Rhenen

	Gemaente Rhenen
(Vlagge van Rhenen)	(Waopen van Rhenen)
	; Lokatie van de gemeante Rhenen
	Informasie
Proveensie	Utrecht
Heufdplaatse	Rhenen
	Geografie en bevolking
Öppervlakte; - Laand; - Water	42,99 km²; 41,71 km²; 1,28 km²
Inwonners; Bevolkingsdichtheid	18.441 (1 juli 2006); 442 inw./km²
Koordinaten	51° 57′ N, 5° 34′ O
	Aoverig
Belangrieke verkeersaoders	N225, N233
Netnummer	033
Postkode	0317 - 0318
	Offisiële webstie www.rhenen.nl

Rhenen is ne stad en gemeente in de Nederlandse previnsie Utrecht en hef een oppervlakte van 42,99 km² (woarvan 1,28 km² water).

Aandere darpen

Achterbarg, Elst, Laarend.

Noa de herindealing van de gemeenten Amerongen, Doorn, Dreebargen-Riesenburg, Leersum en Maarn vanof 1 januari 2006 tot de ni-je gemeente Utrechtse Heuvelrug beheurt ok et Amerongse deel van Elst tot de gemeente Rhenen.

Geskiednis

Rhenen verkreg in de 13de eeuwe stadsrechten noadat de plaatse in 855 as 'Villa Rheni' (Landgood an den Rien) veur et eerst wodden eneumd.

In de Middeleeuwn was Rhenen et meest veuruut-eskoaven steunpunte van den biskop van Utrecht in zienen veurtdurenden stried teggen den graaf, later hartogen, van Gelre. Den biskop bezat hier et kasteel Ter Horst, dat uutendelek in 1543 wierd of-ebrokken. Noa de centroalisatie van et laandsbestuur deur keizer Karel V blef Rhenen eeuwnlange ne rösteg garnizoonsstadjen, dat as ene van de vief steaden van et Sticht ne bescheiden rolle spölden in et bestuur van et gewest. In de 17de eeuwe had den verdreaven könning Frederik V van de Palts n zommerverblief in Rhenen.

In mei 1940 wierd der dufteg evochten bi-j Rhenen tussen Duutsers en Nederlaanders tiedens den Slag bi-j den Grebbebarg. De stad Rhenen wierd doarbi-j grotendeals verwoost. Den wederopbouw wödden nog tiedens den kriege edoan.

In 2008 veerden de stad eur 750-joarige bestoan.

Bezeensweerdeg

de bekende Cunerakarke, ne laat-gotiese hallenkarke. Den toorn is ene van de mooiste veurbeeldn van de laat-gotiek in Nederlaand, zi-j is ebouwd tussen 1492-1531.
ni-jerwetse Rooms-Kattelieke Karke Gedechteniskarke, ebouwd tussen 1958-1959.
gebouw 'De Brakke' uut 1787
restanten van de middeleeuwse stadsmure (14de eeuwe).
De Binnenmölle, ne ronden stenen koornmölle uut 1893.
laandgood Prattenburg
De militaire begroafploatse op den Grebbebarg