Lompat ke isi

Bapikia kritis

Wikipedia Minangkabau - Lubuak aka tapian ilimu
Patung Sokrates

Bapikia Kritis adolah caro bapikia manusia untuak marespon urang lain[1] dengan manganalisis fakta untuak mambantuak panilaian.[2] Subjeknyo kompleks, jo ado babarapo defenisi yang babeda menyangkuik konsep iko, yang umumnyo mancangkup analisis rasional, skeptis, indak bias, atau evaluasi bukti faktual. Pado dasarnyo, bantuak bapikia kritis adolah pamikiran mandiri, pendisiplinan diri, pamantauan diri, jo koreksi diri.[3] Bapikia kritis mangandalkan pasatujuan tahadok standar kaunggulan yang ketat jo panggunoan nan batua. Iko mamparalukan komunikasi nan efektif jo kamampuan pemecahan masalah sarato komitmen untuak mangatasi egosentrisme[4][5] dan etnosentrisme.

Sijarah

Catatan paliang awal tentang pamikiran kritis adolah ajaran Sokrates nan dicataik dek Plato. Iko tamasuk bagian dalam dialog awal Plato, yang mano Sokrates ikuik sato jo badebat babarapo urang tentang masalah etika sarupo panyataan apokah batua dek Socrates untuak malarikan dari panjaro.[6] Para filsuf mampatimbangkan jo maranuangkan patanyoan iko jo sampai pado kasimpulan "malarikan diri" nan malanggar sado hal nan inyo pacik dek nan labiah tinggi dari dirinyo surang: yaitu hukum Athena jo suaro pamandu nan diklaim Sokrates denga.[6]

Sokrates manetapkan fakta bahaso sasaurang indak dapek bagantung pado mereka nan "bawenang" untuak mampunyoi pangetahuan jo wawasan nan elok. Inyo manunjuakkan bahaso urang mungkin mampunyoi kakuasaan jo posisi tinggi, namun sangaik binguang jo irasional. Sokrates bapandapek bahaso bagi saurang individu untuak mampunyoi kahidupan nan elok atau mampunyoi kahidupan nan layak untuak dijalani, inyo harus manjadi pananyo nan kritis jo mampunyoi jiwa nan interogatif.[7] Inyo manatapkan pantiangnyo mangajukan patanyoan mandalam nan manyalidiki secaro mandalam ka dalam pamikiran sabelum kito manarimo gagasan sabagai sasuatu nan layak dipacayo.

Sokrates manatapkan pantiangnyo "mancari bukti, mamareso panalaran jo asumsi dengan cermat, manganalisa konsep dasar, jo manalusuri implikasi indak hanyo dari apo nan dikatokan tetapi juo dari apo nan dikarajokan".[8] Metode patanyoannyo kini dikenal sabagai "Patanyoan Sokrates" jo marupakan strategi pengajaran bapikia kritis nan paliang takenal. Dalam mode patanyoannyo, Sokrates manyoroti parlaunyo bapikia untuak kajalean jo konsistensi logis. Inyo mangajukan patanyoan kapado urang-urang untuak mangungkapkan pamikiran irasional mereka atau kurangnyo pangatahuan nan dapek diandalkan. Sokrates manunjuakan bahwa mampunyoi otoritas indak manjamin pangatahuan nan akurat. Inyo manetapkan matode mampatanyokan kayakinan, mamreso asumsi jo taliti dan mangandalkan bukti jo alasan nan masuak aka. Plato mancatat ajaran Sokrates jo manaruihkan tradisi bapikia kritis. Aristoteles jo skeptis Yunani barikuiknyo manyampurnakan ajaran Socrates, manggunokan pamikiran sistematis jo mangajukan patanyoan untuak mamastikan sipaik sabananyo dari realitas di lua caro hal-hal nan muncua dari pandangan sakileh.[9]

Sokrates manatapkan agenda untuak tradisi bapikia kritis, yaitu untuak sacaro reflektif mampatanyokan kayakinan jo panjalehan umum, jo hati-hati mambedakan kayakinan nan masuak aka jo logis dari nan—betapapun menariknyo egosentrisme asli kito, betapapun mereka malayani kapantiangan pribadi kito, betapapun nyamannyo, atau manghibua mereka mungkin—kurangnya bukti nan mamadai atau landasan rasional untuak manjamin kayakinan.

