსეთი]]ს ისტორია''' იწყება [[აღმოსავლეთის სლავები]]დან. პირველი აღმოსავლეთ სლავური გაერთიანება იყო, [[კიევის რუსეთი]], სწორედ ამ პერიოდში 988 წელს [[ბიზანტიის იმპერია|ბიზანტიის იმპერიიდან]] კიევის რუსეთში გავრცელდა [[ქრისტიანობა]].<ref>{{cite web|title=Kievan Rus' and Mongol Periods|url=http://www.shsu.edu/~his_ncp/Kievan.html|work=Sam Houston State University|accessdate=2007-07-20|archiveurl=https://web.archive.org/web/20070927230631/http://www.shsu.edu/~his_ncp/Kievan.html|archivedate=2007-09-27}}</ref> რუსული კულტურის ჩამოყალიბებაზე უდიდესი გავლენა მოახდინა ბიზანტიურმა და სლაურმა კულტურებმა.<ref name="Curtis">[http://www.shsu.edu/~his_ncp/Kievan.html Kievan Rus' and Mongol Periods] {{Webarchive|url=https://web.archive.org/web/20070927230631/http://www.shsu.edu/~his_ncp/Kievan.html |date=2007-09-27 }}, excerpted from Glenn E. Curtis (ed.), ''Russia: A Country Study'', Department of the Army, 1998. ISBN 0-16-061212-8.</ref> კიევის რუსეთის დასუსტების შემდეგ, წარმოიქმნა სამთავროები, ამ პერიოდში აღმოსავლეთ აზიაში ძლიერდება [[მონღოლეთის იმპერია|მონღოლეთი]], რომელიც ახორციელებს დაპყრობით ომებს. მონღოლების მმართველობის ქვეშ აღმოჩნდა სრულიად რუსეთი.

[[XIII საუკუნე|XIII საუკუნის]] დასაწყისისთვის, [[მოსკოვი]] თანდათანობით ძლიერდება და მთავარი კულტურული ცენტრი ხდება.<ref name = Curtis/> ახლად შექმნილი [[მოსკოვის დიდი სამთავრო]] უკვე მოგვიანებით სამეფოდ, ხოლო პეტრე I დიდის დროს იმპერიად ცხადდება. [[რუსეთის იმპერია|რუსეთის იმპერიის]] ტერიტორიები სულ უფრო იზედებოდა. რუსეთის შემადგენლობაში შევიდა ერთ დროს უძლიერესი სახელმწიფო [[პოლონეთი]], ხოლო აღმოსავლეთით იმპერიის საზღვრები აღწევდა [[წყნარი ოკეანე|წყნარ ოკეანემდე]]. ექსპანსია ასევე ხორციელდებოდა იმპერიის სამხრეთის მოსაზღვრე ტერიტორიებზე. რუსეთის იმპერიის შემადგენლობაში მრავალი ერი მოექცა, ამ ტერიტორიებზე ხშირდა იმართებოდა აჯანყებები დამოუკიდებლობის მოპოვებისთვის. მათგან აღსანიშნავია [[პოლონეთის აჯანყება (1832)|1832 წლის პოლონეთის აჯანყება]]. რუსეთი თავისი განვითარებით კვლავ ბატონყმურ ქვეყნად რჩებოდა, [[1861]] წელს იმპერატორ [[ალექსანდრე II (რუსეთი)|ალექსანდრე II]]-ის დადგენილებით გლეხები [[საგლეხო რეფორმა რუსეთში|ბატონყმური უღლისგან]] გათავისუფლდნენ. [[1905]] წელს დაწყებული აჯანყების ჩახშობის მიზნით, იმპერატორმა [[ნიკოლოზ II (რუსეთი)|ნიკოლოზ II]]-მ მოიწვია პირველი [[დუმა]], თუმცა აჯანყება როგორც კი დასრულდა მეფემ ის დაითხოვა. 1914 წელს დაწყებულ [[პირველი მსოფლიო ომი|პირველ მსოფლიო ომში]] რუსეთი ჩაერთო, ქვეყანაში შექმნილი მძიმე ვითარების გამო 1914 წელს განხორციელდა [[სტოლიპინის რეფორმა|სტოლიპინის აგრარული რეფორმა]].

[[1917]] წელს [[რუსეთის რევოლუცია (1917)|რუსეთში რევოლუცია]] დაიწყო, რევოლუციაში მონაწილე [[ბოლშევიკი|ბოლშევიკებმა]] გაიმარჯვეს. ქვეყანაში ბოლშევიკებს დამკვიდრება გაუჭირდათ, რის გამოც რუსეთში დაიწყო [[რუსეთის სამოქალაქო ომი|სამოქალაქო ომი]], ამ ომის დროს ბოლშევიკებმა სიცოცხლეს გამოასალმეს იმპერატორი ნიკოლოზი და მისი ოჯახის წევრები. 1922 წელს შეიქმნა [[საბჭოთა კავშირი]], რომელმაც 1991 წლამდე იარსება. რუსეთი შეუდგა [[ბრესტ-ლიტოვსკის ზავი]]თ დაკარგული ტერიტორიების დაბრუნებას. 1920 წლისათვის საბჭოთა კავშირის სათავეში ექცევა [[იოსებ სტალინი]], სტალინის მმართველობის დროს საბჭოთა ეკონომიკა აღმავლობის გზაზე დადგა. სტალინის მმართველობის ოცდაათწლიან დროს უწოდებენ "სტალინის ერას". 1980-იანი წლებიდან საბჭოთა კავშირის ეკონომიკა დაღმასვლის გზაზე დადგა. დაშლამ შეუქცევადი სახე მიიღო, ქვეყნის ხელმძღვანელობამ საბჭოთა კავშირის შენარჩუნება სცადა ახალი სამოკავშირეო ხელშეკრულების დადებით. 1991 წლის აგვისტოში მოეწყო ამბოხება. რომელიც ისტორიაში [[აგვისტოს პუტჩი]]ს სახელით არის ცნობილი. პუტჩმა კიდევ უფრო დააჩქარა სსრკ-ს დაშლის პროცესი. [[მიხეილ გორბაჩოვი]] თანამდებობიდან გადადგა. 1991 წლის 8 დეკემბერს საბჭოთა კავშირი ოფიციალურად დაიშალა.

საბჭოთა კავშირის დაშლის შემდეგ [[რუსეთი|რუსეთი]] ფედერაციულ სახელმწიფოდ გამოცხადდა. რუსეთის პირველი პრეზიდენტი გახდა [[ბორის ელცინი]]. რუსეთისთვის ეს პირველი წლები საკმაოდ მძიმე იყო, მისი ეკონომიკა უმძიმეს მდგომარეობაში იყო. რუსეთის ფედერაცია შევიდა 1992 წელს ჩამოყალიბებულ დამოუკიდებელ სახელმწიფოთა თანამეგობრობაში. ამ პერიოდში რუსეთისგან დამოუკიდებლობა გამოაცხადა [[ჩეჩნეთი|ჩეჩნეთმა]], 1994 წელს დაიწყო [[ჩეჩნეთის პირველი ომი|ჩეჩნეთ-რუსეთის ომი]], ამ ომში რუსეთმა გაიმარჯვა. 1999 წელს კვლავ დაიწყო [[ჩეჩნეთის მეორე ომი|რუსეთ-ჩეჩნეთის მეორე ომი]], რომელშიც კვლავ რუსეთმა გაიმარჯვა. რუსეთის ეკონომიკა აღმასვლის გზაზე დადგა, რამაც ქვეყანაში ვითარება მნიშვნელოვნად გააუმჯობესა.

== ადრეული ისტორია ==

=== კიევის რუსეთი ===

[[ფაილი:Kievan Rus en.jpg|thumb|კიევის რუსეთი 11 საუკუნეში]]
{{Main|კიევის რუსეთი}}

IX საუკუნის დამლევს ნორვეგიაში მსხვილი სახელმწიფოები იწყებს ჩამოყალიბებას, რომელთა მეფეები მეზობელი მიწების ათვისების ყველანაირი ძალის გამოყენებით ცდილობდნენ. სწორედ ამ პერიოდში ჩამოყალიბდა [[კიევის რუსეთი]], ეს მნიშვნელოვანი პერიოდია რუსეთის ისტორიაში. ძველი რუსული მატიანეების ცნობით, კიევის რუსეთის პირველი მთავარი იყო ლეგენდარული [[კიი]], [[შჩეკი]] და [[ხორივი]]. (დაახლოებით [[852]]). სლავურ ტომებს ქვეყნის სამართავად [[ვიკინგები]] მოუწვევიათ<ref>{{cite web|last=See, for instance,|title=Viking (Varangian) Oleg|publisher=Encyclopaedia Britannica|url=http://www.britannica.com/EBchecked/topic/427466/Oleg|accessdate=2007-12-27}}</ref> სამი ძმის — [[რიურიკი]]ს, [[სინეუსი]]ს და [[ტრუველი]]ს მეთაურობით. სწორედ რიურიკი ჩაუდგა კიევის რუსეთს სათავეში და ჩამოაყალიბა რიურიკების დინასტია.

კიევის რუსეთის ფეოდალური სახელმწიფო, სულ უფრო ძლიერდებოდა, [[862]] წელს მათ მიიერთეს [[ნოვგოროდი]]. რიურიკის სიკვდილის შემდეგ ძალაუფლება გადავიდა [[ოლეგი]]ს ხელში, რომელმაც [[882]] წელს კიევის ადგილობრივი ფეოდალები დაამარცხა და ქალაქი კიევი დაიკავა<ref>{{cite book|author=Thompson, J.W.; Johnson, E.N.|title=An Introduction to Medieval Europe, 300–1500|publisher=W. W. Norton & Co.|year=1937|page=268|isbn=0415346991}}</ref>, [[883]]-[[885]] წლებში დაიმორჩილა რადიმიჩთა ტომები, ხოლო [[907]] და [[911]] წლებში ილაშქრა [[ბიზანტია]]ში. ოლეგის გარდაცვალების შემდეგ, [[912]] წელს, სახელმწიფოს მმართველი ხდება იგორი, რომელიც ასევე აქტიურ საგარეო პოლიტიკას აწარმოებს.

[[994]]-[[972]] წლებში კიევის რუსეთის ფეოდალური სახელმწიფო საკმაოდ გაფართოვდა და გაძლიერდა. კიევის რუსეთის მმართველები აწარმოებდნენ ომებს [[პაჭანიკები]]ს წინააღმდეგ. ერთ-ერთ ასეთ ბრძოლაში დაიღუპა [[კიევის რუსეთის მმართველები|კევის რუსეთის დიდი მთავარი]] სვიატოსლავი. მისი გარდაცვალების შემდეგ ტახტის მემკვიდრე ვაჟებს შორის ატყდა ბრძოლა პირველობისათვის, გაიმარჯვა [[ვლადიმირ I დიდი|ვლადიმირმა]], მოგვიანებით დიდად წოდებულმა ([[980]]–[[1015]]). ვლადიმირის და მისი ვაჟის [[იაროსლავ ბრძენი]]ს დროს კიევის რუსეთში სახელმწიფო რელიგიად [[ქრისტიანობა]] ცხადდება ([[988]]-[[989]]), კერძოდ, ბიზანტიის [[მართლმადიდებლობა]].

