Salford

Salford
Plassering
Styresmakter
Land	Storbritannia
Konstituerande land	England
Grevskap	Stor-Manchester
Distrikt	City of Salford
Grunnlagd
Geografi
Innbyggjarar  - By (2007)	69 853
Koordinatar	53°29′N 2°18′W
Diverse annan informasjon
Postnummer	M3, M5–M7, M50
Telefon-retningsnummer	0161
Commons har multimedium som gjeld: Salford

Salford er ein by i det nordvestlege England. Han utgjer kjernen i det urbane distriktet City of Salford i grevskapet Stor-Manchester. Byen ligg vest for Manchester, skilt frå storbyen av elva Irwell, og blir rekna som ein av forstadane til Manchester.

Historie

Namnet Salford kjem frå angelsaksisk seahlford, «vadestaden med piletre», ein referanse til piletrea som veks langs breidda av Irwell og ein gammal vadestad der byen ligg. Våpna til byen reflekterer dette, med tre bua blå linjer, som representerer vadestaden i elva, omkransa av blad frå piletre.

Det mellomalderske sentrumet låg ved elva, på andre sida av elva for Manchester. Under den industrielle revolusjonen voks byen, og var ein av dei første industrielle sentera i landet. I viktoriansk tid vart sentrum flytta, og etterkvart som Manchester vart ein stadig større og viktigare by mista Salford tydinga si.

I 1960- og 1970-åra vart mykje av byen fornya, med betongblokker som erstatta dei tradisjonelle terrassehusa. I dei siste åra av 1900-talet byrja ein å endre dette tilbake, men blokkene er enno eit markant innslag i byen.

Kultur og idrett

Salford er ein av dei få større byane i Storbritannia som ikkje har sitt eige profesjonelle fotballag. Det næraste laget er Manchester United FC, og dei fleste støttar dette laget, men mange er òg fans av Manchester City FC. Old Trafford Football Ground ligg òg i Salford.

Det katolske Salford bispedømme har sete i byen.

Kjelder

• Denne artikkelen bygger på «Salford» frå Wikipedia på bokmål, den 12. juli 2011.