Kiew
| Kiew | |
|---|---|
|
| |
|
| |
|
| |
| Land | Ukrain |
| Vewaltungseenheet | Ukrain |
| Buergermeeschter | Vitali Klitschko |
| Awunner | 2.952.301 |
| 1. Januar 2022 | |
| Fläch | 848 km² |
| Héicht | 179 m |
| Koordinaten | 50°27'0"N, 30°31'25"O |
| Telefonszon | 44 |
| Postcode | 01000–06999 |
| Websäit | https://kyivcity.gov.ua |
|
| |
|
| |
Kiew (rus.: Киев [ˈkʲi(ɪ̯)ɪf]) oder Kyjiw (uk: Київ [ˈkɪjɪu̯]), ass d'Haaptstad vun der Ukrain an och vum Oblast Kiew. Et ass déi gréisst Stad vun der Ukrain.
D'Alstad läit op den Hiwwelen iwwer dem Floss Dnepr an déi nei Staddeeler leien op béiden Uwänner vum Floss. Kiew zielt knapp 3 Milliounen Awunner a mat senger Agglomeratioun zesummen iwwer véier Milliounen. Wéinst hirer geschichtlecher a kultureller Roll gëtt se als Mamm vun alle russesche Stied a wéinst senge ville Kierchen a Kléischter als Jerusalem vum Oste bezeechent.
Schreifweis
[änneren | Quelltext änneren]D'Schreifweis vun der Stad Kiew am kyrilleschen Alphabet ass op Ukrainesch „Київ“ an op Russesch „Киев“. Am Lëtzebuergeschen an am Däitschen hat sech d'Schreifweis "Kiew", als Resultat vun enger Transkriptioun vun der russescher Schreifweis an d'laténgescht Alphabet, duerchgesat.
Obwuel d'Ukrain, am Kader vun hirer Onofhängegkeet vun der Sowjetunioun, den 1995 Numm op Kyiv geännert huet, hu sech däitsch Noriichtenagencen nach am Joer 2014 drop gëeenegt, weiderhin den Numm "Kiew" ze benotzen.
Mat Bezuch op de russeschen Ugrëffskrich op d'Ukrain uganks 2022, hunn eng Rëtsch Medien ugefaangen, déi däitsch / lëtzebuergesch Transkriptioun "Kyjiw" vun der ukrainescher Schreifweis ze benotzen.
Geschicht
[änneren | Quelltext änneren]Kiew am Zweete Weltkrich
[änneren | Quelltext änneren]Aus dem Zweete Weltkrich bleift Kiew besonnesch an Erënnerung wéinst dem Massaker vu ronn 35.000 Judden an der Griecht vu Babyn Jar.
Kuckeswäertes
[änneren | Quelltext änneren]- Kiewer Hieleklouschter (12. Jh.)
- Sophiëkathedral (1037)
- Kiewer Méchelskierch (12. Jh.)
- Andreaskierch (1750)
- Wladimirkathedral (1889)
- Chreschtschatik-Boulevard (1954)
- Batkiwschtschyna-Maty (1981)
Ekonomie an Infrastruktur
[änneren | Quelltext änneren]Kiew ass e wirtschaftlechten Zentrum (Stolindustrie, Maschinnebau, Fligerbau, Chimiesindustrie, etc.), Unzéiungspunkt fir den Tourismus an nieft Lwiw an Odessa kulturelle Mëttelpunkt vum Land. Wéinst senge ville Kierchen a Kléischter a senger Bedeitung fir déi orthodox Chrëschte gëtt Kiew zanter dem Mëttelalter als „Jerusalem vum Osten“ bezeechent. Déi ukrainesch Haaptstad ass awer och fir Zuch- a Fluchlinnen eng vun de wichtegste Verkéiersdréischeiwe vun Osteuropa an huet en Hafen um Dnepr.
Bekannt Kiewer
[änneren | Quelltext änneren]- Michail Bulgakow, russesche Schrëftsteller
- Scholem Alejchem, jiddesche Schrëftsteller
- Ilja Ehrenburg, sowjetesche Schrëftsteller a Journalist
- Edward Gottlieb, US-amerikaneschen Entreprener, Matgrënner vun der NBA
- Milla Jovovich, US-amerikanesch Schauspillerin
- Kasimir Malewitsch, ukrainesch-polnesche Moler
- Igor Markevitch, Komponist an Dirigent
- Wazlaw Nijinski, russesche Balletdänzer a Choreograph
- Igor Sikorsky, ukrainesch-amerikaneschen Ingenieur, Loftfaartpionéier a Constructeur vum éischte modernen Helikopter
- Golda Meir, israeelesch Politikerin
Literatur
[änneren | Quelltext änneren]- Britta Wollenweber a Peter Franke: Kiew - Stadt der Goldenen Kuppeln am Dnjepr. Ein Reiseführer mit Hintergrund, Berlin, Wostok Verlag, 2004.
Um Spaweck
[änneren | Quelltext änneren]| Commons: Kiew – Biller, Videoen oder Audiodateien |