კიევის რუსეთში სიტუაცია ძალიან მძიმე იყო, იაროსლავ ბრძენის გარდაცვალების შემდეგ დაიწყო მის ვაჟებს შორის ბრძოლა ტახტის ხელში ჩასაგდებად. [[1078]]-[[1093]] წლებში კიევის მთავარი გახდა ვსევოლოდი, მან ვერ შეძლო კიევის რუსეთის დაშლის პროცესის შეჩერება. სულ უფრო მეტ დამოუკიდებლობას იჩენდნენ მიწების მთავრები. [[1097]]—[[1113]] წლებში გამართულმა მთავრების ყრილობებმა მდგომარეობას ვერ უშველა. [[1113]] წელს კიევის მთავარი გახდა [[ვლადიმირ მონომახი]], მან შეძლო მდგომარეობის სტაბილიზაცია,  მოახერხა [[ყივჩაყები|ყივჩაყთა]] დამარცხება და ცალკეულ მთავართა დამორჩილება. სიტუაცია მაინც სავალალო იყო და კიევის რუსეთის დაშლამ შეუქცევადი სახე მიიღო. [[1125]]-[[1132]] წლებში გამეფდა ვლადიმირის ვაჟი მსტისლავი, მისი სიკვდილის შემდეგ [[კიევის რუსეთი]] საბოლოოდ დაიშალა ცალკეულ სამთავროებად. კიევის რუსეთის დაშლილ ტერიტორიაზე წარმოქმნილ სახელმწიფოებიდან, ყველაზე მნიშვნელოვანი და ძლიერი სახელმწიფოები იყო [[ვლადიმირ-სუზდალის სამთავრო]], ჩრდილო-აღმოსავლეთით [[ნოვგოროდის რესპუბლიკა]], ხოლო ჩრდილო-დასავლეთის ყველაზე ძლიერი სახელმწიფო იყო [[გალიჩ-ვოლინის სამთავრო]].

=== მონღოლთა შეჭრა ===
[[ფაილი:Mongols suzdal.jpg|მინი|[[ბათო-ყაენი]]ს მიერ ქალაქ [[ვლადიმირი]]ს აღება და გადაწვა, 1238 წლის თებერვალი.]]
{{მთავარი|მონღოლთა შეჭრა რუსეთში|მონღოლთა ლაშქრობები}}
ამ პერიოდში აზიის აღმოსავლეთით გაძლიერდა [[მონღოლეთის იმპერია]]. მონღოლეთმა დაიწყო ახალი ტერიტორიების მიერთებები. დასუსტებული და დაშლილი კიევის რუსეთის სამთავროები სერიოზულ წინააღმდეგობას ვერ უწევდა მონღოლეთს. 1223 წელს ბრძოლა გაიმართა მდინარე კალკეს სიახლოვეს, ამ ბრძოლაში რუსები დამარცხდნენ.<ref>See [[David Nicolle]], ''Kalka River 1223: Genghiz Khan's Mongols Invade Russia'', Osprey Publishing, 2001. ISBN 1-84176-233-4.</ref> 1237–1238 წლებში რუსები კვლავ დამარცხდნენ მონღოლებთა. მონღოლთა ურდოებმა გადაწვეს და გაანადგურეს ქალაქი [[ვლადიმირი]] (თებერვალი 4, 1238)<ref>Tatyana Shvetsova, [http://www.vor.ru/English/homeland/home_004.html The Vladimir Suzdal Principality] {{Webarchive|url=https://web.archive.org/web/20080320070136/http://www.vor.ru/English/homeland/home_004.html |date=2008-03-20 }} Retrieved 21 July 2007.</ref> და სხვა ქალაქები სამხრეთ რუსეთში. 1238 წლის 4 მარტს მდინარე [[მდინარე სიტეს ბრძოლა|სიტესთან]] გაიმართა ბრძოლა, ამ ბრძოლის შემდეგ რუსები წინააღმდეგობას თათარ დამპყრობლებს ვეღარ უწევდნენ. თათრები რუსეთიდან [[პოლონეთი|პოლონეთსა]] და [[უნგრეთი|უნგრეთში]] გადავიდნენ.

რუსეთის დაპყრობილ ტერიტორიაზე დაარსდა ახალი მონღოლური სახელმწიფო [[ოქროს ურდო]], ახალი სახელმწიფოს შემადგენლობაში მოექცა ისეთი ქალაქები, როგორებიცაა: [[მოსკოვი]], [[ნიჟნი-ნოვგოროდი]] და [[ტვერი]]. სახელმწიფოს სათავეში ედგნენ ბათუს დინასტიის ყაენები. XIV საუკუნიდან ოქროს უროდოს სახელმწიფო სუსტდება, ამ პერიოდში ძლიერდება რუსული სამთავროები. 1380 წელს რუსებმა ვლადიმირის მთავრის [[დიმიტრი I (დონელი)|დიმიტრი დონელის]] მეთაურობით დაამარცხეს მონღოლები [[კულიკოვის ბრძოლა|კულიკოვის ბრძოლაში]]. მიუხედავად ამისა, ოქროს ურდო თავის სიძლიერეს მაინც ინარჩუნებდა, 1382 წელს თოხთამიშმა აიღო მოსკოვი და გადაწვა. ოქროს ურდოს თათრულ სახელმწიფოს გამოუსწორებელი დარტყმა მიაყენა [[თემურლენგი|თემურლენგის]] შემოსევებმა. ოქროს ურდო დაეცა. რუსეთის სახელმწიფოებმა დამოუკიდებლობა მოიპოვეს.

== რუსეთის სამეფო ==
{{Main|რუსეთის სამეფო}}
[[ფაილი:Kremlinpic4.jpg|thumb|ივანე IV]]
=== ივანე IV, მრისხანე ===

[[1480]] წელს [[ოქროს ურდო]]საგან საბოლოოდ გათავისუფლებამ დააჩქარა რუსეთის გაერთიანება და ცენტრალიზებულ სახელმწიფოდ ჩამოყალიბება. [[XV საუკუნე|XV საუკუნის]] ბოლოს და [[XVI საუკუნე|XVI საუკუნის]] დასაწყისში რუსეთმა მიიერთა [[ფსკოვი]], [[სმოლენსკი (ოლქი)|სმოლენსკი]], [[რიაზანი (ოლქი)|რიაზანის]] მიმდებარე ტერიტორიები.

[[1547]] წელს გამეფდა [[ივანე IV (რუსეთი)|ივანე მრისხანე]], ბოროტი, სასტიკი და თავშეუკავებელი ხასიათის გამო მას მრისხანე უწოდეს. მეფის შეუზღუდავი ძალაუფლების გაძლიერების მიზნით ივანე მრისხანემ შექმნა მეთოფეთა ([[სტრელცების ჯარი|სტრელცების]]) მუდმივი ჯარი და [[1565]] წელს შემოიღო ეგრეთ წოდებული [[ოპრიჩნინა]]. მეფემ სახელმწიფოს მნიშვნელოვანი ნაწილი თავის პირად საკუთრებად გამოაცხადა რომელსაც ოპრიჩნინა ეწოდა. ოპრიჩნინაში მცხოვრებ ბოიარებს ჩამოერთვათ მიწები და დაურიგეს მეფის სანდო პირებს - ოპრიჩნიკებს. ოპრიჩნინის უკეთ მოწყობის მიზნით დანარჩენ ქვეყანას დაეკისრა დიდი გადასახადები. ოპრიჩნინაში განსაკუთრებული სისასტიკით უსწორდებოდნენ მეფის მოწინააღმდეგეებს. დამყარდა [[დესპოტიზმი]], ქვეყანაში საყოველთაო შიში გამეფდა, სჯიდნენ ყველა სოციალური ფენის წარმომადგენელს. ოპრიჩნიკებმა განუკითხაობა დაამყარეს. ოპრიჩნინის შექმნის შემდეგ დაიწყო ქვეყნის [[ეკონომიკა|ეკონომიკის]] დაქვეითება. თავისი წარმოების უაზრობაში ბოლოს თვით ივანე მრისხანეც დარწმუნდა და [[1572]] წელს გააუქმა ოპრიჩნინა.

ივანე IV-ის დროს გრძელდებოდა საზღვრის გაფართოება აღმოსავლეთით. ივანე მრისხანემ დაიპყრო [[ყაზანის სახანო|ყაზანის]] და [[ასტრახანის სახანო]]ები. ამის შემდეგ რუსეთს გზა გაეხსნა [[ციმბირის სახანო]]სკენ. ვოლგისპირა [[კაზაკი|კაზაკების]] რაზმის [[ატამანი]]ს (ხელმძღვანელის) [[ერმაკი]]ს მიერ წამოწყებული ბრძოლა ციმბირის სახანოს წინააღმდეგ. ერმაკის დაღუპვის შემდეგაც გაგრძელდა და ციმბირის სახანოს განადგურებით დასრულდა. [[1558]]-[[1583]] წლებში ივანე მრისხანე [[ბალტიისპირეთი|ბალტიისპირეთში]] აწარმოებდა ხანგძლივ [[ლივონიის ომი|ლივონის ომს]]. [[პოლონეთი|პოლონეთმა]],[[ლიტვა]]მ, [[დანია]]მ და [[შვედეთი|შვედეთმა]] არ მისსცა რუსეთს უფლება დაეპყრო [[ლივონია|ლივონის ორდენის]] ტერიტორია. ლივონის ომში რუსეთი დამარცხდა ამ ომმა რუსეთს ნგრევა და დასუსტება მოუტანა. რუსეთმა ვერ მოიპოვა გასასვლელი [[ბალტიის ზღვა]]ზე.

=== შფოთის წლები ===
[[ფაილი:Appeal of Minin.jpg|thumb|[[კუზმა მინინი]]ს მოწოდებით ხალხი იღებს [[ნიშნი-ნოვგოროდი|ნიშნი-ნოვგოროდს]], ამ ბრძოლაში პოლონელები დამარცხდნენ.<ref name="Dunning">Chester S. L. Dunning, "Russia's First Civil War: The Time of Troubles and the Founding of the Romanov Dynasty", Penn State Press (2001), 
ISBN 0-271-02074-1, pp. 433–434.</ref>]]
[[1584]] წელს ივანე მრისხანეს გარდაცვალების შემდეგ ტახტზე ავიდა მისი ავადმყოფი და გონებასუსტი ვაჟი [[თეოდორე ივანეს ძე]]. თეოდორე ივანეს ძის მეფობის დროს რუსეთს ფაქტობრივად მართავდა [[ბორის გოდუნოვი]].

