Salamis
Locus: 37°56′17″N 23°29′7″E
Numerus incolarum: 39 220
Zona horaria: UTC+2, UTC+3
Situs interretialis
Gestio
Geographia
- Vide etiam: Salamis (discretiva).
Salamis (-īnis f.; Graece Σαλαμίς; Neograece Σαλαμίνα) est insula et demus Graeciae, cuius locus medius est oppidum eiusdem nominis. Salamis ad Insulas Saronicas pertinet; quoad administrationem pars est regionalis Insularum unitatis in regione Attica. Nomen "Salamis", ut credebant antiqui, a nympha Salamine derivatum est, quam deus Poseidon huc rapuit; ex ea genuit Cychreum conditorem urbis Salaminis.
Historia
[recensere | fontem recensere]Insula iam nota est in Iliade carmine Homerico: in catalogo navium poëta docet heroem Aiacem a Salamine duodecim naves Troiam duxisse militesque suos iuxta Atheniensibus posuisse.[1] Saeculo VI a.C.n. autem, bello inter Megaram Athenasque exorto, Megarenses dixisse haec verba ab Atheniensibus ficta. Magarenses ipsi aliter cecinerunt, "Aiax naves duxit e Salamine, Polichna, Aegirussa, Nisaea, Tripodibus" urbibus Megaridis.[2]
In bello Graeco-Persico anni 480 classem Persicam iuxta Salamine nautae Graeci oppugnaverunt et omnino debellaverunt rege Xerxe ipso observante.
Incolae noti
[recensere | fontem recensere]- Cychreus, conditor et primus rex Salaminis in mythologia Graeca
- Telamon, rex mythicus Salaminis, pater Aiacis et Teucri
- Aiax Telamonius, heros belli Troiani
- Teucer, frater Aiacis, conditor mythicus Salaminis urbis in insula Cypro
- Euripides, tragicus, hic natus circa annum 485 a.C.n.
- Theodorus Pancalus, primus minister et dictator Graeciae, hic natus anno 1878
- Angelus Sicelianus, poëta saeculi XX, hic habitavit
Fontes
[recensere | fontem recensere]- Pausanias libro primo Graeciae descriptionis capite 35-36
Nexus interni
Notae
[recensere | fontem recensere]- ↑ Ilias 2.557-558.
- ↑ Aristoteles, Rhetorica 1375b30.
|
Haec stipula ad geographiam spectat. Amplifica, si potes! |