Universcitæ di Studdi de Zena

ZE	Quésta pàgina a l'é scrîta in zenéize, segóndo a grafîa ofiçiâ

O lögo de l'Universcitæ de Zêna

L'Universcitæ di Stùddi de Zêna (ofiçialménte Università degli Studi di Genova, in sîgla UniGe) a l'é l'universcitæ pùbrica de Zêna, nasciûa inte l'Etæ de Mêzo e a-a giornâ d'ancheu con de sêde spantegæ pi-â Ligùria intrêga.

L'Universcitæ de Zêna a gh'à de òrìgine antîghe, vegnìndo drîta da-i Colêgi ch'existéivan za into sécolo XIII, da-o sécolo XVI gestîi da-a Conpagnîa de Gexù scìnn-a-a sopresción de l'órdine, pe pasâ dónca sott'a l'aministraçión da Repùbrica e de de lì sott'a-i govèrni ch'én vegnûi aprêuvo, de méntre che co-o ténpo s'é inandiòu i diferénti córsci de stùddi.

A-a giornâ d'ancheu, UniGe a l'é spartîa in sce çìnque schêue con âtretànte bibliotêche, pe vintidoî dipartiménti in tùtto, ciù che di çéntri de riçèrca e de âtre strutûe aministratîve. A gh'à vàrie sêde a Zêna, con quélla çentrâle ch'a l'é o Palàçio de l'Universcitæ inta Stràdda di Bàrbi, ma a conprénde i tréi campus d'Inpêia, de Sànn-a e de Spézza ascì.

Âtri progètti

Altri progetti

• Wikimedia Commons

• Wikimedia Commons a contêgne di files in sce Universcitæ di Studdi de Zena

Ligàmmi de fêua

• (IT, EN) Scîto ofiçiâ, in sce unige.it. URL consultòu o 22 seténbre 2024.