Vorona
Ny vorona dia ao amin' ny kilasin' ny biby manana hazon-damosina, ny Aves. Manana ra mafana sady manatody izy ireo. Feno volom-borona ny tenany sady manana elatra. Manana anjara asa telo ny volom-borona: ny fisidinana sy ny fifehezana ny mari-pana ary ny fampisehoana. Manana taolana poak' aty ny vorona mba hahakely ny lanjany.
Noho izy ireo mafana vatana dia mampiasa hery betsaka. Noho izany dia mihinana sakafo be dia be izy ireo raha oharina amin' ny lanjany.
Karazam-borona samihafa mihoatra ny 9 000 no efa fantatra.
Hita ao amin' ny kôntinenta rehetra eto amin' izao tontolo izao ny vorona. Afaka miaina amin' ny tontolo mangatsiaka ny karazam-borona samihafa, ary ny hafa dia afaka miaina ao amin' ny toetany mafana. Hita any anaty ala, eny amin' ny kijana, eny amin' ny harambato, eny amin' ny moron-drenirano, eny amin' ny vato amoron-dranomasina, eny amin' ny tampon-tranon' olona ny vorona.
Mihinana sakafo isan-karazany ny vorona. Mihinan-kena ny ankamaroany. Maro ny mihinana bibikely na trondro. Mihinana karazam-bibilava na voalavo na koa karazam-borona hafa ny sasany. Misy vorona hafa ihany koa mihinana fatim-biby. Ny vorona toa ny boloky dia mihinana voamadinika sy voankazo.
Jereo koa
[hanova | hanova ny fango]- Akoho - Vorombola - Voronaparadisa
- Boloky - boiaza
- Flamingô - Gisa ejiptiana - sama
- Fody - Goaika - Kibobo - Papelika - Pelikana - Vanovolondavenona
- Voltora - Voromahery - Vorompiremby