https://ikusimakusi.eus/

  • 177 Posts
  • 120 Comments
Joined 5 years ago
Cake day: November 28th, 2020
  • TxopiAtoSolarpunk•Kolapsismoa vs Solarpunk. Indibidualismoa vs Kolektibismoaeuskara
    1·
    1 month ago

    Nik gehien bat zuk bezala ikusten dut, baina ez dut termino zurrun edo mugatu bat bezala ikusten. Gaur egungo gizartea eta irudikatzeko gai garen etorkizun ilunetatik alternatiba baikorragoak aurkezten dituzten lan guztiak ikusten ditut nik solarpunkaren aterkiaren barrua. Kolapso orokor bat egon ala ez, gizarte kolektiboagoa egon ala ez, teknologia miragarriak egon ala ez, etorkizun edo gizarte alternatibo hobea erakusten badu, kapitalismoaren zulotik nola edo hala ateratzea lortu duen edo lortzen ari den mundu bat erakusten badu, niretzat solarpunka da.

    Horrekin lotuta, hope punk terminoa dago, solarpunk terminoak eguzki panelekin eta energia berriztagarriekin izan lezakeen lotura zuzenetik haratago doana. Kontzeptu hau duela urte batzuk cyberpunk eta steampunk terminoetatik desberdintzeko sortu zen solarpunk-etik haratago doa eta agian nik gaur egungo ikuspegiarekin hobetsiko nukeena. Baina tira, hori ere ez da ezinbestekoa. Kontua da etorkizun hobeak irudikatzea, zabaltzea eta zergatik ez, probatzea ere bai.

    Guzti honekin lotuta, atzo bertan, euskarazko hobe punk hitza proposatu zuen @protoeuskaldun@mastodon.eus-ek: https://mastodon.eus/@protoeuskaldun/116386157155236280

    Ideiak martxan, ekimenak bizirik, iluntasunaren eta etsipenaren aurka, esperantza galdu gabe, denon artean etorkizun hobe bat eraikitzen.

  • TxopiAtoSolarpunk•Solarpunk irudiak gure egunerokoaneuskara
    1·
    1 month ago

    Hemen dituzu adibide batzuk: https://duckduckgo.com/?q=solarpunk&t=ffab&ia=images&iax=images

    Solarpunk eleberriek eta ipuinek gizarte alternatiboak irudikatu ohi dituzte, non energia berriztagarriak oso zabalduta dauden. Normalean solarpunk istorioak etorkizun hurbil edo ez hain hurbiletan kokatzen dira, zeinetan erregai fosilekiko dependentzia gaindituta dago eta maiz permakultura eta gizarte antolaketa desberdinak zabalduta dauden. Kapitalismoaren zulotik nola edo hala ateratzea lortu duten etorkizunak erakusten dira. Beraz, ildo horretatik, irudietan eguzki panelak, landareentzako tokia duen eraikinak eta leku argitsuak agertu ohi dira. Baina ez dago definizio zehatz bat eta teknologia oso gutxi eta natura asko duten irudikapenak ere badaude, edo gizarte postapokaliptikoak edo inolako apokalipsirik egon ez den munduak.

    Nik behintzat hala ikusten dut.

  • TxopiAtoPlaza•Zebraren Nazioarteko Egunaeuskara
    1·
    1 year ago

    Gaixotasun arraroen ildotik jarraiki, zebrak, adimen gaitasun handiak dituzten pertsonak izendatzeko ere erabiltzen da. Neurotipikoak izan ordez, neurodibergenteak direnak. Hitza zentzu baikorrarekin erabiltzen dela uste dut.

  • TxopiAtoRola euskaraz•Rol "jokoa" edo "jolasa"?euskara
    1·
    2 years ago

    Nik rolari buruz ez dakit askorik baina “jolas” hitza jarduera informalagoetan eta “joko” jarduera arautuagoetan erabiltzen dela ulertuta daukat. Haur bi parkean korrika eta saltoka badabiltza, zer egiten ari diren unean bertan asmatzen (Zu eroslea zara eta ni dendaria! Itxaron, zergatik ez dugu egiten hau barku bat dela? Begira nor datorren, ezetz arrapatu!), “jolasten” dabiltzala esan ohi da. Arau batzuk, guztiak ez bada ere, aurretik ezarriak dituen partida bat bada (Ezin duzu pilota eskuekin ukitu, dadoa bota aurretik aukeratu behar duzu…), “jokatzen” dabiltzala esan ohi da. Hau da, jarduera batek zenbat eta arau gehiago izan, gehiago du jokotik eta gutxiago jolasetik. Hori dut nik ulertuta behintzat! Kar kar

  • TxopiAtoInformatikariak•Smartphoneak pausuak kontatzen dizkit. Nola kendu?
    1·
    3 years ago

    Beste aukera bat Android mailan aplikazio horri jakinarazpenak bidaltzeko baimena kentzea izan daiteke. Horretarako, adibidez, jakinarazpen horietako bat pixka bat eskuinera mugitu dezakezu eta mota hori konfiguratzeko aukera duzula ikusiko duzu:

    Beste modu bat, horrelako jakinarazpen bati itxaron gabe egitea da. Jakinarazpenen zerrendan, amaiera-amaieran “Kudeatu” izeneko aukera bat dagoela ikusiko duzu. Bertan sartu eta ditxosozko aplikazio hori desgaitu. Horrela, bidaltzen dituen jakinarazpenik ez duzu ikusiko.

  • TxopiAtoInformatikariak•Smartphoneak pausuak kontatzen dizkit. Nola kendu?euskara
    2·
    3 years ago

    Aplikazioek urratsak zenbatzeko gailuaren azelerometroa eta giroskopioa erabiltzen omen dute. Hauek kokapenik eta bestelako datu problematikorik ematen ez omen dutenez, uste dut baimen berezirik eskatu gabe lor ditzaketela. Beraz, app horrek, ez du ikusi edo ezeztatu dezakezun baimen bat behar egiten duena egiteko.

    Nire gomendioak:

    • App horren ezarpenetan mugimenduarekin zerikusia izan dezaketen aukerak desgaitu (dagoeneko egingo zenuen baina tira).
    • App hori desinstalatu. Xiaomik usten ez badizu egoera bitxian zeundeke, salagarria esan nahi dut.
    • Ezin badituzu goikoak egin, telefonoari beste sistema eragile bat instalatu beharko diozu, Xiaomiren kaka guzti hauek izango ez dituen libre bat adibidez.
  • TxopiMAtoEuskal memeak•Saioa hasten dudanean edukia desagertzen zaiteuskara
    2·
    3 years ago

    Nik ere ez dut ulertu. Hasierako orrialdean Harpidetuta/Subscribed aukerari buruz hari bazara, kontuan izan Lemmyn komunitate desberdinak daudela baina bertan idazteko, horietako batzuetara apuntatu beharra dagoela norberaren erabiltzailearekin.

    Komunitate zerrenda hemen dago: https://lemmy.eus/communities

    Interesgarrienak ikusten dituzunetan apuntatu eta kito. Beste instantzia batzuetako komunitateetara ere harpidetu zaitezke hemengo erabiltzailearekin eta komunitate guzti horiek leku beretik jarraitu.

    Gogoratu edozein komunitate irakurtzeko ez duzula harpidetu beharrik. Guztiak/All aukeran instantzia osoko edukiak irakur ditzakezu beti. Ez hori bakarrik, zure kontuaren ezarpenetan NSFW gaituta baduzu, identifikatu gabe ikusi ezin dituzun eduki batzuk ikus ahal izango dituzu.

Moderates