Lompat ke isi

Kabupaten Pringsewu

Wikipedia Minangkabau - Lubuak aka tapian ilimu
Kabupaten Pringsewu
Kabupaten di Lampung, Indonesia
Landmark Pringsewu
Landmark Pringsewu

Lambang
Semboyan: Jejama Secancanan
(Bahaso Lampung: Basamo-Samo Saliang Bagandeang Tangan)
Nagara Indonesia
ProvinsiLampung
Tanggal paresmian29 Oktober 2008
Dasa hukumUU RI Tahun 2008 Nomor 48
Ari jadi3 April 2009[1]
Ibu kotaPringsewu
Pamarintahan
 • Wali KotaH. Sujadi Saddat
 • Wakil Wali KotaDr. Hi. Fauzi, S.E., M.Kom.
Laweh
 • Total625 km2 (241 sq mi)
Panduduak ((2019)[2])
 • Total404.408 jiwa
Demografi
 • EtnikEtnik asali : Urang Lampung
Etnik Pandatang : Jao, Bali, Batak, Tionghoa, dll
 • AgamoIslam 95,61%
Kristen 3,33%
- Katolik 2,20%
- Protestan 1,13%
Hindu 0,79%
Buddha 0,27%Kutipan rusak: Tag <ref> indak sah; rujuakan kosong harus ado namo
 • BahasoLampung, Jawa, Indonesia
Zona wakatuWIB (UTC+07:00)
Kode telepon0729
Jumlah kecamatan9
Jumlah kelurahan5
Jumlah desa126
DAURp 633.088.784.000,-(2017)[3]
Kode Kemendagri18.10 Edit nilai pada Wikidata
Situs webhttp://www.pringsewukab.go.id/

Kabupaten Pringsewu (Aksara Lampung: ) adolah salah satu kabupaten di Provinsi Lampung, Indonesia. Kabupaten iko disahkan manjadi kabupaten dalam Rapat Paripurna DPR tanggal 29 Oktober 2008, sabagai pamekaran dari Kabupaten Tanggamus. Kabupaten iko talatak 37 kilometer sabalah barat Bandar Lampung, ibu kota provinsi.[4]

Sijarah

[suntiang | suntiang sumber]

Kabupaten Pringsewu bamulo dari kampuang (tiuh) di tapian batang aia Way Tebu nan ditaruko urang Lampung Pubian pado taun 1738 nan banamo Margakaya. Kudian panduduak samakin rami dek program transmigrasi Hindia Ulando pado taun 1925. Pado maso itu didatangkan urang-urang Jao untuak manaruko kampuang jo parak baru di sakitar Margakaya jo mambabek utan-utan batuang nan rimbun. Dek rimbunnyo batuang di sinan, dinamokanlah kampuang tasabuik jo namo Pringsewu, nan barasa dari bahaso Jao nan aratinyo batuang saribu. Dari situlah kudian bakambang manjadi namo kecamatan inggo namo kabupaten.[5][6]

Pado taun 1936 tagak pamarintahan Kawedanan Tataan nan baribu kota di Pringsewu inggo pamarintahan iko diapuihkan pado taun 1964. Pado taun 1964 dibantuaklah pamarintahan Kecamatan Pringsewu nan manjadi bagian dari Kabupaten Daerah Tingkat II Lampung Selatan sasuai jo Undang-Undang Nomor 14 Tahun 1964, nan sabalunnyo manjadi bagian dari Kecamatan Pagelaran nan juo baribu kota di Pringsewu.[5]

Kudian Kecamatan Pringsewu basamo kecamatan lainnyo di Lampung Selatan bagian barat dimekarjkan manjadi bagian wilayah administrasi Pembantu Bupati Lampung Selatan Wilayah Kotaagung dan manjadi bagian wilayah Kabupaten Tanggamus manurik Undang-Undang Nomor 2 Tahun 1997. Barulah pado taun 2008, tabantuak daerah otonom baru nan dinamokan Kabupaten Pringsewu manuruik Undang-Undang Nomor 48 Tahun 2008.[5]

Geografi

[suntiang | suntiang sumber]

Sacaro geografis Kabupaten Pringsewu talatak di antaro 104045'25"–10508'42" BT dan 508'10"-5034'27" LS.[7]

Bateh Wilayah

[suntiang | suntiang sumber]

