Mussacà
| Moussakà | |
|---|---|
| Origen | |
| IPA | [musaˈka] |
| Alter nòmm | Mussacà |
| Pòst d'origen | |
| Spantegament | Penisola greca Balcan Medi orient |
| Dettaj | |
| Categoria | primm piatt |
| Ingredient principaj | obersgin carna triada pomm de terra besciamella |
| Variant | parmigiana de obersgin |
La mussacà (in gregh: μουσακάς) o moussakà a l'è on piatt tipigh de la cusina grega, balcanega e medi-orientala simil a la parmigiana de obersgin sicilianna (pussee de quella napoletanna, caratterizzada da mozzarela e sugh de tomates). La version grega de la mussacà a l'è la pussee famosa. A l'è, de fatt, on sformaa a baa de obersgin e, in di region arent a la Turchia cont carna triada, da coeus in forno, guarnii cont ona bondanta quattadura de basciamell gratinada (questa a l'è comè on'internazionalizzazion del piatt tipigh perchè la basciamell a l'è ona salza de invenzion francesa). A gh'hinn di alter variant basaa su zucchett, pomm de terra e alter verdur, aromatizzaa cont i spezzi che se voeur, comè per esempi l'anee.
I origen del piatt a hinn minga inscì ciar, anca se se sa che 'l nomm gregh mousakàs el riva dal turch musakka che, a sò voeulta, el gh'ha radis in di lengov araba e persiana[1][2].