კრუბერის გამოქვაბული
| კრუბერის გამოქვაბული | |
|---|---|
| კოორდინატები: 43°24′35″ ჩ. გ. 40°21′44″ ა. გ. / 43.40972° ჩ. გ. 40.36222° ა. გ. | |
| ქვეყანა | |
| ტერიტორიული ერთეული | აფხაზეთის ავტონომიური რესპუბლიკა გაგრის მუნიციპალიტეტი |
| აბსოლუტური სიმაღლე | 2320 მ |
| სიგრძე | 13 432 მ |
| სიღრმე | 2197 მ |
| აღმოჩენის წელი | 1960 |
| შესასვლელთა რაოდენობა | 5 |
| ტიპი | კარსტული |
| ამგებელი ქანები | კირქვა |
კრუბერის გამოქვაბული, ვორონია-კრუბერის გამოქვაბული — კარსტული მღვიმე საქართველოში, აფხაზეთის ავტონომიურ რესპუბლიკაში, გაგრის მუნიციპალიტეტში. მდებარეობს ბერჭილის ქედზე, ორთაბალაგანის აღმოსავლეთ ხეობის ზემო ნაწილში. კრუბერის გამოქვაბული სიღრმით მსოფლიოში მეორე ადგილზეა ვერიოვკინის მღვიმის შემდეგ.[1] შესასვლელი ზღვის დონიდან 2320 მ-ზე მდებარეობს. გამომუშავებულია ქვედაცარცულ კირქვებში. მღვიმე წარმოადგენს სუბვერტიკალური ტიპის სიღრუეს. მღვიმეში გვხვდება მინიატურული სტალაქტიტები, სტალაგმიტები, ფარდები, ადგილობრივი წარმოშობის ნგრეული და გამოფიტვის მასალა. ჰავა სტატიური. არის ასევე წყლის ნაკადები და პატარა ტბები. კრუბერის უფსკრულის წყლებით საზრდოობს მდინარე რეპრუა. მღვიმეში ბინადრობენ მრავალფეხა ჭიები, ხოჭოები და სხვა. სახელი ეწოდა ალექსანდრე კრუბერის პატივსაცემად.
იხილეთ აგრეთვე
[რედაქტირება | წყაროს რედაქტირება]ლიტერატურა
[რედაქტირება | წყაროს რედაქტირება]- ყიფიანი შ., ტინტილოზოვი ზ., ოქროჯანაშვილი არს., ჯიშკარიანი ვ., საქართველოს კარსტული მღვიმეების კადასტრი, თბ., 1966.