Bateh wilayah Kabupaten Pringsewu adolah sabagai barikuik:[7]

Utara Kecamatan Sendang Agung dan Kecamatan Kalirejo (Kabupaten Lampung Tengah)
Selatan Kecamatan Bulok dan Kecamatan Cukuh Balak (Kabupaten Tanggamus)
Barat Kecamatan Pugung dan Kecamatan Air Naningan (Kabupaten Tanggamus)
Timur Kecamatan Negeri Katon, Kecamatan Gedongtataan, Kecamatan Waylima dan Kecamatan Kedondong (Kabupaten Pesawaran)


Pamarintahan

[suntiang | suntiang sumber]

Daftar Bupati

[suntiang | suntiang sumber]
!Artikel utamo untuak bagian ko adolah: Daftar Bupati Pringsewu

Barikuik iko adolah Daftar Bupati Pringsewu dari maso ke maso.

No. Bupati Gambar Mulai jabatan Akhia jabatan Ket. Wakil
— Ir. H. Masdulhaq
Pjs. Bupati
 3 April 2009 24 Oktober 2009 [8] —
— Ir. H. Helmi Machmud
Pjs. Bupati
 24 Oktober 2009 31 Agustus 2010 [9][10] —
— H. Sudarno Eddi, SH., MH.
Pjs. Bupati
 31 Agustus 2010 23 November 2011 —
1 H. Sujadi Saddat 23 November 2011 23 November 2016 [11] Hi. Handitya Narapati SZP, SH.
— Drs. Yuda Setiawan, M.M.
Pjs. Bupati
 23 November 2016 22 Mei 2017 [12] —
2 H. Sujadi Saddat 22 Mei 2017 Petahana [13] Dr. H. Fauzi, S.E., M.Kom., Akt., CA

Dewan Perwakilan

[suntiang | suntiang sumber]
!Artikel utamo untuak bagian ko adolah: Dewan Perwakilan Rakyat Daerah Kabupaten Pringsewu

Barikuik iko adolah komposisi anggota DPRD Kabupaten Pringsewu dalam duo periode tarakhia.[14][15]

Partai Politik Jumlah Kursi dalam Periode
2014-2019 2019-2024
PKB 2 ▲ 6
Gerindra 6 ▼ 5
PDI Perjuangan 7 ▼ 5
Golkar 6 ▲ 7
NasDem 3 ▼ 2
PKS 3 ▲ 4
PPP 3 ▼ 2
PAN 6 ▼ 5
Demokrat 3 ▲ 4
Lambang PKPI PKPI 1 ▼ 0
Jumlah Anggota 40 Steady 40
Jumlah Partai 10 ▼ 9


Kecamatan

[suntiang | suntiang sumber]
!Artikel utamo untuak bagian ko adolah: Daftar kecamatan dan kelurahan di Kabupaten Pringsewu

Kabupaten Pringsewu tadiri dari 9 kecamatan, 5 kelurahan, jo 126 pekon (desa). Pado taun 2017, jumlah panduduaknyo mancapai 421.180 jiwa jo laweh wilayah 625,00 km² dan sebaran panduduak 673 jiwa/km².[16][17]

Daftar kecamatan dan kelurahan di Kabupaten Pringsewu, adolah sabagai barikuik:

Kode
Kemendagri		 Kecamatan Jumlah
Kelurahan		 Jumlah
Pekon		 Status Daftar
Pekon/Kelurahan
18.10.07 Adiluwih 13 Pekon
18.10.03 Ambarawa 8 Pekon
18.10.06 Banyumas 11 Pekon
18.10.02 Gading Rejo 23 Pekon
18.10.05 Pagelaran 22 Pekon
18.10.09 Pagelaran Utara 10 Pekon
18.10.04 Pardasuka 13 Pekon
18.10.01 Pringsewu 5 10 Pekon
Kelurahan
18.10.08 Sukoharjo 16 Pekon
TOTAL 5 126

Panduduak

[suntiang | suntiang sumber]

Manuruik Sensus Panduduak taun 2020, Kabupaten Pringsewu diuni dek 405.466 jiwa jo laju patumbuahan panduduak dalam 10 taun yaitu 9,58%. Kapadatan panduduaknyo 648,75 jiwa/km2 dalam wilayahnyo nan hanyo 625 km2, mambuek kabupaten iko manjadi kabupaten paliang ketek dan juo paliang rami di Provinsi Lampung.

