Un canta de natal
Un canta de natal es un novela corta par la autor engles Charles Dickens, prima publicida a 19 desembre 1843.
La nara presenta un om avar e amarga nomida Ebenezer Scrooge ("ebeniza scrudj"), e se transforma etical e emosial pos la visitas supranatural de se colaboror mor e la Fantasmas de Natales Pasada, Presente e Ancora Futur. La novela ia es pronto susedosa entre lejores e criticistes. On ia comensa reprodui pronto la nara en un modo nonlegal!
La libro ia es scriveda e publicida en Britan en la parte temprana de la eda victorian, un tempo cuando la pais esperia un interesa nostaljial per retrova se tradisiones oblidada de natal, e cuando on introdui costumes nova como la arbor de natal e cartas de saluta.
Lo pare ce la autor ia ave fontes de multe spesies diversa per esta reconta, ma xef entre los es se esperias umilinte en se enfantia, se compatia per la povres, e la naras de natal scriveda par Washington Irving.
On ia ajusta la nara a multe veses per presenta lo como teatrales, filmas e operas. Lo ia restora la festo de natal a un cosa de joia en Britan e America, pos un periodo de sobria e sombria. Lo resta poplal, e a no tempo lo ia deveni no plu primida.