[[1591]] წელს ქალაქ [[უგლიჩი|უგლიჩში]] გაურკვეველ ვითარებაში დაიღუპა ტახტის მემკვიდრე 8 წლის [[დიმეტრი ივანეს ძე]]. უშულოდ თეოდორე ივანის ძის გარდაცვალების შემდეგ [[ერობის კრება]]მ ბორის გოდუნოვი მეფედ აირჩია.

ბეგარა-გადასახადებით შევიწროებული გლეხები და ქალაქის ღარიბები გარბოდნენ [[დონი]]ს და [[ვოლგა|ვოლგის]] გაღმა, სადაც ისინი თავისუფლ კაზაკებად იქცეოდნენ. ქალაქების გაუკაცრიელების თავიდან აცილების მიზნით, გლეხებს და დაბალი ფენის წარმომადგენლებს აეკრძალათ ქალაქის დატოვება, მოხდა მათი დაყმევება. ბორის გოდუნოვის მეფობის დროს მოხდა [[ევროპა]]სთან დაახლოება, მეფეს სურდა ქალაქებში უნივერსიტეტების დაარსება და სტუდენტების სასწავლებლად ევროპაში გაშვება. გოდუნოვის მეფობის დასაწყისს დაემთხვა მოუსავლიანობა რუსეთში. მთელ ქვეყანაში საშინელი შიმშილი მძვინვარებდა, ხალხი ლაპარაკობდა რომ ქვეყანას ღმერთი სჯის უკანონო მეფის გამო. გავრცელდა ხმები რომ კაზაკებთან იმყოფებოდა უგლიჩში მოკლული დიმიტრი ივანეს ძე. ეს იყო თვითმარქვია ბერი [[ცრუ დიმიტრი I|გრიგოლ ოტრიპეევი]]. რომელიც [[პოლონეთი|პოლონეთში]] გაიქცა.

[[1604]] წელს [[ცრუ დიმიტრი I|ცრუ დიმიტრი]] პოლონელებთან და კაზაკებთან ერთად [[მოსკოვი]]სკენ გაემართა. გაღატაკებული მოსახლეობა იჯერებდა რომ ეს ნამდვილად ტახტის მემკვიდრე იყო და უერთდებოდა ცრუ დიმიტრის რაზმებს.
[[1605]] წელს მოულოდნელად გარდაიცვალა ბორის გოდუნოვი გამეფდა მისი 16 წლის [[თედორე II (რუსეთი)|თედორე II]], რომელიც ჭკვიანიც იყო და განათლებულიც მაგრამ მას მეფორა არ ეწერა რადგან, იმავე წელს ცრუ დიმიტრი შევიდა მოსკოვში ამოწყვიტა [[გოდუნოვების დინასტია|გოდუნოვების ოჯახი]] და თავი [[მეფე]]დ გამოაცხადა. მან ვერ შეძლო ქვეყნის მძიმე ეკონომიური მდგომარეობიდან გამოყვანა, ამიტომ მისი მეფობის ერთი წლის თავზე ის შეთქმულებმა მოკლეს.
[[ფაილი:Minin & Pozharskiy 01.JPG|thumb|left|150px|[[დიმიტრი პოჟარსკი]]ს და [[კუზმა მინინი]]ს ძეგლი [[ვასილი ნეტარის ტაძარი|ვასილი ნეტარის ტაძრის]] წინ.]]
[[1609]] წელს პოლონეთის მეფე შეიჭრა რუსეთში. ხელისუფლების სათავეში მყოფმა [[ბოიარი|ბოიარებმა]] რუსეთის სამეფო ტახტზე მიიწვიეს პოლონეთის მეფის ვაჟი [[ვლადისლავ IV]]. პოლონელები მოსკოვში შევიდნენ. იმავე წელს რუსეთი დალაშქრეს შვედებმაც.

მაშინ როდესაც ბოიარები პოლონელებთან გარიგებებს აწარმოებდნენ, [[რუსები]] აჯანყებისთვის ემზადებოდნენ. მალე მოსკოვის ქუჩებში ბრძოლები გაჩაღდა [[ნიჟნი ნოვგოროდი|ნიჟნი ნოვგოროდში]] ერობის მამასახლისის [[კუზმა მინინი]]ს და თავად [[დიმიტრი პოჟარსკი]]ს მეთაურობით შეიქმნა სახალხო ლაშქარი. მათ მიზნად დაისახეს რუსეთის ინტერვენტთაგან გათავისუფლება. სახალხო ლაშქარი თანდათანობით იზრდებოდა. [[1612]] წელს მოლაშქრეებმა გაათავისუფლეს ჩრდილოეთ რუსეთი და მოსკოვისკენ დაიძრნენ. ბრძოლების შემდეგ ინტერვენტები დამარცხდნენ.

რუსეთმა კი შეინარჩუნა დამოუკიდებლობა, მაგრამ დაკარგა რამდენიმე მნიშვნელოვანი მხარე. ინტერვენციამ რუსეთი გააჩანაგა.

=== რომანოვების დინასტიის ადრეული წლები ===
[[ფაილი:surikov1906.jpg|thumb|[[სტეფანე რაზინი]]ს გემი მიცურავს [[კასპიის ზღვა]]ში]]
[[ფაილი:Nikita Pustosviat. Dispute on the Confession of Faith.jpg|thumb|რუსეთის პატრიარქის [[ნიკონი (ქატრიარქი)|ნიკონის]] მიერ განხორციელებული რეფორმა ეკლესიაში]]
[[1613]] წლის თებერვალში გაიმართა [[ერობის კრება]], რომელმაც ერთხმად აირჩია მეფედ 16 წლის [[მიხეილ I რომანოვი]]. ახალი მეფე ყველასთვის სასურველი აღმოჩნდა და ამიტომ თანხმობის და სიმშვიდის მისახწევად ხელსაყრელი პირობები შეიქმნა. რუსეთში მოხდა ახალი დინასტიის ასვლა სამეფო ტახტზე, [[რომანოვების დიანსტია]]მ 1917 წლამდე გაძლო

ამ დროისთვის მოსკოვი გაპარტახებული იყო. ქვეყანაში აღარ თარეშობდნენ პოლონელები და შვედები, ამიტომ რუსეთს მშვიდობიანი განვითარების საშუალება მიეცა. რომანოვთა მმართველობის დასაწყისში ცენტრალური ხელისუფლება დროებით შესუსტდა. ხშირად იმართებოდა ერობის კრება, კრება წყვეტდა საგარეო დასაშინაო პოლიტიკის მნიშვნელოვან საკითხებს. რუსეთის შედარებით გაძლიერებისთანავე დაიწყო ბრძოლა ახალი ტერიტორიების დასამოღილებლად. რუსეთმა დაიწყო ბრძოლა მისი მოსაზღვრე მიწების დასაპყობად.

მიხეილ I-ის შემდეგ ტახტი დაიკავა, მისმა ვაჟმა [[ალექსეი I (რუსეთი)|ალექსეი I]]-მა. მისი მმართველობსი დროს ([[1645]]-[[1676]] წლებში) რუსეთში სამეფო ხელისუფლება განმტკიცდა. 1653 წელს რუსეთმა შეიერთა [[ბოგდან ხმელინცკი]]ს ხელმძღვანელობით პოლონეთის წინააღმდეგ აჯანყებული [[უკრაინა]], რასაც მოჰყვა [[რუსეთ-პოლონეთის ომი (1654–1667)|რუსეთ-პოლონეთის ომი]]. დასუსტებული პოლონეთს ეხმარებოდა [[ყირიმის სახანო]], მიუხედავად ამისა მათ რუსეთს სერიოზულ წინააღმდეგობას ვერ უწევდა. გაფორმდა [[ანდრუსოვოს ზავი]] (1667), ამ ზავით რუსეთმა მიიღო [[დნეპრი]]ს მარცხენა სნაპიროს უკრაინა [[კიევი]]თურთ და [[ბელორუსია|ბელორუსიის]] ნაწილი. რუსეთმა დაიბრუნა შფოთის წლებში დაკარგული [[სმოლენსკის ოლქი|სმოლენსკი]].

1676 წელს ალექსანდრე მიხეილის გარდაცვალების შემდეგ ხელისუფლებისთვის გაჩახდა ბრძოლა მის ორ შვილს - [[სოფია ალექსანდრეს ასული|სოფიასა]] და [[პეტრე I დიდი|პეტრეს]] შორის, რომლებიც მას სხვადასხვა ცოლებისაგან ჰყავდა. 1689 წელს პეტრემ ჩაახშო თავისი ნახევარდის სოფიას ცდა დაუფლებოდა სახელმწიფო ძალაუფლებას. მეფე პეტრე I-მა სოფიო დააპატიმრა და მონასტერში გამოკეტა. პეტრე თავიდანვე იჩენდა მისწრაფებას განათლებისა და სამხედრო საქმისკენ. ჯერ კიდევ ბავშობისას მოსკოვის მახლობელი ორი სოფლის თანატოლებისაგან გასართობი პოლიკები შედგინა. შემდგომში ეს პოლიკები მრისხანე სამხედრო ძალად გადაიქცა.

== იმპერიული რუსეთი ==
{{მთავარი|რუსეთის იმპერია}}
=== პეტრე I დიდი ===
[[ფაილი:Surikov streltsi.jpg|thumb|250px|left|პეტრე I დიდის მიერ ჩახშობილი, [[მეთოფეთა აჯანყება|მეთოფეთა]] აჯანყება]]
[[პეტრე I დიდი]]ს მმართველობის დროს (1672–1725) რუსეთი ევროპულ ყაიდაზე გარდაექმნა. პეტრეს დროს გაძლიერდა რუსეთის კულტურული განვითარება, გატარდა საგანმანათლებლო რეფორმა. ხუცურ-სლავური შრიფტის ნაცვლად გამარტივებული და ადვილად მოსახმარი სამოალქალაქო ანბანი იქნა შემოიღო. პეტრე I-მა ბალტიის ზღვაზე ნევის შესართავთან დაიწყო დიდი სანვსადგურო ქალაქის მშენებლობა, 1721 წელს აქ აიგო ახალი ქალაქი , რომელსაც იმპერატორმა თავისი წმინდანის საპატივსაემოდ [[სანქტ-პეტერბურგი|სანქტ პეტერბურგის]] სახელი უწოდა. რუსეთის იმპერიის დედაქალაქი სწორედ აქ იქნა გადმოტანილი. განვითარდა ვაჭრობა. პეტრე I-მა გააუქმა პატრიარქობა, სამღვდელოება დაექვემდებარა სამღვდელოების კოლეგიას სინოდს. ქვეყნის განვითარებისთვის ერთ-ერთი უმნიშვნელოვანესი რეფორმა იყო ქვეყნის 8 გუბერნიად დაყოფა. შეიქმნა მეფის ხელისუფლების უმაღლესი ორგანოო სენატი და 12 კაციანი კოლეგია. პეტრემ გააძლიერა ბატონყმობა და განამტკიცა მემამულეების მდგომარეობა.

