Enric de Borbon

Enric IV
Enric IV de França
Rei de França e de Navarra
1589  – 1610
Predecessor	Enric III
Successor	Loís XIII
Naissença	13 de decembre de 1553 Pau
Mòrt	14 de mai de 1610 París
Paire	Antòni de Borbon
Maire	Joana III dicha Joana de Labrit
Conjunt	Margarida de França puèi Maria de Medici
Enfants	Loís XIII Elizabeta de França Cristina Maria Nicolau Gaston de França Enriqueta de França Enric IV aguèron entre autres d' enfants illegitims nombroses
Signatura

Enric de Borbon per François Pourbus lo jove

Enric de Borbon (Pau, lo 13 de deceme de 1553 - París mòrt lo 14 de mai de 1610), aperat Noste Enric en Bearn, que ho rei de Navarra (1572-1610) dab lo nom d'Enric III de Navarra puish rei de França (1589-1610), purmèr rei de França de la branca dita deus Borbon de la dinastia capeciana, dab lo nom d'Enric IV de França.

Qu'èra lo hilh de Joana de Labrit, regina de Navarra e d'Antòni de Borbon, princi de sang per'mor de descénder deu rei Loís IX de França («Sant Loís»). Peu son pair qu'eretè deus sons drets au tròne de França en aplicacion de la lei salica e arron deus regnats e de las morts successivas deus tres hilhs deu rei Enric II de França.

Testimòni e actor de las guèrras de religion que cambiè nau vegadas de religion. Que ho capdau deu partit protestant, que's convertí un darrèr còp au catolicisme entà poder pujar suu tròne de França (en deishant lo reiaume de Navarra, gavidat per Bearn devath la regéncia de la soa sòr), qu'avó a's pelejar entà assegurar la soa autoritat, que promulguè l'Edicte de Nantas (qui permetó de fenir las guèrras de religion en autrejant ua cèrta tolerància au protestantisme) en bèth pacificar França e que ho fin finala aucit per François Ravaillac (un fanatic religiós) lo 14 de mai de 1610 a París, carrèra de la Ferronerie.

Precedit per	Enric de Borbon	Seguit per
Joana de Labrit	Rei de Navarra (1572-1610)	Loís XIII de França
Enric III de França	Rei de França (1589-1610)
Antòni de Borbon (de jure uxoris)	Coprince d'Andòrra 1562-1610