Blasius
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
De heilige Blasius kump oarsjprónkelik van Armenië. Hae sjtörf op 3 februari 316. De driede februari ies daorum zien fièsdaag in de katholieke kèrk.
Legende
[bewirk | brón bewèrke]Blasius haet 't leve van 'ne jóng, dae bekans sjtiekde in 'n vösjgraat, gered. Blasius ies daorum de petroanheilige van de kaelkrenkdes. Op ziene fièsdaag weurt nao 'n Heilige Mès aan de luuj gelegenheid gegeve um de zoageneumde Blasiuszege te óntvange. Dat gebeurt door de preester dae de geluivige daobie twiè keertse kruselings um de haus hèlt. Dit ritueel mèt keertse, weurt dèks verward mèt de keertsewiejing, die op 2 februari gehoute weurt ter ière van Maria-Leechmès.
In de parochiekèrk van Keer, in de gemeinte Mergraote besjteit 'n sjpeciaal devotie veur de heilige Blasius.