Einabus

Einabus
عينابوس, Ainabus, 'Aynabus
kommune
Namneopphav: Abuskjelda
Land	Dei palestinske territoria
Guvernement	Nablus guvernement
Koordinatar	32°08′48″N 35°14′42″E
Areal	4,0 km²
Folketal	2 340  (2007)
Folketettleik	585 / km²
Borgarmeister	Nafez Rashdan
Einabus 32.146666666667°N 35.245°E / 32.146666666667; 35.245
Kart som viser Einabus. Kart som viser Einabus.
Wikimedia Commons: Einabus

Einabus (arabisk عينابوس) er ein palestinsk landsby nord på Vestbreidda, 12 kilometer sør for Nablus i Nablus guvernement. I nærleiken ligg Huwara og Beita i aust ig Jammain i sør.

Historie

Det er funne gravholer og cisterner hogde ut i berget ved landsbyen.

Busetnaden i Einabus er datert attende til jebusittane, men dagens innbyggjarar stammar frå eit arabisk folk som flytta hit under Rashidun-styret av Palestina. Den gamle moskéen i landsbyen vart bygd på den tida og er tileigna Umar ibn al-Khattab. Fram til i dag har oliven og fiken vore dei viktigaste inntektskjeldene for innbyggjarane i Einabus.

Den gamle moskeen, Jama al-Arbain, vart inspisert i 1928 og 1942, og det vart funne ei søyle med ein inskripsjon av namnet Abdallah og datoen 625 (kring år 1227-1228).

Landsbyen vart ein del av Det osmanske riket i 1517 i lag med resten av Palestina, og i 1596 stod han oppført i skattelister som ein del av Jabal Qubal nahiya i Nablus liwa. Han hadde eit folketal på 49 muslimske hushaldningar og betalte skatt for kveite, bygg, sommaravlingar, oliven, og geiter eller bikubar.

I juni 1870 vitja den franske oppdagaren Victor Guérin landsbyen og noterte seg ei kjelde (som landsbyen er kalla opp etter) og at han hadde kring 400 innbyggjarar. Nedanfor landsbyen låg ein dal med oliventre. I 1882 skildra Palestine Exploration Fund i Survey of Western Palestine landsbyen (kalla Ain Abus) som «ein liten landsby på ein låg utstikkar frå fjellet, med ei kjelde i vest og oliven i sør.»

Demografi

I ei folketeljing i 1922 utført av Dei britiske mandatstyresmaktene hadde 'Ainabus eit folketal på 227 innbyggjarar, alle muslimar, medan han i folketeljinga i 1931 hadde 62 busette hus og eit folketal på 244, igjen alle muslimar.

I 1945 var folketalet 340, alle arabarar, med 4 011 mål land, i følgje ei offisiell landmåling. Av dette var 539 mål for plantasjar eller irrigert land, 2 107 for korn, medan 29 mål vart utbygd land.

Einabus hadde eit folketal på 1200 i 1987, i følgje Palestinsk statistisk sentralbyrå, og 2 340 i 2007.

Kjelder

• Denne artikkelen bygger på «Einabus» frå Wikipedia på engelsk, den 24. september 2015.
  • Wikipedia på engelsk oppgav desse kjeldene:
• Barron, J. B., red. (1923). Palestine: Report and General Abstracts of the Census of 1922. Government of Palestine. 
• Conder, Claude Reignier; Kitchener, H. H. (1882). The Survey of Western Palestine: Memoirs of the Topography, Orography, Hydrography, and Archeology 2. London: Committee of the Palestine Exploration Fund. 
• Dauphin, Claudine (1998). La Palestine byzantine, Peuplement et Populations. BAR International Series 726 (på fransk). III : Catalogue. Oxford: Archeopress. 
• Guérin, Victor (1875). Description Géographique Historique et Archéologique de la Palestine (på fransk). 2: Samarie, pt. 2. Paris: L'Imprimerie Nationale. 
• Hadawi, Sami (1970). Village Statistics of 1945: A Classification of Land and Area ownership in Palestine. Palestinsk frigjeringsorganisasjon forskingssentral. 
• Hütteroth, Wolf-Dieter; Abdulfattah, Kamal (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Tyskland: Vorstand der Fränkischen Geographischen Gesellschaft. ISBN 3-920405-41-2. 
• Mills, E., red. (1932). Census of Palestine 1931. Population of Villages, Towns and Administrative Areas (PDF). Jerusalem: Government of Palestine. 
• Palmer, E. H. (1881). The Survey of Western Palestine: Arabic and English Name Lists Collected During the Survey by Lieutenants Conder og Kitchener, R. E. Transliterated and Explained by E.H. Palmer. Committee of the Palestine Exploration Fund. 
• Sharon, Moshe (2004), Corpus Inscriptionum Arabarum Palaestinae, Vol. III, D-F, BRILL 

Bakgrunnsstoff

• Einabus (områdebilete)
• Velkomen til 'Aynabus