Lach de Garda

Chest artícol a l'è scricc in Lumbàrt, ortograféa orientàl unificàda.

El lach de Garda, (ciamàt apò Benaco), l'è 'l piö grant dei lach de l'Italia e giü de chèi piö cunusìcc e sfrötacc per el turìsmo. El g'ha 'na superfìce 370 km² presapóch e 'l se tróa a 65 méter sùra 'l leèl del mar, ai pè de le Alpi. L'è 'n lach de urìgin glaciàl. che s'è furmàt 'nvèrs la fì de l'öltema glaciasiù.

Le sò spónde i è spartìde 'n trè pruvìnce de trè regiù diferènte: a nòrt gh'è la pruvìncia de Trènt (regiù del Trentì-Alto Adige), a òvest gh'è la pruvìncia de Brèsa (regiù de la Lombardìa) e a èst gh'è la pruvìncia de Verùna (regiù del Vèneto). La cità de Verùna la rèsta a 25 km a èst del lach e la cità de Brèsa la rèsta a 30km a òvest.

La part setentriunàla del lach l'è strèta e lónga, enseràda dét entrà 'l grùpo del mut Bàldo a èst e le preàlpi del Garda Alt a òvest. La part meridiunàla 'nvéce la se slàrga fò e ndò ànse separàde de la penìzola de Sirmiù. L'imisàre principàl l'è 'l fiöm Sarca, che 'l nas del grùpo de l'Adamèl e 'l se sböta 'ndèl lach de le bànde de Torbole, a l'estremità setentriunàla del lach. L'ünich emisàre 'nvéce l'è 'l Mincio e 'l vé fò del Lach de le bànde de Peschiera del Garda, a l'estremità sud-orientàl de l'ansa orientàl (cioè 'ndèla part verunéza).

Cümü postàcc söl lach

Regiù Trentì-Alto Adige	Regiù Vèneto	Regiù Lombardìa
Pruvìncia de Trènt (de ovest a est)	Pruvìncia de Verùna (de nord a sud)	Pruvìncia de Brèsa (de sud a nord)
Rìa del Garda Arch Nago Torbole	Malcesine Brenzone Torri del Benaco Garda Bardolino Lazise Castelnuovo del Garda Peschiéra	Sirmiù Dezensà Lonàt Padènghe Munìga Manèrba San Filìs Salò Gardù Riviéra Toscolà-Madéren Gargnà Tignàl Tremùzen Limù

Galerìa de fóto

Ol panoràma, che s'vèt in del quàder de la Madóna de la Rùer (1533) del Girolamo dai Libri, del tòch a mesdé del lach ciapàt piö o méno di bànde de Peschiera del Garda.

• 
  Tremùzen
• 
  Val di Sogno
• 
  Pónta San Vigilio
• 
  Panoràma a vardà de Gargnà
• 
  Panoràma a vardà de Malcesine
• 
  Malcesine endèn quàder de Gustav Klimt (1913)
• 
  Rìa del Gàrda
• 
  Tramónt a Torri del Benaco
• 
  El pórt de Lazise
• 
  Salò al tramónt
• 
  Panoràma de Tórbole
• 
  Panoràma a vardà de Peschiera del Garda
• 
  Toscolà-Madéren