Hüll
Dit Woort hett noch annere Bedüden: kiek dorför ünner Hüll (Mehrdüdig Begreep).
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | 769 (31. Dezember 2011) | |
| Postleettall: | 21706 | |
| Vörwahl: | 04775 | |
| Geograafsche Laag: | Koordinaten:53° 42′ N, 9° 17′ O53° 42′ N, 9° 17′ O | |
|
| ||
Hüll is en Dörp in de Gemeen Drochters in’n Landkreis Stood in Neddersassen. Bi Hüll flütt de Oost langs.
To Hüll höört de Delen Böver- un Nedderhüll, Gehren, Rönndiek, Draakenstieg, Hüller Sietwenn un Neestadt.
Geografie
[ännern | Bornkood ännern]Hüll liggt in Keden in dat Kedener Moor. Dat Water flütt över de Rönn af na de Oost. De Wischhobener Süderelv liggt üm un bi fiev Kilometer in’n Noordoosten, de Hauptstroom von de Elv is acht Kilometer weg.
De Naveröörd sünd Neelannermoor in’n Noorden, Wulfsbrokermoor un Doornbuschermoor in’n Noordoosten, Nindörpermoor un Theisbrüggermoor in’n Oosten, Aschhoorn, Aschhoornermoor un Drochtersermoor in’n Süüdoosten, Neeland un Grootweurn in’n Süden, Olendörp in’n Westen un Schüttdamm in’n Noordwesten.
Historie
[ännern | Bornkood ännern]Vör 1852 weer Hüll in dat Amt Himmelpoorten, is denn aver 1852 Deel von dat Amt Oosten worrn. 1885 is dat Deel von’n Kreis Neehuus worrn, 1932 denn aver tohoop mit Neeland un Grootweurn na’n Landkreis Stood wesselt.
Den 1. Juli 1972 is de ole Gemeen Hüll mit de Gemeen Drochters tohoopleggt worrn. En Wapen föhrt dat Dörp nich.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 168 Füürsteden |
| 1848[2] | 991 Lüüd, 190 Hüüs |
| 1858[3] | 1.009 |
| 1. Dezember 1910[4] | 953 |
| 1925[5] | 846 |
| 1933[5] | 769 |
| 1939[5] | 730 |
| 31. Dezember 2011 | 769 |
Religion
[ännern | Bornkood ännern]Hüll is evangeelsch-luthersch präägt un höört to dat Kaspel von de Petrus-Kark in Oosten.
För de Kathoolschen is de Hillig-Geist-Kark in Stood tostännig.
Kultur
[ännern | Bornkood ännern]In Hüll geev dat dat ABC Bildungs- und Tagungszentrum. Dat ABC is en Dreger vun de politische Bildung mit egen Tagungshuus in Hüll. [6]In Hüll geev dat oog den KunstRaum Drochtersen. Aver de Dregervereen müss 2010 Insolvenz anmellen.[7] In Nedderhüll hett de Heimatvereen 1992 den Heimathoff köfft. Dat is ene Buursteed mit 1,5 Hektar Land. Dat Huus is vun 1850 un en richtig oolt Neddersassenhuus mit Kruppschüün.
Theater
[ännern | Bornkood ännern]De Hüller Theoterspeelers sünd ene Theatergrupp in Hüll, se sorgt för en beten Hüllywood in’t Dörp.
Verenen
[ännern | Bornkood ännern]Hüll hett en Schüttenvereen, de 1902 grünnt worrn is.
Weertschop un Infrastruktur
[ännern | Bornkood ännern]De freewillige Füürwehr Hüll is an’n 10. September 1934 grünnt worrn. Vörher hett de Oort to de Füürwehrmannschop von dat Kaspel Oosten mit bihöört.
Verkehr
[ännern | Bornkood ännern]De nächste Bahnhoff is in Hemmoor an de Nedderelvbahn von Cuxhoben na Hamborg, wat so bi teihn Kilometer weg is.
Scholen
[ännern | Bornkood ännern]Hüll hett blots noch en Kinnergoorn för 25 Kinners in’t Dörp. De Kinner ut’n Oort gaht na de Grundschool Doornbusch op School.
Footnoten
[ännern | Bornkood ännern]- ↑ C. H. Jansen: Statistisches Handbuch des Königreichs Hannover. 1824, Sied 306: http://books.google.de/books?id=tG0AAAAAcAAJ&pg=PA306
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 145: http://books.google.de/books?id=eOI-AAAAcAAJ&pg=PA145
- ↑ Franz Heinrich Ungewitter: Neueste Erdbeschreibung und Staatenkunde. 1858, Sied 420: http://books.google.de/books?id=ZkoNAQAAIAAJ&pg=PA420
- ↑ http://www.gemeindeverzeichnis.de/gem1900/gem1900.htm?hannover/neuhaus.htm
- ↑ a b c http://www.verwaltungsgeschichte.de/stade.html
- ↑ ABC Bildungs- und Tagungszentrum e.V. Afropen an’n 22. August 2024 (de-DE).
- ↑ Bankrott: KunstRaum Hüll schließt, Hamburger Abendblatt von’n 20. Januar 2010
Weblenken
[ännern | Bornkood ännern]- Websteed över Hüll (hoochdüütsch)
- Websteed över De Hüller Theoterspeeler (hoochdüütusch)