Bapikia kritis digambarkan dek Richard W. Paul sabagai garakan dalam duo galombang (1994).[10] "Galombang peartamo" dalam bapikia kritis acok disabuik sabagai 'analisis kritis' nan jelas, yaitu pamikiran rasional nan malibatkan karitik. Rinciannyo bavariasi di antaro mereka nan mandefinisikannyo. Menuruik Barry K. Beyer (1995), bapikir kritis bararti mambuek panilaian nan jeleh jo baralasan. Salamo proses bapikir kritis, ide-ide harus baralasan, dipikiakan jo caro elok, jo dinilai.[11] Dewan Nasional AS untuak Kaunggulan dalam Bapikir Kritis[12] mandefinisikan bapikir kritis sabagai "proses disiplin intelektual sacara aktif jo tarampil mangkonseptualisasikan, manerapkan, manganalisis, mansintesis, atau mangevaluasi informasi nan dikumpuakan dari, atau dihasiakan dek, pangamatan, pangalaman, refleksi, panalaran, atau komunikasi, sabagai panduan untuak kayakinan jo tindakan".[13]

Pangartian

Sacaro tradisional

Sacaro tradisional, bapikia krisis alah didefenisikan sacaro baragam sabagai barikuik:

  • "Proses mangonseptualisasikan, manerapkan, manganalisis, manyensintesis, jo mangevaluasi informasi secaro aktif jo tarampil untuak mancapai sebuah jawaban atau kasimpulan".[14]
  • "Pamikiran disiplin nan janiah, rasional, bapikiran tabuka, jo diinformasikan dek bukti".[14]
  • "Panilaian nan batujuan jo mangatur diri surang nan manghasilkan interpretasi, analisis, evaluasi, jo kasimpulan, sarato panjaleh tentang paretongan bukti, konseptual, metodologis, kriteriaologis, atau kontekstual nan manjadi dasar panilaian itu".[15]
  • "Tamasuak komitmen untuak manggunoan aka dalam parumusan kayakinan kito".[16]
  • "Katarampilan jo kacandarungan untuak ikuik sato dalam suatu kagiatan jo skeptisisme reflektif" (McPeck, 1981)".[17]
  • Bapikia tentang pamikiran sasaurang jo caro nan dirancang untuak mangatua jo mampajaleh, maningkekan efisiensi, jo manganali kasalahan jo bias dalam pamikirannyo Surang. Bapikia kritis indak bararti bapikia 'kareh', jo juo indak diarahkan untuak pamacahan masalah (salain 'maningkekan' pamikiran surang). Bapikia kritis diarahkan ka dalam yang bamukasuik mamaksimalkan rasionalitas si sipamikia. Sasaurang indak manggunokan pamikiran kritis untuak mamacahkan masalah, malainkan untuak maningkekan proses bapikianyo.[18]
  • "Panilaian badasarkan evaluasi analitis nan cermat".[19]
  • "Bapikia kritis adolah jiniah pola bapikir nan manuntuik urang untuak reflektif, jo memperhatikan caro maambiak kaputusan nan mamandu kayakinan jo tindakan mereka. Bapikia kritis mamungkinkan urang untuak manyimpuakan jo lebiah banyak logika, mamproses informasi nan canggih jo maliek babagai sisi masalah sahinggo inyo dapek manghasiakan kasimpulan nan lebiah solid".[20]
  • Bapikia kritis mampunyoi tujuah ciri-ciri kritis, yaitu nio tau taruih, bapikiran tabuka tahadok sisi nan babeda, mampu bapikia sistematis, analitis, gigiah tahadok kabanaran, pacayo diri tentang pamikiran kritis itu sendiri, jo nan terakhir, manjadi dewasa.[21]
  • Meskipun bapikia kritis dapek didefinisikan dalam babarapo caro nan babeda, ado kasapakatan umum dalam komponen utamanyo —kainginan untuak mancapai hasia nan mamuehkan, jo iko harus dicapai jo pamikiran rasional caro nan digerakkan dek hasia. Halpern bapikia bahwa bapikia kritis partama-tamo malibatkan kamampuan nan dipalajari sarupo panyalasaian masalah, paretongan, jo panerapan probabilitas nan berhasil. Iko juo tamasuak kacenderungan untuak talibat dalam proses bapikir. Baru-baru iko, Stanovich pacayo bahwa tes IQ modern hampia indak dapek mangukua kamampuan bapikia kritis.[22]
  • "Bapikia kritis pado dasarnyo adolah pandekatan mapatanyokan, manantang pangatahuan jo kabijaksanaan nan dirasokan. Iko malibatkan ide-ide jo informasi dari posisi objektif jo kamudian mampatanyokan informasi iko dalam terang nilai-nilai kito surang, sikap jo filosofi pribadi".[23]

