Karkwarder

Wapen/Flagg

Koort

Basisdaten

32,3 km²

9.341 (2014-12-3131. Dezember 2014)

Inwahnerdicht:

289,2 Inwahners pro km²

Postleettall:

21037

Vörwahl:

040

Geograafsche Laag:

Koordinaten:53° 25′ N, 10° 12′ O53° 25′ N, 10° 12′ O

Grenzen bi OSM:

402769

Koort von de Veerlannen, herstellt 1789 bet 1796 ünner Gustav Adolf von Varendorf

Karkwarder (hoochdüütsch Kirchwerder) is en Stadtdeel in’n Bezirk Bardörp, Stadt Hamborg. Dat liggt in de Veerlannen.

To’n Stadtdeel höört blangen Karkwarder sülvs ok Fiefhusen, Wraust, Hoow, Browisch, Riepenborg, Krauel un Tollenspieker to.

Historie

De Naam Karkwarder kummt 1217 as Insula Kercwerdere toeerst in de Oorkunnen vör. Aver al vörher keem de Oort 1158 in en Oorkunn vör. Do hett dat noch Remerswarder heten.

Dat Hartogdom Bruunswiek-Lümborg hett bi Karkwarder de Borg Riepenborg anleggt, de 1296 toeerst in de Oorkunnen opdükert. De Borg schull de Tollstatschoon Tollenspieker un de Tollenspieker Fähr schulen.

In’n Eersten Weltkrieg sünd 222 Soldaten ut Karkwarder fullen oder vermisst un in’n Tweten Weltkrieg 403.^[1]

Verwaltungsgeschicht

1420 is dat Rebeed in’n Besitt von de beiden Städer Hamborg un Bremen kamen. Liekers hebbt enkelte Enklaven jümmer noch to Lümborg un later to dat Königriek Hannover (na 1814) un de prüüßsche Provinz Hannover (na 1867) höört. 1868 hett Lübeck sien Rechten an dat Rebeed an Hamborg verköfft.

In de Franzosentied von 1811 bet 1814 hett de Oort de Mairie Karkwarder in’n Kanton Bardörp billt. Dat Rebeed hett in disse Tied von 1811 bet 1814 to dat Franzöösche Kaiserriek ünner Napoleon höört.

De hannöversche Deel von’n Oort hett vör 1852 de Vaagdie Karkwarder in dat Amt Horborg billt. 1852 is Karkwarder in dat Amt Winsen wesselt. Na 1885 weer dat in’n Kreis Winsen. 1932 is dat Deel von’n Kreis Horborg worrn. Mit dat Groot-Hamborg-Gesett von 1937 sünd denn de prüüßschen Delen von Karkwarder mit de hambörgschen vereent worrn.

Inwahnertall

Allens tohoop:

Johr	Inwahners
1812-00-001812^[2]	2.718
2014-12-3131. Dezember 2014	9.341

Hannöverschen Deel:

Johr	Inwahners
1793-00-001793^[3]	35 Füürsteden
1824-00-001824^[4]	56 Füürsteden
1848-00-001848^[5]	399 Lüüd, 57 Hüüs
1871-12-011. Dezember 1871^[6]	350 Lüüd, 58 Hüüs
1910-12-011. Dezember 1910^[7]	569

Religion

Karkwarder is evangeelsch-luthersch präägt un billt mit de Severini-Kark en egen Kaspel.

För de Kathoolschen is de St.-Marien-Kark in Bardörp tostännig.

Kultur

In Karkwarder steiht en Denkmaal för de Fullenen ut de twee Weltkrieg’.

Lüüd

De Ünnernehmer Johann Heinrich Dräger is 1847 in Karkwarder boren un de Bibliothekar Ferdinand Heinrich Grautoff 1789. De Bröder Heinrich Julius un Johann Clemens Tode sünd 1733 un 1736 in Tollenspieker boren.

Footnoten

↑ http://www.denkmalprojekt.org/dkm_deutschland/hh-kirchwerder_wk1u2.htm
↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 43: http://books.google.de/books?id=Q 5OAAAAcAAJ&pg=PA43
↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 127: https://books.google.de/books?id=jN5QAAAAcAAJ&pg=RA1-PA127
↑ C. H. Jansen: Statistisches Handbuch des Königreichs Hannover. 1824, Sied 332: http://books.google.de/books?id=tG0AAAAAcAAJ&pg=PA332
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132
↑ http://www.gemeindeverzeichnis.de/gem1900/gem1900.htm?hannover/winsen.htm

Weblenken

Karkwarder. Mehr Biller, Videos oder Audiodateien to’t Thema gifft dat bi Wikimedia Commons.

Hamborger Stadtdelen

[1] ttp://www.denkmalprojekt.org/dkm_deutschland/hh-kirchwerder_wk1u2.htm

[Lasius-2] Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 43: http://books.google.de/books?id=Q 5OAAAAcAAJ&pg=PA43

[InwahnertallRef1-3] C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 127: https://books.google.de/books?id=jN5QAAAAcAAJ&pg=RA1-PA127

[Jansen-4] C. H. Jansen: Statistisches Handbuch des Königreichs Hannover. 1824, Sied 332: http://books.google.de/books?id=tG0AAAAAcAAJ&pg=PA332

[HarseimSchlüter-5] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93

[GemeindenundGutsbezirke-6] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132

[InwahnertallRef5-7] ttp://www.gemeindeverzeichnis.de/gem1900/gem1900.htm?hannover/winsen.htm

[1]

[2]

[3]

[4]

[5]

[6]

[7]