Corse

Corse (en franses: Corse [kɔʁs]; en corsu e italian: Corsica [ˈkɔrsika]) es un isola en la Mar Mediteraneo cual es un de la 18 rejiones de Frans. Lo es a la sude-este de la tera xef de Frans e a la ueste de la penisola italian. La tera la plu prosima a Corse es la isola italian de Sardinia a la sude. Un sola cadena de montes ocupa du tris de la isola.

Corse es un parte de Frans Urban, ma ance es identifiada como un coletiva teritorial (collectivité territoriale) par lege. Corse ave plu autonomia ca otra rejiones franses car los es un coletiva teritorial; per esemplo, la asembla corsu pote eserse potia limitada de esecuta.

La isola ia es un sola departe asta lo ia es divideda en 1975 en du departes istorial: Haute-Corse (Corse Alta) e Corse-de-Sud (Corse Sude), con sua capital rejional en Ajacco, la site de prefetia de Corse-de-Sud. Bastia, la site de prefetia de Haute-Corse, es la site la du de la plu grande en Corse.

Pos lo ia es governada par la Republica de Jenoa de pos 1284, Corse ia es corta autonom como la Republica Corsu entre 1755 e 1769, cuando lo ia es sededa par la Republica de Jenoa a Louis 15 como parte de un promete per detas. Par causa de la lias istorial entre Corse e la penisola italian, la isola reteni multe elemetos de cultur italian: la lingua nativa es reconoseda como un lingua rejional par la governa franses. Corse ia es governada par potias variosa tra sua istoria, ma lo ia ave alga periodos corta de autonomia.

La capital de la isola, Ajacco, es la loca de nase de Napoleon Bonaparte, la Imperor Peti. Sua casa de nase, Maison Bonaparte, es oji usada como un museo.

Slogan: La isola de belia (L'ile de beauté).

Corse ave multe fanes de futbal. La isola ave tre ecipos profesal, du en la Liga Prima, Ajaccio e Bastia, e un en la divide Nasional (Div. 3). Paris ave 4 ecipos, un en L1, PSG, et 3 en Div. 3 - Paris FC, Creteil, e Red Star.