Amina

Las aminas son de compausats quimics organics que se considèran coma derivats de l'amoniac e resultan de la substitucion dels idrogèns de la molecula pels grops alquils. Segon que se substituiscan un, dos o tres idrogèns, las aminas seràn primàrias, segondàrias o terciàrias, respectivament.

Amoniac

Amina primària

Amina segondària

Amina terciària

Las aminas son simplas quand los grops alquil son parièrs e mixtas s'aquestes son diferents. Las aminas son de compausats fòrça polars. Las aminas primàrias e segondàrias pòdon formar de ponts idrogèn. Las aminas terciàrias puras pòdon pas formar de ponts idrogèn ; malgrat aiçò pòdon acceptar de ligams idrogèn amb de moleculas qu'an de grops O-H o N-H. Coma l'azòt es mens electronegatiu que l'oxigèn, lo ligam N-H es mens polara que lo ligam O-H. Doncas, las aminas forman de ligams idrogèn pus flacs que los alcòls de peses moleculars semblables.