Panduduak Kabupaten Pringsewu barasa dari baragam etnis. Etnis asali nan mauni kabupaten iko adolah urang Lampuang, baiak dari Lampuang Pepadun (dari urang Pubian) ataupun Lampuang Saibatin (Pesisir). Populasinyo kini hanyo manjadi minoritas paliang gadang, sainggo hanyo rami di babarapo desa jo kecamatan di Pringsewu. Urang Pubian, ciek suku dalam dalam adat Pepadun, manjadi komunitas partamo nan manaruko kampuang di Pringsewu, yaitu di Margakaya.[6] Samantaro urang Lampuang Saibatin mauni Kecamatan Pardasuka, Pringsewu.[18] Salain urang Pubian jo Pesisir, adopulo komunitas urang Lampuang lainnyo cando urang Krui nan manaruko Desa Waya Krui, Kecamatan Banyumas, Pringsewu.[6] Urang-urang Lampuang di Pringsewu mamakai bahaso Lampuang Api katiko mangecek ka sasamonyo dan babahaso Indonesia ka etnis lainnyo.

Etnis Jao adolah etnis nan paliang banyak populasinyo di Kabupaten Pringsewu. Mulonyo dalam rangka program transmigrasi, pamarintah Hinda Ulando mambaok urang Jao dari Karesidenan Kedu, Jawa Tengah dan diiagiah lahan di Gedong Tataan (kini masuak Kabupaten Pesawaran) pado taun 1905. Pado taun 1925, populasi urang Jao nan samakin rami mambuek sabagian urang Jao dari Gedong Tataan manaruko kampuang baru di dakek Margakaya nan alah labiah dulu diuni urang Lampuang Pubian. Kampuang nan ditaruko partamo kali itu banamo Pringsewu.[19] Samanjak itu populasi urang Jao samakin rami di kabupaten iko, ditambah galombang transmigrasi urang Jao nan taruih balanjuik inggo zaman Orde Baru.[5] Banyak kampuang (desa) nan ditaruko dan manggunokan panamoan-panamoan dalam bahaso Jao.[20][6] Dalam kasahariannyo, urang Jao mangecek jo bahaso Jao. Bahaso Jao nan digunokan di Pringsewu tadiri dari babarapo dialek manuruik asa usua niniak muyangnyo di Pulau Jao. Dari hasia panalitian di taun 2017, bahaso Jao di Pringsewu alah maalami babagai inovasi leksikal.[21]

Adopulo etnis-etnis lain nan jumlahnyo saketek di kabupaten iko, antaro lain urang Sunda, Minangkabau, Semendo, Kisam, Komering, dan etnis-etnis pandatang lainnyo. Urang Sunda marupokan etnis nan ikuik dalam program transmigrasi pamarintah. Urang Sunda mulai mauni Pringsewu sajak taun 1952 dan pado maso itu didatangkan dari Kabupaten Bandung, Jawa Barat. Babarapo kampuang nan ditaruko dek urang Sunda antaro lain Pekon Sukamulya, Banyumas; Desa Siliwangi, Sukoharjo; jo Desa Bandung Baru, Adiluih.[20]

