ნოდარ იმნაძე

ნოდარ იმნაძე
დაბადების თარიღი	10 სექტემბერი, 1945
დაბადების ადგილი	30 აპრილი, 1991 (45 წლის)
გარდაცვალების თარიღი	30 აპრილი, 1991(1991-04-30) (45 წლის)
მოქალაქეობა	სსრკ →  საქართველო
ეროვნება	ქართველი

ნოდარ იმნაძე (დ. 10 სექტემბერი, 1945 — გ. 30 აპრილი, 1991) — ქართველი პოლიტიკოსი.

ბიოგრაფია

დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტი. 1975 წლიდან აჭარის სამხატვრო სახელოსნოს მხატვარ-გამფორმებელი. საქართველოს ჰელსინკის კავშირის ბათუმის რეგიონული ჯგუფის ხელმძღვანელი. 1990-1991 იყო საქართველოს რესპუბლიკის უზენაესი საბჭოს წევრი საარჩევნო ბლოკი „მრგვალი მაგიდა — თავისუფალი საქართველოდან“, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).

1991 წლის 14 მარტს ნ. იმნაძე აირჩიეს აჭარის ავტონომიური რესპუბლიკის უზენაესი საბჭოს თავმჯდომარის პირველი მოადგილის მოვალეობის შემსრულებლად. 22-23 აპრილის მოვლენები მისთვის ტრაგიკული აღმოჩნდა. იყო ცდა მოსახლეობაში მისადმი დაეთესათ უნდობლობა.

30 აპრილს აპირებდა საინფორმაციო მიტინგის ჩატარებას. იმავე დღეს ღამით დაიღუპა. დაკრძალულია საბურთალოს საზოგადო მოღვაწეთა პანთეონში.

რესურსები ინტერნეტში

• ნოდარ იმნაძე — საქართველოს პარლამენტის ოფიციალური საიტი
• ბათუმის სასამართლო: ნოდარ იმნაძე ასლან აბაშიძემ მოკლა
• ასლან აბაშიძე, ჯემალ გოგიტიძე და „ქელფეთა“
• ბერძენიშვილი: ასლან აბაშიძემ საკუთარი ხელით ჩაცხრილა განიარაღებული ნოდარ იმნაძე დაარქივებული 2020-06-05 საიტზე Wayback Machine.