პეტრე I დიდის დროს გაძლიერდა რუსეთის სამხედრო მდგომარეობაც, პირველი დაპირისპირება რომელიც პეტრეს მოუხდა ეს იყო [[ოსმალეთის იმპერია]]სთან. 1696 წელს პეტრე I-მა აიღო [[დონი]]ს შესართავთან აგებული თურქეთის ციხესიმაგრე [[აზოვი]] და გზა გაეხსნა აზოვის ზღვისაკენ. პეტრე იძულებული გახდა ოსმალეთთან დადებული ზავით ციხესიმაგრე აზოვს დასჯერებოდა. რუსეთისთვი ბალტიის ზღვაზე გასასვლელის მოსაპოვებლად პეტრე I შვედეთის წინააღმდეგ საომრად [[დანია]]ს და [[პოლონეთი|პოლონეთს]] დაუკავშირდა. ომი [[1700]] წელს დაიწყო, თავდაპირველად შვედეთის მეფე [[კარლოს XII]]-მ ბრწყინვალე გამარჯვებები მოიპოვა. მან ჯერ დანია დაამარცხა და ომიდან გამოიყვანა, ხოლო 1700 წელს ნარვასთან რუსეთის არმია დაამარცხა. 1709 წელს [[პოლტავის ბრძოლა|პოლტავასთან]] გენერალურ ბრძოლაში რუსებმა სასტიკად დაამარცხეს შვედური არმია. პოლტავის ბრძოლამ ძირეულად შეცვალა [[ჩრდილოეთის ომი]]ს მსვლელობა. რუსეთის ყველა მოკავშირე კვლავ ჩაერთო ომში შვედეთის წინააღმდეგ. საბოლოოდ ამ ომში შვედეთი დამარცხდა. რუსეთის შემადგენლობაში მოექცა [[ბალტიისპირეთი]]ს ვრცელი ტერიტორიები.

[[ფაილი:Lomonosov Poltava 1762 1764.jpg|250px|thumb|პეტრე დიდი და რუსული არმია [[პოლტავის ბრძოლა]]ში.]]

რუსეთს კვლავ მოუხდა დაპირისპირება ოსმალეთთან. [[1711]] წელს პეტრ I-ის ლაშქრობა მდინარე პრუტზე წარუმატებლათ დამთავრდა. რუსეთის არმია რომელშიც თვით პეტრე I იმყოფებოდა თურქების ალყის ქვეშ მოექცა. პეტრე I –მა აზოვის ციხესიმაგრე დათმო, ამით რუსებმა აზოვის ზღვაზე გასასვლელი დაკარგეს. 1722-1723 წლებში პეტრე დიდმა [[ასტრახანი]]დან კასპიის ზღვის დასავლეთი სანაპიროების გასწვრივ სახმელეთო და საზღვაო ლაშქრობების შედეგად მნიშვნელოვანი ტერიტორიები დაიკავა. 1723 წელს დადებული [[პეტრებურგის ზავი (1723)|პეტერბურგის ზავით]] სპარსეთმა სცნო რუსეთის დაპყრობები [[კასპიის ზღვა]]ზე. 
 
პეტრე სასტიკად უსწორდებოდა ყოველგვარ აჯანყებას, მან სისხლში ჩაახშო 1698 წლის [[მეთოფეთა აჯანყება]], სასტიკდ გაუსწორდა 1707-1709 წლების გლეხთა აჯანყებას. იმპერატორმა არ დაინდო თავისი ერთადერთი ვაჟი - [[ალექსი პეტრეს ძე|ალექსი]] რადგან მან მამის მოწინააღმდეგეებთან კავშირი დაამყარა და მეფის დამხობა სცადა. [[რუსეთის იმპერატორების სია|რუსეთის პირველი იმპერატორი]] პეტრე I დიდი 1725 წელს გარდაიცვალა, მას მემკვიდრე არ დარჩენია.

=== სახელმწიფო გადატრიალებები ===

გარდაცვალებამდე ორი წლით ადრე იმპერატორმა პეტრე დიდმა გამოსცა კანონი მემკვიდრეობის შესახებ. რომელშიც ასახელებდა მომავალ იმპერატს. მაგრამ პეტრე დიდი ისე მოულოდნელად გარდაიცვალა რომ მისი ანდერძი ვერ შესრულდა.

1725-1762 წლებში რუსეთის ტახტზე უმთავრესად მმართველობის უნარს მოკლებული ადამიანები იყვნენ, მათ დროს მედროვენი გაბატონდნენ.
პეტრე დიდის ქვრივის [[ეკატერინე I]]-ის მმართველობა ორ წელს (1725-1727) გაგრძელდა. ამ დროს ძალაუფლებას მდაბიო წარმოშობის, ჯერ კიდევ პეტრე დიდის დროს დაწინაურებული მედროვე [[ალექსანდრე მენშიკოვი]] დაეუფლა. ეკატერინე I-ის გარდაცვალების შემდეგ ტახტზე პეტრე დიდის შვილის ალექსის მცირეწლოვანი ვაჟი [[პეტრე II]] ავიდა. მისი იმპერატორობის ხანაში (1727-1730) მდგომარეობა არ შეცვლილა, ძალაუფლებას კვლავ მედროვე ფლობდა მენშიკოვი შეცვალა დოლგორუკმა.

[[1730]] წელს რუსეთის უზენაესმა საიდუმლო საბჭომ იმპერატორად პეტრე დიდის ნახევარძმის, ივანეს ასული , [[კურლანდია|კურლანდიის]] ჰერცოგის ქვრივი, უშვილო [[ანა (რუსეთი)|ანა]] მოიწვია. ძალაუფლებას ანა ივანეს ასულის ფავორიტი [[ბირონი]] დაეუფლა. მან ყველა მნიშვნელოვან თანამდებობაზე გერმანელები დააყენა რითაც შელახა რუსი არისტოკრატიის პატივმოყვარეობა.

რუსულ საზოგადოებაში მტკიცდებოდა აზრი რომ რუსეთის ხელისუფალი სახელმწიფოს ინტერესებით სისხლხორცეულად უნდა ყოფილიყო დაინტერესებული. ასეთათ კი პეტრე დიდის ასული ელისაბედი მიაჩნდათ. [[1741]] წელს ანას გარდაცვალების შემდეგ გვარდიაზე დაყრდნობით განხორციელდა სახელმწიფო გადატრიალება, გერმანელები თანამდებობებს ჩამოაშორეს. ბირონი დააპატიმრეს და ციმბირში გადაასახლეს. იმპერატორდ ელისაბედ პეტრეს ასული აკურთხეს. ელისაბედ I-ის იმპერატორად კურთხევისთანავე 1741 წელს დაიწყო ომი [[შვედეთი|შვედეთთან]], რომელიც 1743 წლამდე გაგრძელდა. დამარცხებულმა შვედთმა რუსეთს გადასცა სამხრეთ-აღმოსავლეთი [[ფინეთი]]ს ნაწილი.

იმპერატორ ელისაბედის მმართველობის დროს, განსაკუთრებით მნიშვნელოვანი იყო 1756-1763 [[პრუსია]]სთან ომი. ამ ომში რუსეთმა გაიმარჯვა. 1761 წელს გარდაიცვალა იმპერატორი ელისაბედი. ტახტი დაიკავა მისი დის ანას შვილმა [[პეტრე III]]-მ. 1762 წელს მან პრუსიასთან ზავი დადო და ჯარი სამშობლოში დააბრუნა.

1762 წელს რუსეთში მორიგი სახელმწიფო გადატრიალება განხორციელდა. პეტრე III ტახტიდან ჩამოაგდეს და სიცოცხლეს გამოასალმეს. რუსეთის იმპერატორი გახდა პეტრე III-ის ქვრივი [[ეკატერინე II (რუსეთი)|ეკაატერინე II]].

=== რუსეთის იმპერია (1762–1825) ===
[[ფაილი:SPB Monument of Catherine II 1890-1900.jpg|thumb|left|[[ეკატერინე II (რუსეთი)|ეკაატერინე II]]-ის ძეგლი, [[სანქტ-პეტერბურგი|სანქტ-პეტერბურგში]]]]
რუსეთში სახელმწიფო გადატრიალებების შემდეგ, ტახტზე ადის, ხელმოკლე გერმანელი თავადის შთამომავალი [[ეკატერინე II (რუსეთი)|ეკაატერინე II]]. 15 წლის ასაკში იგი რუსეთის მომავალ იმპერატორ პეტრე III-ს მიათხოვეს. ეკატერინემ ბოლომდე მიიყვანა პეტრე დიდის მიერ დაწყებული ღონისძიებები ბატონყმური რუსეთის პირველხარისხოვან სამხედრო და საზღვაო სახელმწიფოდ გაედასაქცევად.

ეკაატერინე II-მ კიდევ უფრო განამტკიცა თავადაზნაურობის მდგომარეობა. მემამულეების დესპოტიზმმა და ძალმომრეობამ ყოველგვარ ზღვარს გადააბიჯა. ყოველივე ეს გლეხების დიდ უკმაყოფილებას იწვევდა. [[1773]] წლიდან გლეხთა სტიქიურ ბრძოლებს კაზაკი [[ემელიან პუგაჩოვი]] ჩაუდგა სათავეში. პუგაჩოვმა თავი [[პეტრე III]]-დ გამოაცხადა და დაკარგული ტახტის ხელახლა მოპოვების შემთხვევაში გლეხებს, ყმობისგან სრულ გათავისუფლებას დაპირდა. [[1775]] წელს პუგაჩოვი შეიპყრეს და საჯაროდ სიკვდილით დასაჯეს. შემდგომში გლეხთა აჯანყების თავიდან აცილების მიზნით ეკატერინემ ადგილობრივი მმართველობის აპარატის განმრკიცება გადაწყვიტა. რუსეთი 50 გუბერნიად დაყო გუბერნიები კი [[მაზრა|მაზრებად]] დაანაწილა.

