Bangui
Bangui is de Hööftstadt vun de Zentraalafrikaansche Republiek un hett 684.190 Inwahners (Stand 1. Januar 2005). De Stadt is dat politisch, wertschaplich un kulturelle Zentrum vun dat Land.
Geographie
[ännern | Bornkood ännern]De Stadt liggt in’ Süüdwesten vun dat Land an de Stroom Ubangi an en Stä, wo mehrere Stroomschnellen de kommerziell Schippfahrt stroomupwärts inschränken. De Ubangi bildt an disse Stä de Grenz tüschen de Zentraalafrikaansche Republik un de Demokraatsche Republiek Kongo.
Historie
[ännern | Bornkood ännern]De Stadt wurr 1889 as Verwaltenszentrum för dat franzöösch Kolonialterritorium Ubangi-Chari grünnd un bleev 1960, as de Zentraalafrikaansche Republiek unafhängig wurr, Hööftstadt.
In’ März 1986 is en franzöösch Kampffloogtüüch över bewahnt Rebeet afstört. Dorbi sünd 35 Minschen to Dood kommen.
Wertschap
[ännern | Bornkood ännern]Wichtig Wertschapstwieg vun de Stadt sünd de Textilindustrie, de Produktschoon vun Lebensmiddel, Beer, Säften, Gemüse un Seep. Exporteert weern Demanten un Holt.
Besünners antokieken
[ännern | Bornkood ännern]Typisch för Bangui sünd de breed Straaten, den Stadtmiddelpunkt bildt de Place de la Republique. Dor gifft dat ok en Triumphbogen vun de ehmalig Kaiser Bokassa in’ röömschen Stil. Ebenfalls wat besünners is de Markt un de Avenue Boganda, beid wohre Tummelplätze vun dat afrikaansch Leven.
Söhns un Döchter vun de Stadt
[ännern | Bornkood ännern]- Jean-Bédel Bokassa, Präsident un later henn Keiser
- Élie Doté, Politiker un Premierminister
- André Kolingba, Staatspräsident
- Nathalie Tauziat, ehmalige Tennisspelerin
Koordinaten:4° 22′ N, 18° 35′ O