LoRa (Long Range), Bilbao Bizkaia Ur Partzuergoaren buletina irakurri ez duzuenontzat, datuak distantzia luzera komunikatu ahal dituen teknologia da, baita hiri-ingurune konplexuetan edo landa-eremu barreiatuetan ere, energia kontsumo txikiarekin eta sare mugikor konbentzionalen mende egon gabe.

Datuak (tenperatura, hezetasuna, ur-kontsumoa, bateriaren egoera, kokapena…) eta mezuak partekatu daitezke LoRa erabiliz. Horretarako, hardware berezia behar da, baina nahiko merkeak dira gailu horiek.

Gailuok amaraun tipologiako sareta osatzen dute, eta zenbat eta gehiago egon, orduan eta sendoagoa da sarea, irrati bakoitzak entzuten dituen mezu guztiak birbidaltzen dituelako, mezuak urrutiago eramanez.

Hardwarea gobernatzeko softwarea behar da. Bizkaian hedatuena Meshtastic dela esango nuke, baina badago baita ere Meshcore, utzitako disaster.radio, eta beste batzuk ere.

meshtastic.eus existitzen bada ere, orrialdeak ez du edukirik. Gailuak modu egokienean konfiguratzeko, gaztelerazko webgunera jo behar dugu: meshtastic.es.

Sarean bertan (LoRa sarean, ez interneten) gaztelera da hizkuntza bakarra. Beharbada, euskaldun nahikoa izango bagina, euskarazko kanala sor genezake.

#LoRa erabiltzeko ez da lizentziarik behar.