ეკატერინე II-ის დროს რუსეთის მიერ [[ოსმალეთი]]ს წინააღმდეგ წამოწყებულმა ორმა ომმა რუსეთს დიდი სამხედრო და პოლიტიკური წარმატებები მოუტანა. [[რუსეთ-ოსმალეთის ომი (1768-1774)|რუსეთ-თურქეთის პირველი ომი]] 1768-1774 წლებში გაიმართა, რუსეთმა საზღვაო და სახმელეთო ბრძოლებში სძლია ოსმალეთს. 1774 წელს დაიდო საზავო ხელშეკრულება რომლის ძალითაც მდიინარე [[დნეპრი|დნეპრსა]] და მდინარე [[ბუგი (მდინარე)|ბუგს]] შორის არსებული ტერიტორია რუსეთის ხელში გადავიდა . რუსეთმა მიიღო აგრეთვე [[ქერჩის ნახევარკუნძული]]ც. რუსეთის გეგმებს [[ბოსფორის სრუტე|ბოსფორის]] და [[დარდანელის სრუტე|დარდანელის]] სრუტეებისკენ გაეხსნა გზა. [[1783]] წელს რუსეთმა [[ყირიმის სახანო]] შეიერთა, იმავე 1783 წელს რუსეთმა კიდევ ერთ წარმატებას მიაღწია, რუსეთის იმპერია კავკასიონის სამხრეთით გადავიდა, რუსეთს გზა გაეხსნა [[კავკასია|კავკასიის]] სრული დაპყრობისკენ. 
[[ფაილი:Vasily Surikov - Suvorov Crossing the Alps in 1799 - Google Art Project.jpg|thumb|right|[[ალექსანდრე სუვოროვი|სუვოროვის]] ბრძოლა [[ალპები|ალპებში]] 1799 წელი.]]
[[ფაილი:Napoleons retreat from moscow.jpg|thumb|ნაპოლეონის უკან დახევა მოსკოვიდან.]]

1787-1791 წლებში რუსეთმა თურქეთთან ძლევამოსილი ომი გამართა. ამ ომში განსაკუთრებული მნიშვნელობა ჰქონდა რუსების მიერ თურქთა ძლიერი ციხესიმაგრის [[იზმაილი]]ს აღებას. ამ ბრძოლას დიდი რუსი მხედართმთავარი [[ალექსანდრე სუვოროვი]] ხელმძღვანელობადა.

რუსეთმა, [[ავსტრია]]მ და [[პრუსია]]მ ისარგებლეს [[პოლონეთი]]ს სისუსტით და პოლონეთ-ლიტვის ტერიტორიები გაინაწილეს. პოლონეთის სახელმწიფომ არსებობა შეწყვიტა. რუსეთის იმპერია უშუალოდ დაუმეზობლდა ავსტრიას და პრუსიას. ეკატერინე II-მ [[პოლონეთ-ლიტვის თანამეგობრობა|პოლონეთ-ლიტვის]] ტერიტორია 8 გუბერნიად დაყო.

[[1796]] წელს გარდაიცვალა ეკატერინე II. რუსეთის იმპერიის ტახტს მისი 42 წლის შვილი [[პავლე I]] დაეუფლა. წინააღმდეგობრივი და არათანმიმდევრული იყო პავლე I-ის საშინაო და საგარეო პოლიტიკა. ამას ემატებოდა პავლეს თავნება და ჯიუტი ხასიათი. [[1801]] წელს [[11 მარტი|11 მარტს]] შეთქმულებმა ის მოკლეს. იმპერატორის ტახტი მისმა უფროსმა ვაჟმა [[ალექსანდრე I (რუსეთი)|ალექსანდრე I]]-მა დაიკავა (1801-1825). ალექსანდრემ სახელმწიფო მმართველობის დარგებში მნიშვნელოვან რეფორმები გაატარა, პეტრე დიდის დროინდელი კოლეგიების ნაცვლად შეიქმნა სამინისტროები. ყველა მინისტრი თავის სფეროში ერთპიროვნული მმართველი იყო და მხოლოდ იმპერატორს ემორჩილებოდნენ. ალექსანდრე I-ის რუსეთი აქტიურ საგარეო პოლიტიკას ატარებდა.

XIX საუკუნის პირველ მეოთხედში [[ევროპა|ევროპის]] და [[აზია|აზიის]] კონტინენტებზე მდებარე ჩამორჩენილი, აგრარული რუსეთი ძლიერი სახელმწიფო იყო. [[1812]] წელს საფრანგეთის იმპერატორის [[ნაპოლეონ ბონაპარტი]]ს 600 000-იანი არმია რუსეთის იმპერიის ტერიტორიაზე შეიჭრა, რუსეთის არმიან უკან დახევა დაიწყო. რუსული არმიის მთავარსარდლად დაინიშნა [[მიხეილ კუტუზოვი]], კუტუზოვმა ფრანგებს გენერალური ბრძოლა გაუმართა სოფელ [[ბოროდინოს ბრძოლა|ბოროდინოსთა]], არმიის გადარჩენის მიზნით კუტუზოვმა [[მოსკოვი]] დათმო. მან თავის გენერლებს განუცხადა:

{{ციტატა|მოსკოვის დაკარგვით, ჯერ კიდევ არ არის დაკარგული რუსეთი. არმიის მოსპობით კი მოსკოვიც და რუსეთიც დაღუპულია}}

ამის შემდეგ კვლავ გაიმართა ბრძოლა რუსებთან, სადაც ნაპოლეონის არმია დამარცხდა. 1812 წლის ზამთარს ნაპოლეონის ჯარისკაცებმა ვერ გაუძლეს. რუსეთში შეჭარით საფრანგეთის იმპერატორმა უდიდეს მარცხი ნახა. სამამულო ომში [[საფრანგეთი|საფრანგეთთან]] გამარჯვებამ [[რუსეთის იმპერია]]ს დიდება შესძინა, მაგრამ რუს ჯარისკაცებს და გლეხებს ვერანაირი შვება ვერ მოუტანა. აუცილებელი იყო რეფორმების გატარება რომლის ძალითაც რუსეთი უნდა გადასულიყო დასავლურ ევროპული ქვეყნების განვითარების გზაზე. რუსეთის იმპერატორმა ალექსანდრე I-მა რეაქციული გზა აირჩია. [[ვენის კონგრესი]]ს შემდეგ [[საღვთო კავშირი]]ს შექმნით მან რუსეთს ევროპის ჟანდარმის სახელი დაუმკვიდრდა. მიუხედავად ამისა რუსეთში ვითარება საკმაოდ მძიმე იყო, [[1825]] წლის ნოემბერში რუსეთის სამხრეთში მოგზაურობისას [[ტაგანროგი|ტაგანროგში]] მოულოდნელად გარდაიცვალა იმპერატორი ალექსანდრე I.

=== რუსეთის იმპერია (1825–1917) ===

==== ნიკოლოზ I და ყირიმის ომი ====
{{მთავარი|ყირიმის ომი}}
[[ფაილი:Kolman decembrists.jpg|thumb|200px|left|დეკაბრისტები [[დეკაბრისტების მოედანი|სენატის მოედანზე]].]]
ნაპოლეონის წინააღმდეგ ომის შემდეგ, რუსეთში მოსახლეობის უმრავლესობა და ჯარისკაცების ის ნაწილი ვინც ევროპაში იბრძოდა ქვეყანაში შექმნილი ვითარების წინააღმდეგ წავიდა. ზოგიერთი მათგანი რუსეთში [[კონსტიტუციური მონარქია|კონსტიტუციური მონარქიის]] დამყარების მომხრე იყო, ზოგი [[რესპუბლიკა|რესპუბლიკური]] წყობილებას ანიჭებდა უპირატესობას. მაგრამ ყველა ბატონყმობისა და თვითმპყრობელობის შეურიგებელი მოწინააღმდეგენი იყვნენ. თავიანთი ნააზრევის განხორციელების მიზნით მათ ფარული ორგანიზაციების შექმნა დაიწყეს. 1821-1822 წლებში ჩამოყალიუბდა მებრძოლთა ფარული საზოგადოებები: [[უკრაინა]]ში - სამხრეთის საზოგადოება. [[სანქტ-პეტერბურგი|პეტერბურგში]]- ჩრდილოეთის საზოგადოება. მათ კონსტიტუციის პროექტი შეიმუშავეს. ალექსანდრეს გარდაცვალების შემდეგ, ტახტზე ავიდა მისი ძმა [[ნიკოლოზ I (რუსეთი)|ნიკოლოზ I]]. ფარული ორგანიზაციის ხელმძღვანელებმა ჩათვალეს რომ ეს დღე აჯანყებისთვის ხელსაყრელი დრო იყო. 
[[ფაილი:Malakhov1.jpg|thumb|200px|[[ყირიმის ომი]]]]
14 დეკემბერს [[სანქტ-პეტერბურგი|სანქტ პეტერბურგში]] , სენატის მედანზე მათ დაახლოებით სამი ათასი ჯარისკაცი და მატროსი შეიკრიბეს, მაგრამ წინასწარ დასარული გეგმის განხორციელება ვერ შესძლეს . ნიკოლოზ I-ის ერთგულმ ჯარებმა ადვილად მოახერხეს აჯანყების ჩახშობა. აჯანყების ხუთი ხელმძღვანელი სიკვდილით დასაჯეს. დანარჩენი მონაწილეებს სხვადასხვა სასჯელი მიუსაჯეს. აჯანყება დეკემბრის თვეში მოხდა ამიტომ მათ [[დეკაბრისტები]] უწოდეს. [[ცარიზმი]] სასტიკად უწორდებოდა აჯანყების ყველა გამოვლინებას.

ნიკოლოზ I-ს სურდა [[ოსმალეთი]]ს დანაწევრება, ბოსფორის და დარდანელის სრუტეების ხელში ჩაგდება და [[ბალკანეთი|ბალკანეთში]] განმტკიცება. 1853 წელს მან ოსმალეთთან ახალი ომი დაიწყო. რუსეთის არმიამ ბლკანეთიდან [[სტამბოლი]]სკენ კავკასიიდან კი [[ყარსი]]სკენ დაიწყო შეტევა. [[დიდი ბრიტანეთი|ინგლისი]] და [[საფრანგეთი]] ვერ შეეგუენ რუსეთის გასვლის მცდელობას [[ხმელთაშუა ზღვა]]ზე. ამიტომ ისინი ოსმალეთს მიემხრნენ და ომი გამოუცხადეს რუსეთს. მოკავშირეებს შეუერთდა [[სარდინიის სამეფო]]ც. მოკავშირეების ზეგავლენით ავსტრიამ რუსეთს მოსთხოვა ბალკანეთის დატოვება. რუსეთმა დაკარგა სტამბოლისკენ წასასვლელი გზები. ამავე დროს მოკავშირეების ფლოტი შავ ზღვაში შემოვიდა. ინგლისის, საფრანგეთის, სარდინიის და ოსმალეთიმა ყირიმში დიდი არმია გადასხა და [[სევასტოპოლი|სევასტოპოლს]] ალყა შემოარტყა. ჩამორჩენილმა ბატონყმურმა რუსეთმა ვერ უზრუნველყო სევასტოროლის დაცვა. წარმატებები კავკასიაში ყარსისი აღებით მნიშვნელოვნად ვერაფერს ცვლიდა. რუსეთმა სრული მარცხი განიცადა. ამ ომის შემდეგ რუსეთმა დაკარგა ის უპირატესობები რაც მან 1812 წელს მოიპოვა.