Sacaro panalitian

Para sarjana pamikiran kritis kontemporer alah mampalaweh pamikiran kritis dalam definisi tradisional. Iko tamasuak kualitas, konsep, dan proses seperti kreativitas, imajinasi, penemuan, refleksi, empati, pengetahuan penghubung, teori feminis, subjektivitas, ambiguitas, dan indak bakajalehan. Babarapo defenisi bapika kritis mangacualikan praktik subjektif iko.[24][25]

Pangartian dek Ennis

  1. Manuruik Ennis, “Bapikir kritis adolah proses pandisiplinan intelektual untuak tarampil mangkonseptualisasikan, manerapkan, manganalisis, mansintesis, jo/atau mangevaluasi informasi nan dikumpuakan dari, atau dihasiakan dek, pangamatan, pangalaman, refleksi, panalaran, atau komunikasi, sabagai panduan pado kayakinan jo tindakan".[26] Definisi dek Ennis iko sangaik disatujui dek Harvey Siegel,[27] Peter Facione,[28] jo Deanna Kuhn.[29]
  2. Manuruik definisi Ennis, bapikir kritis mamparalukan banyak paratian jo fungsi otak. Katiko pendekatan bapikir kritis diterapkan pado pandidikan, iko mambantu utak siswa bafungsi lebiah elok jo mamahami teks sacara babeda.
  3. Bidang studi nan babeda mungkin mamaralukan jiniah pamikiran kritis nan berbeda. Bapikia kritis maagiah lebia banyak suduik jo perspektif pado materi nan samo.

Pangartian dek National Council for Excellence in Critical Thinking

Pado tahun 1987, dalam pamaparannyo di Annual International Conference on Critical Thinking and Education Reform ke-8, Michael Scriven jo Richard Paul manjalehan kalau bapikia kritis malibatkan proses nan secara aktif jo penuah kamampuan untuak mambuek konsep, manerapkan, manganalisis, manyarikan, jo mangamati sabuah masalah nan didapek ataupun diciptakan dari pangamatan, pangalaman, komunikasi jo lain sabagainyo.

Ado duo komponen nan mambantuak kamampuan bapikia kritis, yaitu:

  1. Kamampuan untuak manghasiakan jo mamproses informasi atau kapicayoan.
  2. Kabiasaan, jo badasarkan komitmen intelektual.

