Bruno Tshibala

Bruno Tshibala Nzenze (Tshilenge in urbe die 20 Februarii 1956 natus) est politicus rei publicae democraticae Congensis. Alumnus est Universitatis Brazzapolitanae. Iam annis scholaribus in rebus politicis intravit, factionum socialisticarum vel Marxisticarum fautor, Stephani Tshisekedi discipulus sociusque, inter conditores iam anno 1982 unionis pro democratia et progressu sociali^(fr) reputatus. Cuius factionis iam diu secretarius generalis electus, die 9 Octobris 2016 in carcerem missus est ut qui tumultus Kinshasae in urbe excitavisset. Die 29 Novembris eiusdem anni liberatus est. Anno autem insequenti, Stephano Tshikesedi mortuo, Bruno Tshibala successionem filii Felicis ad praesidium factionis deprecavit ipseque e factione expulsus est. Mox die 6 Aprilis 2017 a praeside Iosepho Kabila ad offficium primi ministri convocatus est, Samy Badibanga nuper ex eodem officio deiecto.

Bibliographia

Primi ministri Zaïre et rei publicae democraticae Congensis


Patricius Lumumba • Iosephus Iléo • Albertus Ndele • Iustinus Maria Bomboko • Antonius Gizenga • Cyrillus Adoula • Moyses Tshombe • Evaristus Kimba • Leonardus Mulamba • Mpinga Kasenda • Bo-Boliko Lokonga Mihambo • Ioannes Nguza Karl-i-Bond • Iosephus Untube • N'singa Udjuu • Kengo Wa Dondo • Mabi Mulumba • Sambwa Pida Nbagui • Lunda Bululu • Mulumba Lukoji • Stephanus Tshisekedi • Bernardinus Mungul Diaka • Faustinus Birindwa • Kengo Wa Dondo • Likulia Bolongo • Antonius Gizenga • Adolphus Muzito • Ludovicus Alphonsus Koyagialo • Augustinus Matata Ponyo • Samy Badibanga • Bruno Tshibala • Sylvester Ilunga • Ioannes Michaël Sama Lukonde • Iuditha Suminwa Tuluka futura Opus geopoliticum • Gubernatores civitatum Africanarum hodiernarum Capsae cognatae: Praesides rei publicae democraticae Congensis • Ministri rerum externarum rei publicae democraticae Congensis