Empire State Building
| Empire State Building | |||
| | |||
| Arkitekt | Shreve, Lamb & Harmon | ||
|---|---|---|---|
| Opna | 1. mai 1931 | ||
| Stil | art deco | ||
 Empire State Building 40°44′54″N 73°59′07″W / 40.748333333333°N 73.985277777778°W | |||
Empire State Building er ein 102-etasjars skyskrapar i art deco-stil i New York by i USA, som ligg der Fifth Avenue og West 34th Street møtest. Namnet på bygningen kjem av kallenamnet på delstaten New York, The Empire State. Han var den høgste bygningen i verda i meir enn førti år, frå han var ferdigbygd i 1931 til nordtårnet til World Trade Center stod ferdig i 1972. Etter at World Trade Center vart ramma av terroråtak i 2001, vart Empire State Building igjen den høgste bygningen i New York by og delstaten New York.
American Society of Civil Engineers har gjeve Empire State Building status som eitt av dei sju underverka i den moderne verda. Bygningen og interiøret i 1. etasje er gjevne status som landemerke av New York City Landmarks Preservation Commission, og også av New York City Board of Estimate.[1] Han vart gjeven status som National Historic Landmark i 1986.[2][3][4] I 2007 vart han plassert som nummer éin på American Institute of Architects si liste over favorittarkitektur i USA. Bygningen er ått og driven av W&H Properties.[5]
Empire State Building er den tredje høgste skyskraparen i Amerika (etter Willis Tower (tidlegare Sears Tower) og Trump International Hotel and Tower, begge i Chicago), og den 15. høgste i verda. Han er også det fjerde høgste frittståande byggverket i Amerika.
Kjelder
[endre | endre wikiteksten]- ↑ «New York Chapter, American Institute of Architects» i AIA Guide to New York City, 4. utgåve av White, Norval & Willensky og Elliot (Crown Publishers, 2000), s. 226.
- ↑ «Empire State Building – National Historic Landmark summary listing Arkivert 2012-04-18 ved Wayback Machine.» hjå National Park Service.
- ↑ «Empire State Building – National Historic Landmark Nomination Arkivert 2009-03-29 ved Wayback Machine.» av Carolyn Pitts hjå National Park Service (26.04.1985)
- ↑ «Empire State Building—Accompanying 7 photos, exterior and interior, from 1978 Arkivert 2009-03-29 ved Wayback Machine.» i National Register of Historic Places Inventory hjå National Park Service
- ↑ «Empire State Building» hjå W&H Properties.
- Denne artikkelen bygger på «Empire State Building» frå Wikipedia på engelsk, den 14. mars 2010.
Bakgrunnsstoff
[endre | endre wikiteksten]- Offisiell nettstad
- Kuriosa kring Empire State Building Arkivert 2006-02-06 ved Wayback Machine.