Sextans B
|
Foto, opgeholl vum Hubble-Weltraumteleskop | |
| Stärebild |
Sextans (Sex) |
|---|---|
| Positioun fir d'Equinoxe J2000.0 | |
| Rektaszensioun | 10h 00m 00,1s |
| Deklinatioun | + 05° 19' 56" |
| Ausgesinn | |
| Hubble-Sequenz | (d)Im IV-V |
| Visuell Magnitude | 11,9 mag |
| Wénkelduerchmiesser | 5′,1 × 3′,5 |
| Physikalesch Donnéeën | |
| Gehéiert zu | Lokal Grupp |
| Distanz (Lj) | (4.440.000 ± 230.000) |
| Radialvitess | (301 ± 1) |
| Mass | 2 × 108 M☉ |
| Katalog- an Entdeckerbezeechnungen | |
| MCG | +01-26-005 |
| PGC | 28913 |
| UGC | 5373 |
De Sextans B ass eng irregulär Zwerggalaxie vum Typ Ir IV-V am Stärebild Sextans.
Zesumme mat der Zwerggalaxie Sextans A bilt si eng Koppel um baussenzege Rand vun der lokaler Grupp. D'Galaxie weist Unzeeche vun engem gravitativen Zesummenhang un d'NGC-3109-Ënnergrupp.
Eegenschaften
[änneren | Quelltext änneren]Gréissten
[änneren | Quelltext änneren]De Sextans B läit op enger Distanz vun ongeféier 1360 kpc vun eis ewech a beweegt sech vun eiser Sonn mat enger Vitess vu ronn 301 km/s ewech. Si gehéiert domat zu deenen, déi am wäitste vun der lokaler Grupp ewech leien.
Zesummesetzung
[änneren | Quelltext änneren]D'Zwerggalaxie huet eng eenheetlech Stärepopulatioun, hiren interstellare Medium ass awer net homogeen.
D'Mass vum Sextans B gëtt op ronn 2 × 108 M⊙ geschat mat engem Deel vu 5,5 × 107 M⊙ an atomarem Waasserstoff.
Stäregenesis
[änneren | Quelltext änneren]D'Stäregenesis vun der Galaxie weist ënnerschiddlech Periode mat wéineg Aktivitéit, ënnerbrach vun Zäiten ouni Aktivitéit. D'Existenz vu variabelen Cepheiden am Sextans B weist awer och op aktuell wann och nëmme wéineg Stäregebuerten hin.
Metallizitéit
[änneren | Quelltext änneren]D'Metallizitéit vum Sextans B ass relativ kleng. Bis elo konnte fënnef Planetaresch Niwwelen an der Zwerggalaxie identifizéiert ginn. Si gehéiert domat zu de klengste Galaxien, an deenen där bis elo observéiert konnte ginn. Wéinst der Distanz vum Sextans B gesi s'aus wéi Punktquellen, kënnen awer iwwer hir spektral Emissiounslinnen identifizéiert ginn. Hir konnt och e massive Kugelstärekoup zougeschriwwe ginn.