Antigua e Barbuda

Antigua e Barbuda

Imno: Fair Antigua, We Salute Thee

Antigua e Barbuda es un pais locada entre la Mar Caribe e la Mar Atlantica. Lo es formida par du isolas xef: Antigua e Barbuda, e otra isolas plu peti (incluinte la isolas de Great Bird, Green, Guinea, Long, Maiden e York e, plu sude, la isola de Redonda). La area es sirca 442,6 cilometres cuadrida e la capital es Saint John's, locada en la isola de Antigua.

La cuantia de abitores, en la anio 2007, ia es sirca 69 481 persones.

Etimolojia

Antigua en espaniol sinifia "antica" e Barbuda es "barbida". La isola de Antigua, orijinal nomida Wa'ladli par la arauaces, oji es nomida Wadadli par la abitores. La caribes ta nomi lo Wa'omoni. Cristoforo Colombo, en cuando ia naviga sirca en 1493 ta nomi lo Santa Maria la Antigua, per un icon de la catedral de Sevilia, en Espania.

Divides manejal

Parocias de Antigua

Antigua e Barbuda es divideda en ses parocias e du dependes:

• Parocias
  1. Saint George
  2. Saint John
  3. Saint Mary
  4. Saint Paul
  5. Saint Peter
  6. Saint Philip
• Dependes
  1. Barbuda
  2. Redonda

Nota: An si Barbuda e Redonda es nomida dependes, los es partes importante de la stato. Dependes es sola un titulo.

Sites

A su on pote trova un lista de la des sites plu grandes.

1. Saint John's 22,634
2. All Saints 3,412
3. Liberta 2,239
4. Potter's Village 2,067
5. Bolans 1,785
6. Swetes 1,573
7. Seaview Farm 1,486
8. Pigotts 1,363
9. Parham 1,276
10. Clare Hall 1,273

Governa

La politica de Antigua e Barbuda aveni en la strutur de un monarcia democrata representante, parlamental e unida, en cual la Xef de Stato es la re ci asinia la Governor Jeneral como la representor visreal. La rea Elizabeth 2 es la rea de Antigua e Barbuda de la nondepende de la isolas de Rena Unida en 1981. El es representada par la governor Sir Rodney Williams. Un Consilio de Ministros es nomida par la Governor Jeneral sur la consela de la Ministro Xef, oji Gaston Browne (2014-). La Ministro Xef es la xef de governa.

Economia

Turisme es la parte xef de la economia. Lo es plu ca la media de la produi interna bruta. Antigua es famosa per sua vacanserias de luso. Servis finansial es ance importante.

Lingua

Engles es la lingua ofisial ma multe abitores parla la creol antiguan. La dialeto fonetical de Barbuda es un pico diferente de la de Antigua.