==== ალექსანდრე II, ბატონყმობის გადავარდნა ====
[[ფაილი:AlexII.JPG|thumb|right|ალექსანდრე II]]
[[ალექსანდრე II (რუსეთი)|ალექსანდრე II]]-ის მეფობის დასაწყისში, ქვეყანაში შეიქმნა მძიმე ვითარება, რაც ძირითადად ყირიმის ომს უკავშირდებოდა. ამას დაემატა ბატონყმური ურთიერთობების პრობლემაც. [[XVII საუკუნე|XVII საუკუნის]] პირველ ნახევარში რუსეთში საბოლოოდ დამკვიდრდა ბატონყმური ურთიერთობები, პეტრე დიდმა განამტკიცა ეს ურთიერთობები და მემამულეები სერიოზული უფლებებით აღჭურვა. იმპერატორები ცდილობდნენ ბატონყმური დამოკიდებულება შეესუსტებინათ გლეხებისთვის, მაგრამ რადგანაც სათანადო ზომები არ იყო მიღთებული [[რუსეთის იმპერატორების სია|იმპერატორების]] დადგენილებიები არ სრულდებოიდა. 
მემამულეებს არ სურდათ მუქთა სამუშაო ძალის დაკარგვა, ისინი უზრუნველად ცხოვრობდნენ და მეურნეობის განვითარებისათვის არც კი ირჯებოდნენ. თავის მხრივ, არც გლეხები იყვნენ მეურნეობის განვითარებით დაინტერესებულნი, რადგან მათი შემოსავალის ძირითადი ნაწილი სახელმწიფოს, მემამულეს ან ეკლესიას მიჰქონდათ.

[[ყირიმის ომი]]ს შემდგომ რუსეთში გარდაუალი გახდა ბატონყმობის გაუქმება. მხოლოდ ამ შემთხვევაში შეიძლებოდა რუსეთის მოწესრიგება, შეიარაღებული ძალების გადახალისება და ქვეყნის ეკონომიკის განვითარება.
[[1856]] წელს ალექსანდრე II-ემ [[მოსკოვის გუბერნია|მოსკოვის გუბერნიის]] თავადაზნაურობას განუცხადა:

{{ციტატა|არ შეიძლება ყმათა მფლობელობის არსებული წესით უცვლელად შენარჩუნება. უმჯობესია ბატონყმობის ზევიდან გაუქმება, ვიდრე დავუცადოთ იმ დროს როდესაც ის თვითონ დაიწყებს გაუქმებას ქვემოდა.}}

მემამულეები იძულებულბი იყვნენ შეგუებოდნენ [[ბატონყმობის გაუქმება რუსეთში (1861)|ბატონყმობის გაუქმებას]]. ისინი საბატონო გლეხების გათავისუფლებას ნელ-ნელა და უმიწოდ ითხოვდნენ. მთავრობამ ვერ გაბედა გლეხების უმიწაოდ გათავისუფლება რადგან ისინი სახელმწიფო გადასახადებს ვერ გადაიხდიდნენ, ხოლო უსახლკაროდ დარჩენილ გლეხებს აჯანყების მოწყობა შეეძლოთ რაც ხელისუფლებას ძალზედ აშინებდა. ამავე დროს გათვალისწინებული უდა ყოფილიყო მემამულეების ინტერესები. ამიტომ იმპერატორმა ალექსანდრე II-მ შუალედური გადაწყვეტილება მიიღო, საბატონო გლეხს უნდა მიეღო მიწის ნაწილი მემამულეებისგან გამოსყიდვის გზით.

[[1861]] წლის [[19 თებერვალი|19 თებერვალს]] იმპერატორმა ხელი მოაწერა მანიფესტს იმპერიის ევროპული ნაწილში მცხოვრბ საბატონო გლეხების გათავისუფლების შესახებ. მანიფესტი [[5 მარტი|5 მარტს]] გამოქვეყნდა. გლეხებმა მიიღო პირადი თავისუფლება ისინი აღარ იყვნენ ყმები, მათ სამოქალაქო ფუნქციები მიენიჭა. მიწის გამოსყიდვა მემამულესთან შეთანხმებით ხორციელდებოდა. მემამულებსა და გლეხებს შორის გამოსასყიდი გარიგება იდებოდა. მემამულესთან ვალის გასასტუმრებლად სახელმწიფო გლეხს აძლევდა სესხს. სახელმწიფოსთვის ვალი 49 წლის განმავლობაში უნდა დაებრუნებინა. ბატონყმობის უღლისგან თავისუფლდებოდა, იმპერიის დაპყრობილ ტერიტორიაზე მცხოვრები გლეხებიც.

იმპერატორმა ალექსანდრემ სხვა მნიშვნელოვანი რეფორმებიც გაატარა, მათგან აღსანიშნავია: სასამართლო, სამხედრო და სხვა რეფორმები. რეფორმებმა მნიშვნელოვანი ცვლილებები შეიტანა რუსეთის სოციალურ-ეკონომიკურ ცხოვრებაში. რამაც დაჩქარდა ინდუსტრიალიზაციის ტემპები.

==== ხალხოსნები, ალექსანდრე III ====

დემოკრატიულად განწყობილი რუსული ინტელიგენციის ყველაზე რადიკალური ნაწილი [[1874]] წელს გავიდა სოფლებში, რათა ხალხში ეწარმოებინა [[რევოლუცია|რევოლუციური]] აგიტაცია. ხალხში სიარულის გამო მათ [[ხალხოსნები]] შეარქვეს. გლეხებს მოსწონდათ ხალხოსნების იდეები მათ სასარგებლოდ მემამულეების მიწის გადანაწილების შესახებ. მაგრამ კატეგორიულად წინ აღუდგენ ხალხოსნების მოწოდებას დაემხოთ მეფის ხელისუფლება. ხალხოსნების ერთმა ნაწილმა გადაწყვიტა თვითმპყრობელობის დამხობა ინდივიდვალური ტერორის გზით. [[1881]] წელს ხალხოსნებმა მოკლეს ალექსანდრე II. სამაგეროდ ტახტზე ავიდა რეაქციონერი [[ალექსანდრე III (რუსეთი)|ალექსანდრე III]]. ამგვარად ხალხოსნებმა ვერც გლეხების დარწმუნებით და ვერც ინდივიდვალური ტერორის გზით ვერ შესძლეს რუსეთის პოლიტიკური წყობილების შეცვლა.

ალექსანდრე III-მ სასტიკად დაარბია რევოლუციური ორგანიზაციები. მან შეკვეცა ბატონყმობის გადავარდნის შედეგად გატარებული პროგრესული ღონისძიებები. ამიტომ მის მართველობის ხანას „კონტრეფორმების“ პერიოდი შეარქვეს. ალექსანდრე III-ის მმართველობის დროს გაძლიერდა არარუსი ხალხის ჩაგვრა. ხელისუფლება დაუფარავად ატარებდა რუსიფიკაციის პოლიტიკას. აღვივებდა [[ანტისემიტიზმი|ანტისემინიზმს]] - ხელს უწყობდა [[ებრაელები|ებრაელთა]] დარბევებს.

[[ფაილი:Retreat of the Russian Army after the Battle of Mukden.jpg|thumb|რუსული არმიის უკან დახევა, [[მუკდენის ბრძოლა|მუკდენის ბრძოლის]] შემდეგ.]]

[[1877]] წელს რუსეთის არმიამ ოსმალეთის წინააღმდეგ ომი დაიწყო. 1877 წლის მიწურულს რუსულმა არმიამ გადალახა ბალკანეთსი მთები და [[სტამბოლი]]სკენ დაიძრა. მაშინ ინგლისმა თავისი ესკადრა [[მარმარილოს ზღვა]]ში შეიყვანა და რუსეთს დაემუქრა ომით თუ ის სტამბოლის აღებას შეეცდებოდა. ამავე დროს საომარი მოქმედებები მიდიოდა ამიერკავკასიაშიც, სადაც რუსეთის არმიამ აიღო [[ყარსი]]. ამ ომში ოსმალეთის იმპერია დამარცხდა, [[სან-სტეფანოს ზავი]]თ რუსეთს საკმაოდ ვრცელი ტერიტორიები შეუერთდა.

[[1894]] წელს გარდაიცვალა ალექსანდრე III იმპერატორად ეკურთხა [[ნიკოლოზ II (რუსეთი)|ნიკოლოზ II]].

==== ნიკოლოზ II და ახალი რევოლუციეური მოძრაობები ====
[[ფაილი:Russia ethnic.JPG|thumb|200px|რუსეთის ევროპული ნაწილის ეთნიკური რუკა, [[პირველი მსოფლიო ომი|პირველ მსოფლიო ომამდე]]]]
[[ფაილი:Repin 17October.jpg|thumb|right|200px|[[ოქტომბრის მანიფესტაცია]], დაარსდა პირველი [[დუმა|პარლამეტი]].]] 
ცარიზმის რეაქციული პოლიტიკის მიუხედავად ბატონყმობის გადავარდნამ და მომდევნო რეფორმებმა რუსეთი გამოიყვანა თავისუფალი მრეწველობისა და საბაზო ეკონომიკის გზაზე. ჩამოყალიბდა სამრეწველო და სამთო მოპოვებითი ცენტრები და მკვეთრათ გაფართოვდა სარკინიგზო ქსელი. შეიქმნა და იზრდებოდა სამრეწველო პროლეტარიატი, რასაც მოჰყვა რუსეთში [[მარქსიზმი]]ს გავრცელება.

[[1903]] წელს საზღვარგარეთ შეიკრიბა [[რსდმპ|რუსეთის სოციალ დემოკრატიული მუშათა პარტიის]] ([[რსდმპ]]) II ყრილობა. ყრილობაზე გაჩაღდა ბრძოლა პარტიის ორ ლიდერის - [[გიორგი პლეხანოვი]]სა და [[ლენინი|ვლადიმერ ლენინის]] მომხრეებს შორის. პლეხანოვი მიზნად ისახავდა სოციალ-დემოკრატიული პარტიის შექმნას, ლენინი კი ცდილობდა შეექმნა სოციალ-ანტიდემოკრატიული პარტია. მხოლოდ ყრილობის ბოლოს, როდესაც დელეგატების ნაწილმა დატოვა ყროლობა, ლენინის მომხრეებმა მოიპოვეს უმრავლესობა. მათ ისარგებლეს ამ შემთხვევით და თავის თავს [[ბოლშევიკები]], თავის მოწინააღმდეგეებს კი რომლებიც უმცირესობასი აღმოჩნდნენ [[მენშევიკები]] შეარქვეს. 
[[ფაილი:Vladimirov-krocvavoe-voskr.jpg|thumb|left|200px|[[სისხლიანი კვირა (1905)|სისხლიანი კვირის]] ხოცვა სანქტ-პეტერბურგში.]] 
ამ დროისთვის გამწვავდა რუსეთ-იაპონიის ურთიერთობები [[კორეა|კორეის]] და [[მანჯურია|მანჯურიის]] ბატონობისთვის. სამხედრო მოქმედებები დაიწყო [[იაპონია]]მ 1904 წლის იანვარში. იაპონელებმა რუსები საზღვაო და სახმელეთო ბრძოლებში დაამარცხეს. [[1905]] წლის აგვისტოში [[აშშ|ამერიკის შეერთებული შტატების]] ქალაქ [[პორტ სმუტი|პორტ-სმუტში]] რუსეთმა მოაწერა საზავო ხელშეკრულებას იაპონიასთან. რუსეთი უთმობდა იაპონიას სამხრეთ მანჯურიას, კუნძულ [[სახალინი]]ს სამხრეთი ნაიწილს და აღიარებდა იპონიის გაბატონებას [[კორეა]]ში. ცარიზმის დამარცხებამ იაპონიასთან ომში კიდევ უფრო გაამწვავა შიდა პოლიტიკური ვითარება რუსეთში.