Pangartian dek Edward Glaser

Dalam seminar pandidikan jo pamikiran kritis pado tahun 1941, Edward Glaser manjalehan tigo hal yan nalibat at dalaa pambentukaa kemampuaapiiia kr kritis.[30]

  1. Pamahaman bapikia santun untuak satiok pamasalahan nan tibo, nan ado pado rentang pangatahuan nan diponyoi dek inyo.
  2. Pangetahuan jo kaingintahuan.
  3. Kamampuan-kamampuan lain untuak manerapkan kamampuan bapikia.

Karakteristik

Dalam artikel Using writing to develop and assess critical thinking. Teaching of Psychology,[31] Wade manjalehan bahaso ado dalapan karakteristik dalam bapikia kritis, sabagai barikuik:

  1. Kagiatan dalam marumuskan patanyoan.
  2. Malakukan pambatasan masalah.
  3. Manguji data-data nan didapek.
  4. Manganalisis babagai pandapek nan bias.
  5. Maelakan patimbangan nan sangaik emosional.
  6. Maelakan panyadaranaan nan balabihan.
  7. Mampatimbangkan babagai interpretasi.
  8. Mantaloransi ambiguitas.

Bacaan lanjutan

Buku

Pasa

Rujuakan

  1. (dalam bahaso id) Revolusi Beripikir. PT Mizan Publika. ISBN 978-979-1284-01-1. https://books.google.co.id/books?id=ARGFGTHqGlYC&pg=PT207&lpg=PT207&dq=berpikir+kritis&source=bl&ots=Vcdm9qJ8hD&sig=jCouIJ-puTzZVXD8uWYp1RHgYRE&hl=id&sa=X&ved=0ahUKEwitvteC2cDaAhWLq48KHQY8Cn04ChDoAQhBMAc#v=onepage&q=berpikir%20kritis&f=false. 
  2. "Defining Critical Thinking". www.criticalthinking.org. Diakses tanggal 2023-01-21. 
  3. Clarke, John (2019). Critical Dialogues: Thinking Together in Turbulent Times. Bristol: Policy Press. pp. 6. ISBN 978-1-4473-5097-2. 
  4. "Piaget's Stages of Cognitive Development". web.archive.org. 2019-05-09. Archived from the original on 2019-05-09. Diakses tanggal 2023-01-21. 
  5. "It's a Fine Line Between Narcissism and Egocentrism | Psychology Today". www.psychologytoday.com (dalam bahasa Inggris). Diakses tanggal 2023-01-21. 
  6. a b Visser, Jan; Visser, Muriel (2019). esc=y Seeking Understanding: The Lifelong Pursuit to Build the Scientific Mind. Leiden: BRILL. pp. 233. ISBN 978-90-04-41680-2. Https://books.google.co.id/books?id=Jm3DDwAAQBAJ&printsec=copyright&redir esc=y. 
  7. Stanlick, Nancy A.; Strawser, Michael J. (2015). Asking Good Questions: Case Studies in Ethics and Critical Thinking. Indianapolis: Hackett Publishing. pp. 6. ISBN 978-1-58510-755-1. https://books.google.co.id/books?id=qvr3BgAAQBAJ&printsec=frontcover&hl=id#v=onepage&q&f=false. 
  8. Chiarini, Andrea; Found, Pauline; Rich, Nicholas (2015). Understanding the Lean Enterprise: Strategies, Methodologies, and Principles for a More Responsive Organization. Cham: Springer. pp. 132. ISBN 978-3-319-19994-8. 
  9. "A Brief History of the Idea of Critical Thinking". www.criticalthinking.org. Diakses tanggal 2023-01-27. 
  10. Walters, Kerry (1994). Re-Thinking Reason. Albany: State University of New York Press. pp. 181–98. 
  11. Elkins, James R. "The Critical Thinking Movement: Alternating Currents in One Teacher's Thinking". myweb.wvnet.edu. Diarsipkan dari versi asli tanggal 13 Juni 2018. Diakses tanggal 27 Januari 2023. 
  12. "Critical Thinking". www.criticalthinking.org. Diakses tanggal 2023-01-27. 
