Bernie Taupin

Bernie Taupin
Taupin på premieren til The Union i 2011 Tribeca Film Festival
Fødd	22. mai 1950 (74 år) Sleaford i Lincolnshire i England
Fødestad	Ruskington
Fødenamn	Bernard John Taupin
Alias	Carte Blanche
Opphav	London i England
Aktiv	1967–i dag
Sjanger	Pop, rock
Instrument	Vokal
Tilknytte artistar	Elton John, Alice Cooper, Long John Baldry
Plateselskap	The Rocket Record Company
Verka som	Tekstforfattar, låtskrivar, diktar
Gift med	Maxine Feibelman
Prisar	Johnny Mercer Award, Rock and Roll Hall of Fame

Bernard John «Bernie» Taupin (fødd 22. mai 1950) er ein engelsk tekstforfattar, diktar og songar, mest kjend for det langvarige samarbeidet med Elton John. Han skreiv tekstane til dei fleste store hittane til John og har skrive fleire av dei mest kjende tekstane i poprock-historia.

I 1967 svarte Taupin på ei annonse i den engelske musikkavisa New Musical Express som søkte nye låtskrivarar. Om lag samstundes sende Elton John inn musikk han hadde laga til avisa, og paret vart ført saman, og har samarbeidd på mange prosjekt sidan.

Etter å ha laga meir enn 100 låtar saman vert dei rekna for eit av dei største låtskrivarpara nokon sinne, i lag med Lennon/McCartney, Burt Bacharach/Hal David og Mick Jagger/Keith Richards.

Nokre av dei mest kjende tekstane til Taupin er «Daniel» (1973), «Your Song» (1970), «Sacrifice» (1989), «Candle in the Wind» (1973 & 1997), «Sorry Seems to Be the Hardest Word» (1976), «Rocket Man» (1972) og «Goodbye Yellow Brick Road» (1973).

Utgjevingar som soloartist

Soloalbum

• 1971 Taupin
• 1980 He Who Rides The Tiger
• 1987 Tribe

Med Farm Dogs

• 1996 Last Stand in Open Country
• 1998 Immigrant Sons

Kjelder

• Denne artikkelen bygger på «Bernie Taupin» frå Wikipedia på engelsk, og «Bernie Taupin» frå Wikipedia på bokmål den 25. oktober 2011.
  • Wikipedia på engelsk oppgav desse kjeldene:

Bakgrunnsstoff

• Offisiell nettstad