ქვეყანაში არსებული მძიმე ვითარება, საერთო უკმაყოფილებას იწვევდა და ქმნიდა [[რევოლუცია|რევოლუციურ]] სიტუაციას. [[1905]] წლის 9 იანვარს, კვირა დღეს, მეფის მთავრობამ პეტერბურგში შეიარაღებული ძალით დაშალა 140 000 კაციანი მანიფესტაცია. სისხლიანი კვირით დაიწყო [[რუსეთის რევოლუცია (1905)|რუსეთის პირველი რევოლუცია]]. თვითმართველობისთვის რევოლუციური მოძრაობა სულ უფრო საშიიშ ხასიათს იღებდა. რომელიც სამხედრო ფლოტსა და არმიასაც მოედო. აჯანყდნენ ჯავშნოსანთა „პოტიომკინის“ მეზღვაურები. კრონშტანდტის და [[სევასტოპოლი]]ს მეზღვაურები და ჯარისკაცები.

ნიკოლოზ II იძულებული გახდა 1905 წლის 17 ოქტომბერს გამოეცა მანიფესტი, რომლითაც იგი ხალხს ჰპირდებოდა მათ მიერ არჩეული საკანონმდებლო უფლებით აღჭურვილი პარლამენტის [[დუმა|დუმის]] (სათათბიროს) მოწვევას, დემოკრატიული რეფორმების გატარებას, სიტყვის, პრესის, კრებების ჩატარების და სხვა თავისუფლებების მიცემას. 17 ოქტომბრის მანიფესტის გამოცემის შემდეგ კონსერვატორებმა შექმნეს „17 ოქტომბრის კავშირი“ ანუ [[ოქტიაბრისტთა პარტია]], ლიბერალებმა - კონსტიტუციონალ დემოკრატების ანუ [[კადეტების პარტია]]. რევოლუციურ-დემოკრატიული ბანაკის ჩამოყალიბება ჯერ კიდევ რევოლუციის დაწყებამდე მოხდა. სოციალ დემოკრატიული პარტიის ორივე ფრათა - ბოლშევიკები და მენშევიკები . [[ხალხოსნები]]ს მემარცხენე დაჯგუფებებიდან წარმოშობილი სოციალისტ- რევოლუციონერთა ანუ [[ესერთა პარტია]] და ინდივიდვალური ტერორის მომხრე მრავალრიცხოვან ანარქისტთა ორგანიზაციები.

რევოლუციურ - დემოკრატიულ ბანაკში შემავალი პარტები 17 ოქტომბრის მანიფესტის შემდეგაც განაგრძობდნენ ბრძოლას თვითმპყრობელობის წინააღმდეგ. მართალია მათ ვერ შესძლეს ხალხის ხელახალი გაფიცვა .მათ 10 დეკემბრიდან დაიწყეს მოსკოვსა და მის შემოგარენში შეიარაღებული ბრძოლება. მთავრობამ შეიარაღებული გამოსვლები ჩაახშო.

1905 წლიდან რევოლუციის უკანდახევა. მეფის მთავრობამ I დუმა დახურეს, II დუმა კი 1907 წელის 3 ივნისს დაითხოვა და შეცვალა დუმაში არჩევის კანონი. 1907 წლის 3 ივნისს რევოლუცია მარცხით დასრულდა. III დუმის როლი თვითმპყრობელობის ქვეშ უმნიშვნელო იყო.

== რუსული რევოლუციები ==
{{მთავარი|რუსეთის რევოლუცია (1917)}}
[[ფაილი:Всенародные похороны жертв павших за свободу 23 марта 1917, Петроград.jpg|thumb|right|250px|23 თებერვლის დემონსტრაცია პეტროგრადში]]

რუსეთის იმპერია ჩაერთო 1914 წელს დაწყებულ [[პირველი მსოფლიო ომი|პირველ მსოფლიო ომში]], გერმანიის და მის მოკავშირეების წინააღმდეგ. 
გაჭიანურებულმა ომმა 1916 წელს ამოატივტივა და გაამწავა რუსეთში დიდი ხნის განმავლობაში დაგროველი და გადაუჭრელი პრომლემები. გლეხების მცირემიწიანობა, მუშების უმძიმესი შრომითი და ყოფითი პრობლემები, თვითმპყრობელობის შავრაზმული დამოკიდებულება იმპერიაში შემავალ არარუსი ეროვნებებისადმი, ხალხის პოლიტიკური უუფლებობა. ომით გამოწვეულმა სირთულეებმა ტრანსპორტის და მრეწველობის მოშლამ, სათესი ფართობების შემცირებამ უკიდურესად გაართულა არმიის და მოსახლეობის სურსათით მომარაგება.

ნიკოლოზ II-ის და მისი გარემოცვის ავტორიტეტი კატასტროფულად ეცემოდა. [[სანქტ-პეტერბურგი|პეტროგრადს]] არარეგულარულად მიეწოდებოდა ხორბალი. [[1917]] წლის 23 თებერვალს რუსეთის დედაქალაქის მოცხოვრებნი ქუჩებში გამოვიდნენ. დემონსტრანტები პურს მოითხოვდნენ. 26 თებერვლიდან სამხედრო ნაწილები დემონსტრანტების მხარეს გადავიდნენ. პოლიცია წინააღმდეგობას არ უწევდა ხალხს მალე პეტროგრადი ხალხის ხელში გადავიდა. რუსეთის გადასარჩენად და არმიის დასაშოშმინებლად [[ფსკოვი|ფსკოვში]] მყოფ ნიკოლოზს ფრონტის სარდლობამ 1917 წლის 2 მარტს გადადგომა მოსთხოვა, ნიკოლოზი გადადგა.

თავადი [[გიორგი ლვოვი|ლვოვის]] ხელმძღვანელობით შეიქმნა დროებითი მთავრობა. დროებით მთავრობაში შევიდა სოციალ რევოლუციონერი [[ესერი კერენსკი]]. პეტერბურგის მუშებმა და ჯარისკაცებმა აირჩიეს საბჭო. საბჭოს აღმასრულებელი კომიტეტის თავმჯდომარე გახდა სოციალ დემოკრატი [[კარლო ჩხეიძე]]. მალე მუშების და ჯარისკაცების საბჭოები შეიქმნა [[მოსკოვი|მოსკოვსა]] და სხვა ქალაქებში.

[[შვეიცარია]]ში ემიგრაციაში მყოფი [[ვლადიმერ ლენინი|ლენინი]] ვერ გაერკვა რუსეთში მიმდინარე პროცესებში. და 1917 წლის იანვარში განაცხადა

{{ციტატა|ჩვენ ძველი თაობა ვერ მოვესწრებით მომავალ რევოლუციას...}}

დაახლოებით ერთი თვის შემდეგ მან გაიგო რუსეთში მომხდარი რევოლუციის შესახებ. ის თავის თანამოაზრეებთან ერთად ათწლიანი ემიგრაციის შემდეგ 1917 წლის 3 აპრილს რუსეთში დაბრუნდა. რუსეთში მას დახვდა 24 000-იან კაციანი პარტია რომელიც სულ ახლახან გამოსულიყო იატაქვეშეთიდან და თავის პარტიის რიგებს იფართოებდნენ. 7 აპრილს გაზეთ „[[პრავდა]]ში“ დაიბეჭდა ლენინის „აპრილის თეზისები“.
ლენინი მოუწოდებდა ბოლშევიკებს არავითარი მხარი არ დაეჭირათ დროებითი მთავრობისთვის, მოეპოვებინათ უმრავლესობა საბჭოებში და მოეთხოვათ მთელი ძალაუფლების საბჭოებისთვის გადაცემა. ლენინს აუცილებლად მიაჩნდა ომის შეწყვეტა, და მიწების ნაციონალიზაცია.

[[ფაილი:Stormningen av vinterpalatset.jpg|thumb|1917 წლის [[ოქტომბრის რევოლუცია]]|left|250px]]

აპრილის თეზისების გამოქვეყნებიდან 12 დღის შემდეგ 19 აპრილს პეტროგრადში მოეწყო დროებითი მთავრობსი უკმაყოფილოთა გამოსვლა. მთავრობამ უკანდახევა ამჯობინა და დათანხმდა თავის შემადგენლობის გადახედვას. ზაფხულში დროებითმა მთავრობამ მომიტინგეებს შეიარაღებული ძალით გაუსწორდა. ლიბერალმა ლვოვმა დროებითი მთავრობა ესერი კერენსკის გადასცა.დროებითმა მთავრობამ მისდამი დაპირისპირებულების ასანადგურებლად სამხედრო დიქტატურის დამყარება განიზრახეს. დიქტატორი სამხედრო ძალების უფროსი [[კორნილოვი]] უნდა გამხდარიყო. მაგრამ 1917 წლის აგვისტოში კერენსკისა და კორნილოვს შორის უთანხმოებამ, ჯარისკაცების და მუშების შეთქმულება ჩაშალა. კორნილოვი დააპატიმრეს.
განხეთქილებამ კერენსკისა და კორნილოვს შორის საგრძნობლად გააძლიერა ბოლშევიკების ბანაკი.

ბოლშევიკების პოზიციები კიდევ უფრო გააძლიერა [[ლევ ტროცკი]]ს რუსეთის დედაქალაქის საბჭოს თავმჯდომარედ არჩევამ. ტროცკმა პეტერბურგის საბჭოსთან შექმნა სამხედრო-რევოლუციური კომიტეტი, გერმანელებისაგან ქალაქზე შეტევის შემთხვევაში ქალაქის დასაცავად. სინამდვილეში კი დროებითი მთავრობის დასამხობად. 1917 წლის სექტემბერში დაიწყო სამხედრო რაზმების ჩამოყალიბება. 1917 წლის 7 ოქტომბერს [[ფინეთი|ფინეთში]] გადახვეწილი ლენინი რუსეთში დაბრუნდა.