Rujuakan

[suntiang | suntiang sumber]
  1. ↑ Sejarah Pringsewu Archived 2021-07-26 di Wayback Machine.. Diakses 23 Juni 2014.
  2. ↑ "Kabupaten Pringsewu Dalam Angka 2020". www.pringsewukab.bps.go.id. Diakses tanggal 24 April 2020. 
  3. ↑ "Rincian Alokasi DAU Murni T.A. 2017" (PDF). Diarsipkan dari versi asli (PDF) tanggal 2018-08-26. Diakses tanggal 2021-07-26. 
  4. ↑ Rapat Paripurna DPR[pranala nonaktif permanen]
  5. ↑ a b c d Pringsewu, Kabupaten. "Halaman - Sejarah Kabupaten Pringsewu". Website Resmi Kabupaten Pringsewu (dalam bahasa Indonesia). Diarsipkan dari versi asli tanggal 2021-07-27. Diakses tanggal 2021-07-27. 
  6. ↑ a b c d Suprayogi, 2016. Toponim Desa-desa di Kabupaten Pringsewu. Seminar Nasional Toponimi "Toponimi dalam Perspektif Ilmu Budaya". Jakarta. 3 November 2016: 252-265.
  7. ↑ a b Gambaran Umum Archived 2014-09-20 di Wayback Machine.. Diakses 24 Juni 2014.
  8. ↑ "Sejarah Kabupaten Pringsewu". pringsewukab.go.id. Kabupaten Pringsewu. Diarsipkan dari versi asli tanggal 2017-09-15. Diakses tanggal 7 Oktober 2017. 
  9. ↑ "Gubernur Lampung Lantik Empat Pejabat Bupati". tempo.co. Tempo.co. 24 Oktober 2009. Diakses tanggal 7 Oktober 2017. 
  10. ↑ "Ganti Wendy, Basry Dilarang Me-rolling". issuu.com. Radar Lampung. 4 Agustus 2010. Diakses tanggal 7 Oktober 2017. 
  11. ↑ "Sujadi dan Handitya Resmi Jabat Bupati dan Wakil Bupati Pringsewu". www.bandarlampungnews.com. BandarLampungNews.com. 23 November 2011. Diarsipkan dari versi asli tanggal 24 June 2021. Diakses tanggal 7 Oktober 2017. [pautan nonaktif salamonyo]
  12. ↑ "(VIDEO) Yuda Setiawan Jabat Pj Bupati Pringsewu". lampung.tribunnews.com. Tribunnews.com. 23 November 2016. Diakses tanggal 7 Oktober 2017. 
  13. ↑ "Wakil Bupati Terpilih Pringsewu Mengaku Lakukan 2 Hal Ini Jelang Pelantikan". lampung.tribunnews.com. Tribunnews.com. 21 Mei 2017. Diakses tanggal 7 Oktober 2017. 
  14. ↑ "Perolehan Kursi DPRD Pringsewu 2014-2019". Diarsipkan dari versi asli tanggal 2022-09-11. Diakses tanggal 2021-07-27. 
  15. ↑ "Perolehan Kursi DPRD Pringsewu 2019-2024". Diarsipkan dari versi asli tanggal 2023-04-15. Diakses tanggal 2021-07-27. 
  16. ↑ "Peraturan Menteri Dalam Negeri Nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli tanggal 29 Desember 2018. Diakses tanggal 3 Oktober 2019. 
  17. ↑ "Peraturan Menteri Dalam Negeri Nomor 72 Tahun 2019 tentang Perubahan atas Permendagri nomor 137 Tahun 2017 tentang Kode dan Data Wilayah Administrasi Pemerintahan". Kementerian Dalam Negeri Republik Indonesia. Diarsipkan dari versi asli (PDF) tanggal 25 Oktober 2019. Diakses tanggal 15 Januari 2020. 
  18. ↑ Mualifah, Siti (2015-12-14). "Mengintip Potensi Budaya Lampung Sai Batin di Pardasuka Pringsewu". Jejamo.com (dalam bahasa Indonesia). Diarsipkan dari versi asli tanggal 2021-07-29. Diakses tanggal 2021-07-29. 
  19. ↑ Astri Kurnia Dewi, 1313033014 (2017-10-30). "MASYARAKAT KOLONIS JAWA DI PRINGSEWU TAHUN 1925-1945". digilib.unila.ac.id. Diarsipkan dari versi asli tanggal 2021-07-29. Diakses tanggal 2021-07-29. 
  20. ↑ a b Khoiriyah, Febriana; Fahri, Ardian; Bramantio, Bimo; Sumargono, Sumargono (2019-07-19). "Sejarah Toponimi Daerah Transmigrasi Provinsi Lampung Melalui Tuturan Tradisi Lisan". AGASTYA: JURNAL SEJARAH DAN PEMBELAJARANNYA (dalam bahasa Indonesia). 9 (2): 221–240. doi:10.25273/ajsp.v9i2.4419. ISSN 2502-2857. 
  21. ↑ Kurniawati, Desi (2017-01-30). "INOVASI LEKSIKAL BAHASA JAWA DI KABUPATEN PRINGSEWU LAMPUNG". JURNAL PESONA (dalam bahasa Inggris). 3 (1). doi:10.26638/jp.303.2080. ISSN 2356-2072. Diarsipkan dari versi asli tanggal 2021-07-29. Diakses tanggal 2021-07-29. 
Diambiak dari "https://min.wikipedia.org/w/index.php?title=Kabupaten_Pringsewu&oldid=3151868"