Mac OS classegh
| Quest articol chì l'è scrivud in lombard, con la Noeuva Ortografia Lombarda |
El Mac OS classegh (al so temp domà Mac OS, in principi System Software o ben Software de sistema) a l'è stad el sistema operativ desvilupad de la Apple per i personal computer Macintosh, recognossud soratut in la storia de l'informatega per havé popolarizad l'interfacia grafega per i utent comun.
L'è stad desvilupad del 1984, cont el System 1 vegnud foeura cont el Macintosh 128K e fondad in part in sul Lisa OS de l'Apple Lisa, in del 1996 el ciapa el nom de Mac OS, 'me part del programa di Macintosh clone con licenza, con la version Mac OS 8. La darrera version a l'è stada Mac OS 9, vegnuda foeura in del 1999. In del 2001 a l'è stad sostituid del Mac OS X, fondad in su NeXTSTEP e donca a bas UNIX, dopo havé provad a desvilupà deperlee el sucessor Copland e valutad de crompà alternative tant 'me BeOS. I darrere atualizazzion del Mac OS 9 hann garantid interoperabilità cont el sistema noeuv e 'l Mac OS X l'era dad foeura con Classic, che gh'ha dad el nom che 'l gh'ha incoeu, che 'l permeteva de eseguìgh sora i aplicazzion per el vegg sistema.
El doperava un kernel monolitegh in sul Motorola 68k e 'n microkernel in su la piataforma PowerPC. L'ha lassad robe compagne de l'HFS Plus, file system doperad fina a Mac OS High Sierra, e AppleScript.
Riferiment
[Modifega | modifica 'l sorgent]Alter proget
[Modifega | modifica 'l sorgent]Wikimedia Commons el gh'ha dent imagin o alter archivi su Mac OS classegh