Tin

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Tin is e sjemisch element mit 't symbool Sn (Letien: stannum) en 't atoeamnómmer 50. 't Is e zilvergries houfgroepmetaal.

Toepassinge

Tin hech zich gemekkelik aan iezer en wuuertj daoveur döks gebroek es róswaerendje laog in bleek (metaal). Anger toepassinge zeen:

In loeadlegeringe veur örgelpiepe;
In brónslegeringe veur krikklokke;
Es zaachte soldeertin veure perduksje van lektronische sjakelingen en loeadgeterswirk;
De zate tin(II)chloried en tin(IV)chloried höbbe versjillige toepassinge, worónger es bietmiddel;
Veur glaas 'n gledde oppervlakdje te gaeve wuuertj 't döks in vleujbaar vorm op gesmóltje tin in e tinbaad gegaote ('t percès vam Pilkington);
Wen 't wuuertj aangebrach op glaas veurkómme tinzate iesaagzètting: dit woort gebroek veur glazere windjsjerme;
In vreuger ieëve woort tin döks gebroek veur teiere, baekere, kannen en bestek van te make. 't Gesmóltje tin woort door 'nen tingeter in vörm gegaote. Saeren achtieëndjen ieëf is 't tinne taofelgerei get in ónbroek geraak en vervange door porselien, aerdwirk en glaas. Allewiel wuuertj tin nag gebroek veure vervaerdiging van sierbaekere, -teieren en miniatuurfigure wie tinne söldäötjes;
Inne legeringe woodsmetaal en babbittmetaal veur versjillige toepassinge.