Guadalquivir

Guadalquivir

Caracteristicas
Longor	657 km
Bacin	56 978 km²
Bacin collector	Guadalquivir
Debit mejan	164,3 m³⋅s^-1 (Sevilha)
Geografia
Païses traversats	Espanha

Guadalquivir es un riu de la Peninsula Iberica que nais a la Cañada de Aguafría, a 1400 m de nautor, a la Sèrra de Cazorla (Jaén). Va per las províncias de Jaén, Còrdoa e Sevilha e desboca a Sanlúcar de Barrameda (Cadis), en un ample estuari partejat amb la província de Huelva.

Los romans lo nomenèron Betis, qu'èra lo riu principal de Betica (Andalosia) e la sèrra ont nais tant Guadalquivir coma los seus afluents principals se sona Betica. Es l'unic riu espanhòl navegable, dempuèi Sevilha fins a l'Atlantic. Entre la capitala andalosa e l'estuari s'estend una importanta zòna umida: las marismes de Guadalquivir.

Donadas

Conca: 56 978 km²
Longor: 657 km
Debit mejan:
- Restanca del Tranco: 18,3 m³/s
- Marmolejo: 68,4 m³/s
- Sevilha: 164,3 m³/s

Afluents

En la riba esquèrra:
- Riu Guadiana Menor.
- Riu Guadalbullón, que passa per Jaén.
- Riu Guadajoz.
- Ritz Genil: es lo principal afluent, que li apòrta un debit de 33 m³/s que recuèlh las aigas de la Sierra Nevada. Va per la Granada, ont recep lo Darro, e per Loja, Puente Genil e Écija.
- Riu Corbones.
- Riu Guadaira, que passa per Alcalá de Guadaíra e Sevilha.
En la riba drecha:
- Riu Guadalimar.
- Riu Jándula
- Riu Yeguas.
- Riu Guadalmellato.
- Riu Guadiato.
- Riu Bembézar.
- Riu Viar.
- Rivera de Huelva.
- Riu Guadiamar.

Lo riu de Guadalquivir al sieu passatge per la vila de Còrdoa

Regim fluvial

Las creissudas de Guadalquivir an causat de problèmas al cors de l'istòria sustot dins la província de Sevilha, en la plana alluviala. Lo problèma de las inondacions s'es resolgut dins de vilas coma Sevilha o Còrdoa, pas aital dins los pòbles del bas Guadalquivir, coma se poguèt veire los ans 1996 e 1997, amb de grandas inondacions. La creissuda mai fòrta al sègle XX foguèt la de febrièr de 1963 amb un debit de 5300 m³/s a Còrdoa e 6700 m³/s a Sevilha.