Tiss

Wapen/Flagg

Koort

Basisdaten

Bundsland: Neddersassen

Landkreis: Rodenborg (Wümm)

Samtgemeen: Zittens

Flach:

23,85 km²

Inwahners:

891 (31. Dezember 2023)

33 m över de See

27419

04282

Koordinaten:53° 17′ N, 9° 32′ O53° 17′ N, 9° 32′ O

Grenzen bi OSM:

1079023

Gemeenslötel:

03 3 57 048

Öörd in de Gemeen:

2

Börgermeester:

Christian Glattfelder (SPD)

Websteed:

www.sittensen.de

Koort

Kreis

Tiss is en Oort un Gemeen in de Samtgemeen Zittens in’n Landkreis Rodenborg (Wümm) mit 891 Inwahners (Stand 31. Dezember 2023). Neven den Oort Tiss höört to de Gemeen ok de Oortsdeel Borgzittens.

Geologie

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Rodenborg (Wümm) beschreven un kann dor naleest waarn.

Historie

Religion

Tiss is evangeelsch-luthersch präägt un höört to dat Kaspel von de Dionysius-Kark in Zittens.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Politik

Gemeenraat

De Gemeenraat vun Tiss sett sik – den Börgermeester inslaten – ut negen Lüüd tohopen. De letzte Kommunalwahl weer 2016:

Partei	2016	2011	2006	2001
CDU	—	–	1	1
SPD	—	–	3	2
WG Tiss	9	9	4	6

Wapen

Dat Wapen vun de Gemeen Tiss wiest en sülvern Ekenboom, de ut den sülvern Schildbagen wassen deit, vör en roden Achtergrund. Vör de Eken steiht en in blau kleedten Hunnertschapsrichter, de sik op en Swert stütten deit un in de rechten Hand en goldenen Staff hooch hollt.

Weertschop un Infrastruktur

Verkehr

De Gemeen Tiss liggt ganz in’n Oosten vun den Landkreis Rodenborg (Wümm) an de Grenz to den Landkreis Horborg. In’n Noorden liggt de Gemeen Kalf un in’n Westen grenzt de Gemeen an Zittens. Na Süden slutt sik de Samtgemeen Fintel mit de Gemeen Stemmen an.

Dör Tiss un Borgzittens löppt de L 142, de Zittens mit Wist in’n Landkreis Horborg verbinnen deit. Dor besteiht Ansluss an de B 75 (Bremen–Hamborg). Nich wiet weg vun Wist kummt een dor na Töst, wat vun Tiss ut de neegste Bahnhof is. In Zittens dröppt de L 142 op de L 130. Doröver besteiht över de Opfohrt 47 Zittens ok en Ansluss an de A 1 (Afsnidd Hamborg–Bremen).

Kultur

Dat Tister Buernmoor is Deel vun’t Ekelmoor, dat bi’n Oortsdeel Borgzittens anfangt un sik bit in’n Naverlandkreis tütt. Hier is bit End vun de 1990er Johren veel Törf steken worrn. Dat Moorrebeet steiht vundaag ünner Naturschuul. Fröher weer hier en Smalspoorbahn för den Aftransport vun den afbooten Törf bruukt, de noch in Funkschoon is un hüüt vun den Vereen Moorbahn Borgzittens e. V. wieterbedreven warrt as en Stück technisch Historie. Mit de Moorbahn Borgzittens warrt Utfohrten in dat Schuulrebeet na en Utsichtstoorn hen anboden, wat in de letzten Johren vun jümmer mehr Touristen wohrnahmen warrt. Dat gifft ok en Wannerweg na den Toorn hen, man Föhren to Foot dör dat Moor warrt nich anboden.

Weblenken

Websteed vun de Samtgemeen Zittens (hoochdüütsch)

Städer un Gemenen in den Landkreis Rodenborg (Wümm)