Suni
Suni Islam es la seto la plu grande de Islam, segueda par cuasi 90% de la muslimes en la mundo. La nom deriva de la parola sunnah, cual refere a la condui de la profeta islamiste Muhammad. La diferes entre suni e xia deriva de un nonacorda sur la pasa de autoria par Muhammad, e alora ia developa sinifias politica plu vasta, en ajunta a sinifias teolojial e justial.
Seguente la tradisiones suni, Muhammad no ia indica clar sua seguente, e la comunia muslim ia ata seguente sua sunnah par eleje sua padre par lege Abu Bakr como la calif prima. Esta contrasta con la opina xia, cual dise ce Muhammad ia proclama sua fia par lege Ali ibn Abi Talib la xef de la muslimes. Stresa political entre sunis e xias ia continua, con intensia variante, tra istoria muslim, e los ia es malida resente par desacordas etnical e la aveni de seto de Wahhabisme.
De 2009, muslimes suni ia composa 87 a 90% de la comunia muslim. Suni Islam es la plu grande seto relijiosa en la mundo, segueda par Catolicisme. Sua seguores es nomida en arabi como ahl as-sunnah wa l-jamaah ("la popla de la sunnah e la comunia") o ahl as-sunnah per corta.
La Curan, con la hadith (la parlas de Muhammad, spesial los colieda en la Kutub al-Sittah) e acorda justial obligada, forma la funda de tota justia tradisional en Islam suni. Judis de sharia es derivada de esta fontes fundal, con razona analojical, considera de bonstate publica, e cuatia legiste, usante la prinsipes de justia developada par la scolas de lege tradisional.
Un casos de crede, la tradision suni suporta la ses colonas de iman (fide) e inclui la scolas Ash'ari e Maturidi de teolojia razonaliste e la scola leteraliste nomida teolojia tradisional.