Benjamin Roy Mottelson

Ben Mottelson, Kopenhagen 1963

Benjamin Roy Mottelson (* 9. Juli 1926 in Chicago; † 13. Mai 2022) weern en US-amerikaansch-däänsch Physiker un Nobelpriesdräger.

Nahdem he in de Tweete Weltkrieg to en Trainingsprogramm för Offiziere an de Purdue University afkommandeert weer, hett he dor 1947 sien Bachelor-Afsluss makt un hett dornah wieder an de Harvard University studeert, wo he 1950 bi Julian Seymour Schwinger in Karnphysik sien Doktertitel kreegen hett. Af 1950 gung he as Postdoc nah Kopenhagen, wo sien lang Kooperation mit Aage Niels Bohr anfung. 1957 wurr he Perfesser an dat nee grünnd Physikinstitut Nordita, dat „Noordisch Institut för Theoretische Atomphysik“ in Kopenhagen.

He kreeg 1975 tosommen mit Aage Niels Bohr un James Rainwater de Physik-Nobelpries „för dat Opdecken vun de Verbindung tüschen kollektiver un Deelken-Bewegung in Atomkarns un de Entwicklung vun de Theorie vun de Struktur vun Atomkarns footend up disse Verbindung “.

Mottelsen weer tweemal verheiraadt un harr ut sien eerst Ehe 3 Kinner.

Weblinks

• Autobiographie up de Siet vun de Nobelpries
• Mottelson in de Düütsch Nationalbibliothek