Nitraot

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

Nitraot.

Nitraot is d'n algemeine naam van 'n anion (NO₃-) dae of functioneel groep (R-O-NO₂) die ei stikstofatoeam en drie zoerstofatoeame bevatj. In nitraote haet stikstof formeel 'nen oxidatietoestandj van +5. Sjemisch gezeen is salpaeterzoer (HNO₃) de stamverbinjing vanne nitraotgroep.

Nitraotione vörme mit metalen ummer ionogeen verbinjinge, zeker mit (aerd)alkalimetale. De verbinjinge zilvernitraot en loead(II)nitraot zeen väöl-gebroekdje stoffen in laboratoria. Mit alle metaalione (en 't ammoniumion) vörmp 't nitraotion opmirkelik ummer 'n in water oplosbaar zaat. Salpaeterzoer is 'ne kreftigen oxidator. Nitraotesters zeen döks hieël brandjbaar of explosief.

Nitraote waeren inne triviaal naamgaeving döks es achterveugsel salpaeter geneump:

• Kaliumnitraot: kalisalpaeter of salpaeter
• Calciumnitraot: kalksalpaeter
• Ammoniumnitraot: ammoniumsalpaeter
• Natriumnitraot: chilisalpaeter