  13. "Defining Critical Thinking". www.criticalthinking.org. Diakses tanggal 2023-01-27. 
  14. a b "Critical – Define Critical at Dictionary.com". Dictionary.com. Diakses tanggal 24 Januari 2023. 
  15. Facione, Peter A. (2011). "Critical Thinking: What It is and Why It Counts". insightassessment.com. hlm. 26. Diarsipkan dari versi asli tanggal 29 Juli 2013. Diakses tanggal 24 Januari 2023. 
  16. Mulnix, J. W. (2010). "Thinking critically about critical thinking". Educational Philosophy and Theory. 44 (5): 471. doi:10.1111/j.1469-5812.2010.00673.x. 
  17. Ana M. Nieto, Carlos Saiz. "Critical Thinking: A Question of Aptitude and Attitude?". Inquiry. 25. doi:10.5840/inquiryctnews20102524. 
  18. "Carmichael, K. (1997). About Critical Thinking Letter to Olivetti. Union School District Laguna Salada. - References - Scientific Research Publishing". scirp.org. Diakses tanggal 2023-01-24. 
  19. "critical analysis". TheFreeDictionary.com. Diakses tanggal 2023-01-27. 
  20. "Book Reviews and Notes : Teaching Thinking Skills: Theory and Practice. Joan Baron and Robert Sternberg. 1987. W.H. Freeman, & Co., New York. 275 pages. Index. ISBN 0-7167-1791-3. Paperback". Bulletin of Science, Technology & Society. 8 (1): 101. Februari 1988. doi:10.1177/0270467688008001113. ISSN 0270-4676. 
  21. Facione, Peter A.; Facione, Noreen C. (March 1993). "Profiling critical thinking dispositions". Assessment Update. 5 (2): 1–4. doi:10.1002/au.3650050202. ISSN 1041-6099. 
  22. Halpern, Diane F. (2006), "The Nature and Nurture of Critical Thinking", dalam Sternberg, Robert J; Roediger Iii, Henry L; Halpern, Diane F, Critical Thinking in Psychology, Cambridge University Press, hlm. 1–14, doi:10.1017/cbo9780511804632.002, ISBN 9780511804632 
  23. Judge, Brenda; McCreery, Elaine; Jones, Patrick (2009-07-28) (dalam bahaso en). Critical Thinking Skills for Education Students. SAGE. ISBN 978-1-84445-556-0. https://books.google.co.id/books?id=tGho4-SsPWEC&pg=PT8&redir_esc=y#v=onepage&q&f=false. 
  24. Walters, Kerry (1994). Re-Thinking Reason. Albany: State University of New York Press. 
  25. "Definition of critical | Dictionary.com". www.dictionary.com (dalam bahasa Inggris). Diakses tanggal 2023-01-27. 
  26. Ennis, Robert H. (2015), "Critical Thinking", The Palgrave Handbook of Critical Thinking in Higher Education, Palgrave Macmillan, doi:10.1057/9781137378057.0005, ISBN 9781137378057 
  27. Siegel, Harvey (27 September 2013). Educating Reason (edisi ke-1). doi:10.4324/9781315001722. ISBN 9781315001722. 
  28. Facione, Peter A.; Facione, Noreen C. (March 1993). "Profiling critical thinking dispositions". Assessment Update. 5 (2): 1–4. doi:10.1002/au.3650050202. ISSN 1041-6099. 
  29. Kuhn, Deanna (January 2015). "Thinking Together and Alone". Educational Researcher. 44 (1): 46–53. doi:10.3102/0013189x15569530. ISSN 0013-189X. 
  30. "Defining Critical Thinking". www.criticalthinking.org. Diakses tanggal 2023-01-28. 
  31. Wade, C. (1995). Using writing to develop and assess critical thinking. Teaching of Psychology, 22(1), 24-28.