დროებითმა მთავრობამ წინააღმდეგობა ვერ გაუწია ბოლშევიკების გაძლიერებას. პეტერბურგის მოსახლეობამ კი პასიური მეთვალყურის პოზიცია დაიკავეს. 1917 წლის 25 ოქტომბერს დილით ლენინმა მოსახლეობას აუწყა რომ დამხობილია დროებითი მთავრობა და შეიქმნა ახალი საბჭოთა მთავრობა. 26 ოქტომბერს ღამის 2 საათსა და 10 წუთზე დროებითი მთავრობის წევრები [[ზამთრის სასახლე]]ში დააპატიმრეს. დაპატიმრებულთა შორის არ იყო კერენსკი, რომელიც ქალაქგარეთ იმყოფებოდა და ქალაქზე ლაშქრობისთვის ემზადებოდა. მაგრამ მუშებმა და ჯარისკაცებმა კერენსკის 700 კაციანი რაზმები ქალაქში არ შეუშვეს. ბოლშევიკებმა ყოველგვარი მსხვერპლის გარეშე აიღეს ხელისუფლება.

== რუსეთის სამოქალაქო ომი ==
{{მთავარი|რუსეთის სამოქალაქო ომი}}
[[ანტანტა|ანტანტის]] ქვეყნებმა დაიკავეს რუსეთის განაპირა ტერიტორიები, ქვეყნის შიგნით კი დაიწყო აჯანყებები. მოეწყო ტერორისტული აქტები კომუნისტების წინააღმდეგ. ერთ-ერთი ასეთი აქტის დროს დაიჭრა ლენინი. [[1918]] წლის 2 სექტემბერს რუსეთის ცაკ-მა შემოიღო [[თეთრი ტერორი]]ს წინააღმდეგ ე.წ [[წითელი ტერორი]]. აღადგინეს 1917 წლის 28 ოქტომბერს გაუქმებული სიკვდილით დასჯა. უპირველეს ყოვლისა დახვრიტეს [[ნიკოლოზ II (რუსეთი)|ნიკოლოზ II]] და მისი ოჯახის წევრები. სამოქალაქო ომის დროს ქვეყანა ორად იყო გაყოფილი, ქვეყნის ცენტრალურ ტერიტორიას მსხვილი ქალაქებით [[ბოლშევიკები]] აკონტროლებდნენ. ბოლშევიკებმა შექმნეს მტკიცედ დისციპლინირებული [[წითელი არმია]]. რომლის რიცხოვნება იზრდებოდა. არმიაში შემოიღეს პოლიტიკური კომისრის თანამდებობა, რომლებიც დაუნდებლები იყვნენ პოლიტიკური მტრების მიმართ. ისინი [[სოციალიზმი]]ს ფანატიკური მიმდევარნი და მქადაგებელნი იყვნენ. წითელი არმის მშენებლობას ხელმძღვანელობდა [[ლევ ტროცკი]].

რაც შეეხება ანტიბოლშევიკთა ბანაკს, ისინი ძალზედ მრავალრიცხოვანნი იყვნენ და თან უცხოეთიდან დახმარებებსაც იღებდნენ, მაგრამ მათ ბანაკში არსებობდა გადაულახავი წინააღმდეგობები, რაც განსხვავებული ფენების პარტიების, მიმდინარეობის, ერების, სხვადასხვა მიზნების ანტაგონიზმში გამოიხატებოდა.

[[1918]]-[[1919]] წლებში ბოლშევიკებს ორი კრიტიკული პერიოდი ჰქონდათ. პირველი როდესაც განხორციელდ ანტისაბჭოთა ძალების - [[ბალტიისპირეთი]]დან, [[გენერალი იუდენჩინი|გენერალ იუდენჩინის]], [[ციმბირი]]ან [[ადმირალი კორჩაკი|ადმიალ კორჩაკის]] და სამხრეთიდან [[ანტონ დენიკინი|გენერალ დენიკინის]] კომბინირებული ლაშქრობები ცენტრზე. მეორე როდესაც ანტისაბჭოთა სამხრეთის ძალები [[მოსკოვი|მოსკოვს]] მიუახლოვდნენ. მაგრამ მას შემდეგ რაც რუს გლეხობას ანტისაბჭოთა რეაქციული პოლიტიკით იმედი გაუცრუვდათ, მათ განუდგნენ. სამოქალაქო ომის ბედი ბოლშევიკების მხარეს გადავიდა. მიუხედავა [[1920]] წელს [[რუსეთ-პოლონეთის ომი|პოლონეთთან ომში]] კომუნისტების მარცხისა. [[1922]] წელს სამოქალაქო ომი ბოლშევიკების გამარჯვებით დასრულდა.

სამოქალაქო ომში ქვეყნის მოსახლეობის ყოველი მე-10 ადამიანი დაიღუპა. ემიგრაციაში აღმოჩნდა 2 მილიონი ადამიანი.

== საბჭოთა მმართველობა == 

1922 წლის დეკემბერში შეიქმნა [[საბჭოთა სოციალისტური რესპუბლიკების კავშირი]]. მასში თავდაპირველად შედიოდა ოთხი რესპუბლიკა: [[რსფსრ]], [[უსსრ]], [[ბელორუსიის საბჭოთა სოციალისტური რესპუბლიკა|ბსსრ]] და [[ამიერკავკასიის სოციალისტური ფედერაციული საბჭოთა რესპუბლიკა|ასფსრ]]. სამოქალაქო ომის დამანგრეველი შედეგების ფონზე საბჭოთა ხელმძღვანელობამ დროებით უარი თქვა სოციალისტური ქვეყნის მშენებლობის იდეაზე, ამიტომაც [[ახალი ეკონომიკური პოლიტიკა]] ძალაში დარჩა. 1924 წელს გარდაიცვალა ლენინი. კომუნისტურ პარტიას ჰყავდა მისი შეცვლის ორი მთავარი კანდიდატი: [[ლევ ტროცკი]] და [[იოსებ სტალინი]]. შიდაპარტიულ ბრძოლაში სტალინმა შეძლო თავის მხარეს გადმოებირა უმარვლესობა. 1929 წელს ტროცკი საბჭოთა კავშირიდან გაასახლეს. ემიგრაციაში ტროცკი განაგრძობდა სტალინის კრიტიკას. 1940 წელს მეხიკოში ყოფნისას იგი სასიკვდილოდ დაჭრა საბჭოთა აგენტმა რამონ მერკადერმა ყინულის სატეხი ცულით.

1930-იან წლებში სტალინის მეთაურობით საბჭოთა მთავრობამ მოახდინა [[ინდუსტრიალიზაცია|ინდუსტრიალიზაციის]] ფორსირება და [[კოლექტივიზაცია]]. ათ წელიწადში რუსეთი ღარიბი აგრარული ქვეყნიდან იქცა მაღალგანვითარებულ ინდუსტრიულ ქვეყნად. ამავდროულად სტალინი განაგრძობდა ოპოზიციის წინააღმდეგობის ჩახშობას. პოლიტიკურ ოპონენტებთან ბრძოლამ მასობრივი ხასიათი მიიღო 1937 წელს, როდესაც უამრავი ოპოზიციონერი დახვრიტეს, მათ შორის კომუნისტებიც. სტალინის მმართველობისას საბჭოთა კავშირი იქცა ტოტალიტარულ სახელმწიფოდ.

1941 წელს საბჭოთა კავშირს თავს დაესხა [[ნაცისტური გერმანია]]. დაიწყო [[დიდი სამამულო ომი]], რომელიც ოთხი წელი გაგრძელდა. საბჭოთა კავშირმა დიდი დანაკარგი განიცადა საბრძოლო მოქმედებების დროს. ყველაზე გავრცელებული ვერსიით, ომში წითელი არმიის 20 მილიონი ჯარისკაცი დაღუპა. მათი ხსოვნის უკვდავსაყოფად 1945 წლიდან ყოველი წლის 9 მაისს საბჭოთა კავშირში აღინიშნებოდა [[გამარჯვების დღე|ფაშიზმზე გამარჯვების დღე]].

მეორე მსოფლიო ომში გამარჯვების შედეგად სტალინის ავტორიტეტი ძალიან გაიზარდა მთელ მსოფლიოში. საბჭოთა კავშირის მხარდაჭერით სოციალისტური რევოლუციები კომუნისტების გამარჯვებით დასრულდა სხვა ქვეყნებშიც. საბჭოთა ხელმძღვანელობა განაგრძობდა კაპიტალისტურ სამყაროსთან ბრძოლის იდეის პროპაგანდას. კომუნიზმის წინააღმდეგ ბრძოლას განაგრძობდა დასავლეთიც. დაძაბულობა კაპიტალისტურ და სოციალისტურ სამყაროს შორის გახდა [[ცივი ომი]]ს მიზეზი, რა დროსაც [[აშშ]] და საბჭოთა კავშირი ირიბად, ჰიბრიდული ომების საშუალებით უპირისპირდებოდნენ ერთმანეთს მსოფლიოს სხვადასხვა წერტილებში.

1953 წელს გარდაიცვალა იოსებ სტალინი. მის ნაცვლად საბჭოთა კავშირის კომუნისტურ პარტიას სათავეში [[ნიკიტა ხრუშოვი]] ჩაუდგა. მის დროს საბჭოთა კავშირი უფრო ღია გახდა დასავლური ქვეყნებისთვის. ამის მიუხედევად, დაპირისპირება ამერიკასა და საბჭოთა კავშირს შორის აღმოჩნდა ატომური ესკალაციის ზღვარზე 1962 წელს, [[კარიბის კრიზისი]]ს დროს. დიპლომატიური მოლაპარაკებების შედეგად ბირთვული ომი აცილებულ იქნა. 1968 წელს დაიდო შეთანხმება ატომური იარაღის გაუვრცელებლობის შესახებ მსგვავსი შემთხვევების თავიდან ასაცილებლად.

ცხოვრების პირობები საბჭოთა კავშირში განსაკუთრებით გაუმჯობესდა [[ლეონიდ ბრეჟნევი]]ს მმართველობის პერიოდში. თუმცა, ამავდროულად ხდებოდა საბჭოთა პარტიული ელიტის დეგრადაცია, რომელიც სულ უფრო შორს იყო [[მარქსიზმ-ლენინიზმი|მარქსისტულ-ლენინისტური]] იდეოლოგიისგან. 1985 წელს საბჭოთა კავშირის სათავეში აღმოჩნდა [[მიხაილ გორბაჩოვი]]. მან საბჭოთა სისტემის დემოკრატიზაცია სცადა, რამაც დააჩქარა საბჭოთა კავშირის დაშლა. 1991 წლის დეკემბერში დასრულდა კაპიტალიზმის რესტავრაციის პროცესი. საბჭოთა კავშირი დაიშალა 15 სუვერენულ რესპუბლიკად, მათ შორის ერთ-ერთი იყო [[რუსეთის ფედერაცია]].

== სქოლიო ==
{{სქოლიო}}

{{რუსეთის მონარქები}}
{{ევროპა თემატურად|ისტორია|ევროპის ისტორია}}
{{აზია თემატურად|ისტორია|აზიის ისტორია}}
{{რუსეთის თემები}}

[[კატეგორია:რუსეთის ისტორია| ]]