Jan Peter Balkenende

Jan Pieter Balkenende (roopnaam Jan Peter) (Biezelinge, gemeente Kapelle (gemeente), 7 mäi 1956) is nen pollitieker vuur t CDA en van 22 juli 2002 töt 20 februwoari 2010 minister-president van Neerlaand. Töt an de laandelike verkiezings van 9 juni 2010 was he "demissionair".

Balkenende gröaiden op in Zeelaand. Hee maken t atheneum of an t Ostrea Lyceum in Goes en studeren of an de Vrieje Universiteat van Amsterdam (VU) op Geskiedenisse en Neerlaands recht. zinnen pollitieken loopbaan begun in Amstelvenne, woer't he van 1982 töt 1998 in de gemeenteroad zat. In dee tied halen he ook zinnen doktorsbul in de rechtsgeleardheaid en wör he halftied biezeunder hooglearer christelijk sociaal denken an de VU, wat he töt zinne inwieding as minister-presideant in 2002 bleef doon.

In 1998 köm he in de Tweede Kamer te zitten. In 2001 wör he fraksievuurzitter en liesttrekker van t CDA, en joar der op wör he minister-president van Kabinet Balkenende I. Noa at beaide Kabinet Balkenende I en Kabinet Balkenende II umme völlen warren, en t kortbestoande Kabinet Balkenende III duur nieje verkiezings al noa n poar moand wier demissionear wör, wör he op 22 februwoari in ewiedt as premier van t Kabinet Balkenende IV. In 2010 völ ook dit veerde kabinet umme, noa verskel oawer t besluut of Neerlaand wal met har munn doon met n oorlog in Afganistan en of ze nog aait de soldoaten in Uruzgan munn loaten. Vuur de kommende verkiezings zal Balkenende wier liesttrekker vuur t CDA wean.

Van anvang an völ Balkenende op duur zinne oeterlike kenmoarken, vuural zin hoar en zin bril. Doarmet har he al vlot n bienamen Harry Potter te pakken. Eerst maken Balkendende doar makkelik gebroek van duur der zelf an met te spöllen. Kört noa de start van ne normen-en-weardes-aksie in Rotterdam zea he det zin bekeandheaid was too enömmen duur de filmindustrie. Hee verteelden zelf det n keend van kunnigheaid um har vroagen of he de vaa van Harry Potter was, en leut zelfs ne foto nemmen van um en Harry Potter, met as oonderskrift: "Zeukt de verskillen". Disse zelfspot maken um in korten tied onmeundig bekeand en geleefd. Later wör n bienamen Harry Potter duur zinne polletieke tegenstaanders oawer enömmen.

Oetgoande verbeendige

Prof.Dr. J.P. (Jan Peter) Balkenende, Parlement.com