ბიძინა გეგიძე

ბიძინა გეგიძე
დაბადების თარიღი	3 მარტი, 1958 (1958-03-03)
დაბადების ადგილი	სოფ. სამება, ჩოხატაურის რაიონი, საქართველოს სსრ, სსრკ
მოქალაქეობა	სსრკ →  საქართველო
განათლება	საქართველოს სახელმწიფო პოლიტექნიკური ინსტიტუტი
ეროვნება	ქართველი
პარტია	„ქართული ოცნება“ (2019 წლამდე)
საქმიანობა	საქართველოს პარლამენტის IX მოწვევის წევრი

ბიძინა გეგიძე (დ. 3 მარტი, 1958, სოფ. სამება, ახლანდ. ჩოხატაურის მუნიციპალიტეტი) — ქართველი ინჟინერი, პოლიტიკოსი, სპორტსმენი. საბჭოთა კავშირის სპორტის ოსტატი.

1980 წელს დაამთავრა თბილისის პოლიტექნიკური ინსტიტუტი. 1978-1981 წლებში იყო წარმატებული რაგბისტი. 1980-1990 წლებში საპროექტო ინსტიტუტის კონსტრუქტორი; 1990-1992 წლებში ფირმა „ათინათის“ მენეჯერი; 1991-1992 წლებში საქართველოს საგარეო საქმეთა სამინისტროს კომერციულ სამმართველოში პროექტის მენეჯერი; 1993-1995 წლებში შპს „გუმარის“ გენერალური დირექტორი; 1996-2004 წლებში საქართველოს ღვინისა და ალკოჰოლური სასმელების კომპანია GWS-ის დამფუძნებელი; 2002-2006 წლებში თბილისის საკრებულოს წევრი; 1995-2007 წლებში კინოსტუდია „აისის“ დამფუძნებელი; არის მხატვრული ფილმი „წარსულის აჩრდილების“ პროდიუსერი; 2014-2016 წლებში „საქართველოს ფოსტის“ გენერალური დირექტორის მოადგილე; პარტია „ახალი მემარჯვენეების“, საზოგადოებრივი მოძრაობების — „დაიცავი საქართველოსა“ და „სახალხო პატრულის“ დამფუძნებელი; მონაწილეობდა აფხაზეთის ომში. 2016-2020 წლებში იყო საქართველოს მე-9 მოწვევის პარლამენტის წევრი (თბილისის ვაკის მაჟორიტარი), საარჩევნო ბლოკი: „ქართული ოცნება — დემოკრატიული საქართველო“. 2020 წელს განაცხადა, რომ კვლავ იყრიდა კენჭს ვაკეში.

ჯილდოები, პრემიები და პრიზები

• 1978 — საქართველოს თასი
• 1979 — საქართველოს თასი
• 1980 — საქართველოს თასი
• 1981 — სსრკ ჩემპიონატი (რაგბი), ბრინჯაოს მედალი

რესურსები ინტერნეტში

• ბიძინა გეგიძე — საქართველოს ბიოგრაფიული ლექსიკონი
• ბიძინა გეგიძე — საქართველოს პარლამენტის ოფიციალური საიტი (მოძველებული / არქივი / ახალი არქივი)