Georges Charpak

Georges Charpak
Fødd	1. august 1924 Davrovica i noverande Ukraina, dåverande Polen
Død	29. september 2010 (87 år) Paris i Frankrike
Nasjonalitet	Polsk og Fransk
Område	partikkelfysikk
Yrke	fysikar, fransk motstandskjemper, forskar
Institusjonar	CERN Centre national de la recherche scientifique
Alma mater	Lycée Saint-Louis École nationale supérieure des mines de Paris École de Physique des Houches Universitetet i Paris
Kjend for	Trådkammer
Ektefelle	Dominique Vidal
Barn	Nathalie Charpak
Medlem	Det franske vitskapsakademiet National Academy of Sciences Det austerrikske vitskapsakademiet Det russiske vitskapsakademiet Académie nationale de médecine

Georges Charpak (1. august 1924–29. september 2010) var ein polsk-fransk fysikar.

Charpak vart tildelt Nobelprisen i fysikk i 1992 for oppfinninga hans og utviklinga av partikkeldetektorar, spesielt trådkammeret.

Oppfinninga til Charpak mogleggjorde oppdaginga av særs kortliva og sjeldne partiklar. Detektoren leverer data direkte til tilkopla datamaskiner som kan analysere store mengder data. Dette gjer det mogeleg å studere forløp med både større oppløysing og tettare tidsintervall enn det som tidlegare var mogeleg med for døme boblekammer.

Charpak tok doktorgrad i kjernefysikk ved Collège de France i Paris i 1954, og byrja å jobbe ved CERN i Geneve i 1959. I 1984 vart han Joliot-Curie professor ved École Supérieure de Physique et Chimie i Paris, og i 1985 vart han medlem av det franske vitskapsakademiet.

Bøker

• La vie à fil tendu,Saman med Dominique Saudinos (1993 Odile Jacob, ISBN 2-7381-0214-X)
• Devenez sorciers, devenez savanns, saman med Henri Broch (Odile Jacob, ISBN 90-581-4005-9)

Kjelder

• Denne artikkelen bygger på «Georges Charpak» frå Wikipedia på bokmål, den 22. februar 2012.

Bakgrunnsstoff

Commons har multimedium som gjeld: Georges Charpak

• Nobelprize.org, Georges Charpak - Curriculum Vitae