Wilkes Land

Kart over Antarktis, med Wilkes Land til høyre

Wilkes Land er eit stort landområde i den austre delen av det antarktiske kontintentet og inngår i kravområdet Australia i Antarktis, Australsk Antarktis. Området er oppkalla etter løytnant, seinare kontreadmiral Charles Wilkes, som leia den amerikanske antarktisekspedisjonen 1838–1842 og observerte land fleire stader i denne sektoren.

Området strekkjer seg frå Queen Mary Coast i vest ved 100°28' A til Adelie Land i aust ved 136° A, og havet utanfor kysten av Wilkes Land grensar mot Indiahavet. Området strekkjer seg som ein sektor heilt inn til Sørpolen og har eit areal på om lag 2 000 000 km², der det meste ligg under is. Området er delt inn i følgjande sektorar:

• Knox Land: 100°28' A til 109°16' A
• Budd Land: 109°16' A til 115°33' A
• Sabrina Land: 115°33' A til 122°05' A
• Banzare Land: 122°05' A til 130°10' A
• Clarie Land: (Wilkes Coast) 130°10' A til 136° A

Kystlinja vart undersøkt og kartlagt av Operasjon Highjump 1946–1947, Operasjon Windmill 1947–1948, Australian National Antarctic Research Expeditions (ANARE) 1956–1960 og sovjetiske antarktisekspedisjonar 1956–1959.

Geologi

I 2006 gjorde eit forskarlag leia av Ralph von Frese og Laramie Potts gravitasjonsmålingar ved hjelp av NASA-satelittane GRACE og oppdaga det nesten 500 km breie Wilkes Land-krateret, som truleg vart skapt kring 250 millionar år sidan.

Wilkes Land i populærkulturen

• Wilkes Land vert mykje nytta som åstad i filmen The X-Files frå 1998. Fox Mulder reiser til Antarktis for å redde partnaren Dana Scully, som vert heldt til fange her.

Kjelder

• Denne artikkelen bygger på «Wilkes Land» frå Wikipedia på bokmål, den 5. august 2011.
  • Wikipedia på bokmål oppgav desse kjeldene:
• Composite Gazetteer of Antarctia. Den vitenskapelige komite for antarktisforskning (SCAR)