რევაზ ვარსიმაშვილი
რევაზ შალვას ძე ვარსიმაშვილი (დ. 30 სექტემბერი, 1930, ქუთაისი, — გ. 2017) — ქართველი ინჟინერი, მეცნიერი მექანიკა-მანქანათმშენებლობის დარგში. ტექნიკურ მეცნიერებათა დოქტორი (1985), პროფესორი (1986), საქართველოს საინჟინრო აკადემიის წევრი (1996).
1954 წელს დაამთავრა საქართველოს პოლიტექნიკური ინსტიტუტის მექანიკის ფაკულტეტი. 1962-1965 წლებში იყო საპროექტო ინსტიტუტ „საქკვებმრეწვსახპროექტში” განყოფილების გამგე. 1965 წლიდან მუშაობს საქართველოს ტექნიკური უნივერსიტეტში მანქანათა ნაწილებისა და ამწე-სატრანსპორტო მანქანების კათედრაზე (1990-2000 წლებში — კათედრის გამგე, 2000 წლიდან — ამავე კათედრის პროფესორი). ვარსიმაშვილის კვლევები ეხება არამრგვალი სივრცითი კბილანური გადაცემების თეორიას, არამრგვალი კბილანების დამზადების მეთოდებს პროგრამული მართვის სისტემების გამოყენებით, არამრგვალკბილანებიანი პლანეტარული და დიფერენციალური მექანიზმების კვლევას.
ლიტერატურა
[რედაქტირება | წყაროს რედაქტირება]- ვარსიმაშვილი, რევაზ // ენციკლოპედია „საქართველო“, ტ. 3, თბ., 2014. — გვ. 179.