Bretonsk
| Bretonsk | ||
Tweaspröakige reechtigesböarde in Kemper.
| ||
| Språke | Brezhoneg | |
| Andere namen | Breton (Fraansk en Engels) | |
| Land | Fraankriek | |
| Gebeed | Bretanie | |
| Antal spreakers | önnevear 200,000 | |
| Språkindeyling | Indo-Uropees
| |
| Skrivt | t Latiense alfabet | |
| Status | nich erkend deur de Fraanske oawerheaid | |
| ISO 639-1 | br | |
| ISO 639-2 | bre | |
| ISO 639-3/DIS | bre | |
t Bretonsk (Brezhoneg) is ne Keltiese sproake dee kuiert word in Bretanje (Bretonsk: Breizh, Fraansk: Bretagne). t Bretonsk is een van de Brythoniese sproakn, de oandre dree zeent t Kornies en t Kumries. t Wordn deur de Britonn van Groot-Brittanje met-ebracht op Armorika an. t Bretonsk liekt t meast op Kornies, woarmet t zoo ongevear 75% van n basiswöardeskat met geliek hef.
t Wordt nu-an-n-dag deur de UNESCO as ne earnstig bedreaigde sproake ezeen. t Is een van de drea sproakn in Bretanje, noast t Fraansk en t Gallo.
t Grötste deel van de sprekkers woont in t westn van t skiereilaand en laanks de lienn op Plouha in t noordn en Muzilheg in t zuudn an. Det gebeed steet bekeand onner n naam Leag-Bretanje.
Seends 1990 wordn de sproake noa ne tied van onnerdrökkige wear t nieje leawn edoan. Dr kömn kampanjes en de sproake wordn wear vakerder ebruukt biej inlichtigen, op de televisie en op de radioo, t dägeliks leawn en zoo wieter. Ya d'ar Brezhoneg (Joa teagen t Bretonsk) is ne kampanje dee in 2001 deur t Ofis ar Brezhoneg an-evöngn wordn. Disse kampanje löp nog aait. Et gef ook n spealdke vuur sprekkers van t Bretonsk um mekoar te herkennen, Spilhennig neumd.
Net zoo as in völle oandere meenderheaidssproakn zeent dr n antal intearne ruzies oawer dinge as de skriefwieze of n goodn uutsproak, moar oawer de leste joarn is t elukt um t grötste deel van disse ruzies op te lösn en hebt ze nu-an-n-dag ok wal nen vörm van ne offisjeale skriefwieze, t Peurunvan. Moar ok disse skriefwieze hef nich alle sprekkers achter zik, en dr zeent ok non de Falc'huneg- en Etrerannyezhel-skriefwiezes.