Metromare
El Metromare (anca Trasporto Rapido Costiero) a l'è on servizzi de Bus Rapid Transit in costruzion per conligà Rimini a Riccione dal 2012, vért el 23 de november 2019.
Storia
[Modifega | modifica 'l sorgent]In l'agost 2011 scomincia la fas preparatoria di lavor, cont el spostament di servizzi sotta terra che podeven intralcià el servizzi.
El 14 de luj 2012 a hinn consegnaa i cantier, che scomincen in del settember. L'è inauguraa el 23 de november 2019, cont di autobus a metan ficciaa de la Tper in attesa del collaud di mezz elettrich.
Estension
[Modifega | modifica 'l sorgent]L'è offizialment previst on slongament per la fera de Rimini e per la stazion de Santarcangelo di Romagna, l'è inveci in discussion on slongament per Cattolica.
Controversij
[Modifega | modifica 'l sorgent]A Riccione l'oeuvra a l'è stada assee contestada, dòpo l'approvazion de part del Comun, gh'è staa di protest che han vist l'intervent de tanc polee per mantegnì l'orden publich e in di successiv elezion el candidaa contrari al TRC del center-destra l'ha battuu quell del center-sinistra a favor.
L'è staa contestaa sia per l'impatt di cantier in su la viabilità sia per el facc che, seguend la ferrovia, el tocca nissun pont de interess important.
Gh'è staa anca polemica per el facc de la spesa per i autobus a metan de doperà provvisoriament.
Caratteristich
[Modifega | modifica 'l sorgent]El sistema, longh 9,8 km, el sarà intregament in sed protegida, fiancada a la ferrovia, cont el 60% a corsia singola de 4,20 m e 'l 40% a corsia doppia de 7,30 m.
A l'è a corsia singola la tratta in tra la fermada La Spezia e la stazion de Riccione e i alter tratt indova i cà a hinn tropp vesin per la dobbia corsia.
Percors
[Modifega | modifica 'l sorgent]El percors el partìss de la stazion de Rimini e 'l fa 15 fermaa intermedi per rivà a la stazion de Riccione. La fermada de Miramare l'è anca interscambi cont la stazion de Rimini Miramare.
In di fermaa de Chiabrera e Cavalieri di Vittorio Veneto gh'è di rodond per sortì del percors, che permetterann di connession in sed promiscua cont l'Aeroport Federico Fellini e i center pussee important de Rimini compagn de l'ospedaa del tribunal.
Mezz
[Modifega | modifica 'l sorgent]El servizzi el sarà faa cont 9 filosnodaa VanHool Exquicity 18T. Provvisoriament hinn staa doperaa di bus a metan e ibrid.
Vos corelaa
[Modifega | modifica 'l sorgent]Ligamm de foeura
[Modifega | modifica 'l sorgent]Àlter progett
[Modifega | modifica 'l sorgent]Wikimedia Commons el gh'ha dent imagin o alter archivi su Trasporto Rapido Costiero