Avram Hershko

Avram Hershko (1994)

Avram Hershko (hebrääsch אברהם הרשקו; * 31. Dezember 1937 as Ferenc Herskó in Karcag, Ungarn) is en völfak uttekent israeelsch Biochemiker un Chemienobelpriesdräger vun ungaarsch-jöödsch Herkunft.

Hershko un sien Familie hebbt den Holocaust överleevt. Sien Grootöllern vun sien Moders Siet sünd aber in' Holocaust tosommen mit ca. 360.000 ungaarsch Jöden vun Karcag verschwunden. Hershko is 1950 ut Ungarn nah Israel utwannert. 1969 kreeg he an de Hadassah Medical School vun de Hebrääsch Universität Jerusalem sien Doktertitel. To Tiet is he Perfesser an dat Rappaport Family Institute for Research in Medical Sciences an dat Technion (Israel Institute of Technology) in Haifa, Israel.

Utteknungen

He kreeg ünner annern 1994 den Israel-Pries, 1999 en Gairdner Foundation International Award, 2000 den Albert Lasker Award for Basic Medical Research un den Alfred P. Sloan, Jr. Prize, 2001 den Massry-Pries un den Louisa-Gross-Horwitz-Pries, 2002 de E. B. Wilson Medal as ok 2004 den Nobelpries för Chemie för dat Opdecken vun de Ubiquitin-stüert Protein-Degeneratschoon, tosommen mit Aaron Ciechanover un Irwin Rose.

Weblenken

Avram Hershko. Mehr Biller, Videos oder Audiodateien to’t Thema gifft dat bi Wikimedia Commons.

• Avram Hershko up de Siet vun den Nobelpries (engelsch)