Fleetwood
|
Fleetwood | ||
|---|---|---|
| Plassering | ||
|
| ||
| Styresmakter | ||
| Land | ||
| Konstituerande land | ||
| Grevskap | Lancashire | |
| Distrikt | Wyre | |
| Geografi | ||
| Innbyggjarar - By (2001) |
26 840 | |
| Koordinatar | 53°55′N 3°1′W / 53.917°N 3.017°W | |
| Diverse annan informasjon | ||
| Postnummer | FY7 | |
| Telefon-retningsnummer | 0 1253 | |
Fleetwood er ein by i Lancashire i England. Han ligg på den nordlege spissen av Fylde-halvøya. Byen inngår i distriktet Wyre, men vert òg rekna som ein del av Stor-Blackpool.
Byen vart grunnlagd i 1836 av Peter Hesketh Fleetwood, og vart for det meste teikna ut av Decimus Burton. Han voks raskt som hamneby, og vart seinare òg kjend som ein feriestad. I 1960-åra vart fiskeriet i Fleetwood i stor grad øydelagt av torskekrigen mellom Storbritannia og Island. Dei fleste av trålarane i byen fiska torsk i Nord-Atlanteren, og tapet av fiskeområda råka hardt. Den siste trålaren forlet byen i 1982, og det er no berre mindre båtar som fisker innaskjers. Det hender at trålarar frå andre stader leverer til fiskemarknaden i byen; fiskeforedling er framleis ein stor industri i Fleetwood.
For mange er byen mest kjend som opphavsstaden til halspastillen Fisherman's Friend som framleis vert produsert der.
Blant attraksjonane i byen finn ein piren, to fyrtårn og The Mount, ein paviljong med klokke. Det finst òg eit bymuseum.
Det er ferjesamband over elva Wyre til Knott End-on-Sea og til Larne i Nord-Irland. På sommaren er det òg ferjesamband til Douglas på Man.
Fotballklubben Fleetwood Town FC spelar heimekampane sine på stadionet Highbury.
Kjelder
[endre | endre wikiteksten]- Denne artikkelen bygger på «Fleetwood» frå Wikipedia på bokmål, den 17. juli 2011.