Adelheid av Meissen
| Adelheid av Meissen | |||
| | |||
| Fødd | ca. 1160 Meißen | ||
|---|---|---|---|
| Død | 2. februar 1211 Meißen | ||
| Tittel | Dronning av Böhmen | ||
| Føregangar | Judith av Thüringen | ||
| Etterfylgjar | Constance av Ungern | ||
| Alle titlar | Hertuginne av Böhmen (1192–1193) | ||
| Hus eller slekt | Huset Wettin | ||
| Gravstad | Meißen | ||
| Land | Det tysk-romerske riket | ||
| Mor | Hedwig av Ballenstedt | ||
| Far | Otto | ||
| Ektefelle | Ottokar I av Böhmen | ||
| Barn | Dagmar av Danmark, Božislava, Vratislav | ||
Adelheid av Meissen (1160–1211) var ei dronning av Böhmen. Ho var gift med kong Ottokar I av Böhmen frå 1178 til 1199.
Adelheid og Ottokar møtte kvarandre på 1170-talet, då Ottokar var i eksil i Tyskland. Dei gifta seg i 1178, utan løyve frå familiane sine, kanskje på grunn av ein svangerskap. Dei busette seg i Böhmen, og fekk minst fire barn saman. I 1193 blei paret nøydd til å forlata Böhmen og venda tilbake til Tyskland. Adelheid budde hjå bror sin, markgreve Albrekt I av Meissen, medan Otto blei leigesoldat for tyske fyrstar. Paret gleid etterkvart frå kvarandre.
Då Ottokar drog til Böhmen igjen som fyrste i 1197 etter å ha forsona seg med bror sin, Vladislaus, var Adelheid ikkje med han. Kort tid etter prøvde Ottotka å få ekteskapet sitt annullert på grunn av slektskap, og erklærte eldstesonen og arvingen Vratislav som uektefødd. Ottokar og Adelheid stamma begge frå Henrik av Schweinfurt og Mieszko II Lambert av Polen nokre slektsledd tilbak, og var anten fem- eller seksmenningar. I 1199 gifta Ottokar seg opp att med Konstanse av Ungarn, som var dotter av kong Béla III av Ungran og ein femmenning av Ottokar.[1]
Adelheid godtok ikkje annulleringa eller erklæringa av barna sine som uektefødde, og kom til Böhmen i 1205 med døtrene sine. Ho bad om hjelp frå Hohenstaufen-familien og pave Innocens III. Ho fekk ein del støtte, og i 1205 kunne Adelheid dra til Praha for ei tid. Den første sonen hans med Konstanse hadde nettopp døydd, og Ottokar bestemte seg for å gifta bort dottera si med Adelheid, Margareta (Dagmar), til kong Valdemar II av Danmark. Etter at Konstanse fødde ein son same året måtte Adelheid og døtrene forlata landet. Ho slo seg ned på eit kloster i Meissen. Adelheid gav ikkje opp kampen, men etter fleire år erklærte paven oppløysinga av ekteskapet som gyldig.
Barn
[endre | endre wikiteksten]Adelheid fekk minst fire barn med Ottokar:
- Vratislav (før 1181–1225)
- Markéta-Dagmar (1186?–1213), dansk dronning
- Božislava (Božislava Přemyslovna), die mit Heinrich I. von Ortenburg verheiratet wurde
- Hedwig (Hedvika Přemyslovna), nonne i Gernrode og seinare truleg i St. Georgsklosteret i Praha
Kjelder
[endre | endre wikiteksten]- ↑ Wihoda 2015, s. 299.
- Kjelder
- Wihoda, Martin (2015). Vladislaus Henry: The Formation of Moravian Identity. BRILL. ISBN 978-9004303836.
- Denne artikkelen bygger på «Adelheid av Meissen» frå Wikipedia på svensk og «Adelaide of Meissen» frå Wikipedia på engelsk, den 19. januar 2020.